معلش بردو في حاجات مينفعش نتفاداها و انا معاك فموضوع طريق البحر باليل متأخر العيال بتشد مع بعض و في ناس كتير بيمشو 180 خطر و موت حقيقي عدد الحوادث غير عادي و مفهوش هزار انا في أيام باجي متأخر بمشي من شارع ابو قير من الي شوفتو قبل كده ربنا يحفظنا
ربنا يسلم طريقنا جميعا
امين
السلام عليكم ورحمة الله
طبعاً فى حاجات مينفعش نتفاداها بس فى الموقف دة كان باين إن الواد دة متردد وحايعمل مصيبة
أما بالنسبة لإسكندرية والكورنيش فحدث ولا حرج وبعدين مش مهم إنه ماشى 180 المهم ماشى ال 180 إزاى غرز وكلام من دة ولا محافظ على مساره والعربية حتلم معاه ولا مش حاتساعده لو حب يقف
أنا كنت بشتغل فى سيناء وكنت قاعد فى الطور وبروح كل يوم شرم وسانت كاترين واللى راح هناك عارف يعنى إيه سواقة
ماينفعش هناك تمشى أقل من 150 مثلا بس تمشى بأدب يعنى تنسى الغرز والتفحيط وشغل الهبل دة عشان هناك الحادثة موت مافيش هزار أنا كنت بشوف حوادث هناك تستغرب من شكل العربية بعدها تحس إن العربية زى علبة السجاير اللى واحد عجنها ورماها
ربنا يستر علينا
أخوكم فى الله هانى
ياباشا حمد الله على سلامتك قدر ولطف
سلوكيات السواقه فى مصر بقت فى اسوء و اقذر حالتها
كله فاكر نفسه فى سباق و ماشى و لا همه
اتفرج على كورنيش النيل فى المعادى صواريخ صواريخ صواريخ معدية من حواليك
اعلى معدل وفيات حوادث طرق فى القاهرة على الكورنيش
الف سلامه عليك وقدر ولطف الحمد لله
بس هو فعلا البهايم كتروو اوووى اليومين دووول
وربنا يسترها
الله يسلمك
اللهم امين
انا احيانا بس حس انى من ضمن ااسواقين ........ دول
بس بحاول اظبط نفسى دلوقتى ومبحاولش اتجاوز ال100
السلام عليكم ورحمة الله وبركاته
فعلا ياهيثم إحنا المفروض نبدأ بنفسنا نحاول نكون قدوة لكل الناس اللى بتسوق بعشوائية
وياريت إحنا شباب نايل موتورز منتدى الأوبل نبدأ حملة من هنا لتصحيح المفاهيم الخاصة بالسواقة
ياريت نبدأ إحنا بأى طريقة نحاول نغير العادات السيئة الخاصة بالسواقة عتد الشباب
ياريت نفكر سوى ونشوف طريقة مش عارف مثلاً نعمل إستيكرات نحطها على عربياتنا
نعمل جروب على الفيس بوك
نعمل سيت على الإنتر نت
أى طريقة عشان بجد شكلنا سىء جداً قدام العالم كله, كل الناس الأجانب والعرب اللى بيجوا مصر بيقولوا إن أسوأ حاجة فى مصر هما السائقين
وإن إحنا ماعندناش ثقافة السواقة خالص ومافيش حاجة ممنوعة عندنا خالص.
أخزكم فى الله هانى