بنزين الكريستالة

**hanymoharem** · 22-11-2009 08:21 PM

سوالى الى اهل الخبرة
معايا لانسر كريستالة 99 العربية كاملة اوتوماتيك 1300 سى سى فابريكة بالكامل وعاملة 55000 كيلو من الزيرو و هية بحالة الزيرو تماما لم يتم تغير اى شى فيها من الفبريكة
انا لسة شريها من شهرين وعملتلها طقم سرفيس كامل فى التوكيل
المشكلة انى حاسس ان العربية بتاكل بنزين جامد جواء البلد و على السريع
جو البلد بتعمل معايا فى الصفيحة 125 كيلو من غير تكيف
على السريع بتعمل 150 كيلو
و بالتكيف مش هاقول اكيد حاسين بية
الى جانب العربية حاسس ان سحبها ضعيف و مخنوقة
التوكيل قال ان العربية زى الفل و ان اللى انا حاسس بية دة علشان العربية اوتوماتيك
ياريت حد يفدنى و يكون عندة حل غير انى انظف الكربتير لانى عاملت كدة
و شكرا

**mnhab4554** · 22-11-2009 08:42 PM

انا معايا نفس الموديل واعاني من نفس المشكلة بس بتعمل معايا 200 كم في الصفيحة بدون تكييف والميكانيكي قال ان ده طبيعي عشان اتوماتيك نرجو الافادة من اهل الخبرة ياترى ده طبيعي فعلا

**medo1527x** · 22-11-2009 10:02 PM

انا معايا نفس الموديل لانسر 99 بس مانيوال بتعمل حوالى 170 كيلو للصفيحة بس سحب العربية جميل ولكن للاسف فيه ريحة بنزين مع السرعة داخل السيارة وفيه تقطيع ظاهر فى الغيارات من الأول حتى الثالث بالرغم من انى غيرت البجوهات ونظفت الكربرتير (ميكانيكى قال عاوزة كربرتير استيراد) افيدونى افادكم الله

**ConDoR** · 22-11-2009 10:11 PM

اضم صوتي لصوتكم بس لان عندي كريستاله 1300 اتوماتك بردو وبتاكل بنزين بس دا الطبيعي في كل الكريستالات الاتوماتيك بالنسبه للسحب فهيا فعلا سحبها خنيق اوي اوي بس انا غيرت بوجيهات 3 شمعه والسحب اتحسن شويه

**ConDoR** · 22-11-2009 10:13 PM

المشاركة الأصلية كتبت بواسطة medo1527x

انا معايا نفس الموديل لانسر 99 بس مانيوال بتعمل حوالى 170 كيلو للصفيحة بس سحب العربية جميل ولكن للاسف فيه ريحة بنزين مع السرعة داخل السيارة وفيه تقطيع ظاهر فى الغيارات من الأول حتى الثالث بالرغم من انى غيرت البجوهات ونظفت الكربرتير (ميكانيكى قال عاوزة كربرتير استيراد) افيدونى افادكم الله

انا برده بشم ريحه بنزين عندي في العربيه

**ainshouka** · 22-11-2009 11:21 PM

بالنسبة لسحب الكريستالة هو كده فمتقلقش منه ومتنساش كمان انها اوتوماتيك و1300 سى يى فعلشان كده سحبها ضعيف ومفيش انك تقرص شوية وانت طالع بيها لكن حتة البنزين فهى بتستهلك عندك بنزين كتير جدا

**HeMa_LanCeR** · 23-11-2009 12:26 AM

كده الاستهلاك كتير ومن الافضل تروح مركز متخصص في الكربراتير وتقيس نسبه البنزين قد ايه والعادم قد ايه
بس ممكن اعرف حضرتك بتستخدم بنزين كام؟؟

**islamaboelnaga** · 23-11-2009 01:52 AM

جوه البلد 220 كم فى الصفيحه و على الطريق بتبقى 300-320 كم فى الصفيحه (مانيوال و سرعه 100 كم على الخامس ) و بالنسبه للسحب فمش هقولك ان مفيش عربيه 1300 هتطلع منك و هتطلع من 1600 كتييير و عربيتى معديه 100 الف كم بس صيانه فى التوكيل من الزيرو (من الاخر فى حاجه عندك مش مضبوطه حاول تروح التوكيل اللى فى قليوب)

**أبو_حمزة** · 23-11-2009 12:42 PM

الاحساس بالسحب نسبى يعنى لو متعود على عربيات مواتيرها كبيرة ها تحس ان السحب ضعيف
أما استهلاك البنزين فكل الارقام اللى فوق كتير ما عدا الخ "islamaboelnaga" تقريبا عندى نفس الاستهلاك والعربية اتوماتيك

**dr-mohamed** · 23-11-2009 02:55 PM

المشاركة الأصلية كتبت بواسطة islamaboelnaga

جوه البلد 220 كم فى الصفيحه و على الطريق بتبقى 300-320 كم فى الصفيحه (مانيوال و سرعه 100 كم على الخامس ) و بالنسبه للسحب فمش هقولك ان مفيش عربيه 1300 هتطلع منك و هتطلع من 1600 كتييير و عربيتى معديه 100 الف كم بس صيانه فى التوكيل من الزيرو (من الاخر فى حاجه عندك مش مضبوطه حاول تروح التوكيل اللى فى قليوب)

الله يبارك لك فيها والله يسامحك متهيالي عقدتنا كلنا
اكبر رقم اتقال قبلك كان 200 كيلو في الصفيحة وده تقريبا المتوسط بتاعي بردو
لكن انت بتقول ارقام خرافية بتعملها ازاي قلنا حاجة تانية غير ان الصيانات بتتعمل في التوكيل

الموضوع: بنزين الكريستالة

LinkBack

أدوات الموضوع

عرض

بنزين الكريستالة - انشر الموضوع فى :

-

-

-

-

المواضيع المتشابهه

اهم موضوعات الكريستالة

معقولة الكريستالة بتستهلك بنزين بالطريقة دي !!

فلتر بنزين الكريستالة

الكريستالة 408

مساعدة فى الكريستالة

الكلمات الدلالية لهذا الموضوع

المفضلات

المفضلات

ضوابط المشاركة