لا الواضح جدا لو انت راجعت كلام الاخ ماجيك انه بيقول هو الى جابها من عربيه مرسيدس على ما اعتقد
وبعدين الراجل ده معتقدش ان حتلاقى عنده قطع غيار لانه معتمد على الناس الى حوليه وخصوصا ده واقف فى منبع قطع الغيار فى اسكندريه
عرض للطباعة
لا الواضح جدا لو انت راجعت كلام الاخ ماجيك انه بيقول هو الى جابها من عربيه مرسيدس على ما اعتقد
وبعدين الراجل ده معتقدش ان حتلاقى عنده قطع غيار لانه معتمد على الناس الى حوليه وخصوصا ده واقف فى منبع قطع الغيار فى اسكندريه
بصوا يا جماعة الخير
انا متابع الموضوع دة من ساعة ماتعمل
هوة فى حل لو ينفع قولولى ينفع ولا لا
الحل هوة اننا نستغنى عن لمبة الصالون العادية ونخلى الاضائة عن طريق ليدات
وفى دايرة بتخلى اليدات دى تطفى بديلاى انا لاقيتها على موقع اجنبى وعملتها على test board وهية بتنور على طول ولما تفصل عنها البور بتطفى واحدة واحدة ودى ممكن نغير الوقت بتاع الديلاى عن طريق المكثف والمقاومة الى راكبة معاة
لو ينفع معاكو النظام دة اوكية
وعلى كل حال انا هاعملها فى عربية صاحبى اللانوس ومش هاحاول ابوظ حاجة فى البودى بتاع اللمبة الاصلية علشان لو منفعش نرجعها تانى تشتغل باللمبة العادية
ربنا يسهل اجمعها انهاردة وارفعلوكو الصور وهاحاولو اعملها فديو للتوضيح
بص يا باشا انا فعلا جبت الليدات بس المشكله مش فى الليد المشكله فى الدايره الى بتركب عليه
وسواء ليد او لمبه عاديه المشكله فى المكثف والكلام ده عاوزين حاجه معينه او دايره معينه تتعمل
احنا لقينا ان احسن حل واسلم حل اننا نجيب تايمر من عربيه فيها الموضوع ده اصلا زي اللانسر مثلا علشان نبقي واثقين اننا مش حنعمل حاجه غلط تعمل قفله فى العربيه لا قدر الله
عموما احنا مستنيين تجربتك وان شاء الله تنجح ولو لقينا انها امان ممكن نعمل زيها
newhansol
ممكن تكتبلنا مكونات الدايرة وصورة ليها هيا والتخطيط بتعها
متابع بأهتمام
اسف على التاخير انا معرفتش اصورلكم التايمر الي عندي لاني لزقتو في السقف من جوه عشان السواند سيستم في البيز كان بيعملي صوت في السقف ومعرفتش افكو بس دي صوره تايمر تاني وبيعمل نفس الوظيفه الي عندي زي ده بس شبه البطاريه القلم بيوصل في دايره الكهربا وبتاعه لمبه الصالون
http://i385.photobucket.com/albums/o...0901-05-17.jpg
..........
معلش يا جماعة انا مش شايف قدامى دى اول صورة لحد دلوقتى بكرة هاكمل والدايرة مش صعبة ولا حاجة دى اتفة مما تتصورو
وموضوع التيمر دة الى فى الصورة الى حضرتك اشتريتة ماهوة الا تلات مكثفات مربوطة مع بعض ومحطوطين فى كفر بلاستك كل واحد سعتة قول 10000 ميكروفاراد
على كل حال بكرة باذن الله اخلصلكو الدايرة وتشوفوها
الصورة دى للمبة بتاعت اللانوس
صاحبى واجع دماغى عليها وكل شوية يقولى (اوعى تبوظ فيها حاجة يالة ودينى ادفعك تمانها دى بسبعين جنية استيراد )
مكونات الدايرة قبل ما قوم انام
ترانستور موسفيت huf76121p اهم حاجة يكون الامبير بتاعة عالى علشان ماسيخنش بسرعة انا جربت لحد دلوقتى تلات انوع غير الى انا كاتبة دة و هم Buz71 irf46n
وطبعا مكثف 10000 ميكرو فاراد
وشوية ليدات على حسب المساحة الى انت هاتعملها مكان لمبة الصالون
وعلشان برضة الليدات تعيش ومتنحرقش بسرعة والمقاومات بتاعتها ماتسخنش انا جربت ولاقيت انة احسن حاجة تعمل كل خمس ليدات مع بعض على التوالى مع مقاومة 220اوم
مثلا عندى 30ليد يبقى عايز 6 مقاومات 220 اوم
وكل خمسة يتربطو مع بعض على التوالى يعنى كل واحدة تسلم التانية
معلش يا جماعة انا دماغى مش مترتبة فى الكلام حاسس انى توهتكم على كل حال بكرة هاكملها واصورهالكم واحط المخطط بتاع الدايرة
لانى نهاردة تعبت فى توصيل الليدات لانها كانت بتسخن كل شوية وبعدين دعبست شوية على النت وفهمت ازاى يتوصلوا مع بعض من غير مافى حاجة تسخن او تنحرق
ودة صورة المخطط بتاع الدايرة
مش عارف اعمل اضافة للصورة وتطلع كبيرة وكويسة منين مش عارف
لحد دلوقتى التجربة فى البيت على الادابتور شغالة كويس وفى العربية مش عارف المكثف بيفرغ الشحن بسرعة والليدات بتطفى بسرعة كبيرة ومش منورة بنفس القوة
ماشى الفكرة كدة فشلت
طيب اشمعنى فى البيت بتبقى شغالة كويس
اخر حل بقى هاعملة كمان شوية هاشيل كل العك دة واحط تلات مكثفات كبار وخلاص لما اشوف هايحصل اية ولو اشتغل يبقى خلاص هوة دة التيمر الى بيقولو علية
بس معقولة تلات مكثفات بس وخلاص
ادينى هاجرب
اية يا جدعان هوة انا فى الصحرا ولا اية
الووووووووووووو
انتظروا الحل من الاخر ورفع التجربة عملى بالفيدبو
ياريس كلنا فى انتظارك وعلى فكرة الموضوع دى مهم عندى برضو وكنت بفكر من فترة اشترى الدائرة دى بس استغلتها وقلت لا بس لما يكون الموضوع دى معمول بأدى بيكون لية طعم تانى غير انة ارخص طبعا وبيكتتتيير
متابع
لان هركبها انا كمان باذن الله
يلا يا باشا ايدى على كتفك و انا كمان هركب
يلا يا باشا ايدى على كتفك و انا كمان هركب ومنتظر بردو الحل
طب انا بكره حصور الدايره بالمكثف ال 10000 واوريكم وانتم تحكمو
ايه يا جماعة الخير وصلتوا لحاجة ولا لسة وفين الفديو او الصور
والمعلومات
المحاولة التانية فشلت برضة بس اكتشفت حاجة مهمة جدا
انى كنت مركب الدايرة غلط
ولما قريت الفكرة والاساس العلمى الى الدايرة قايمة علية فهمت وركبتها صح بس لسة مجربتش على العربية
هاجرب انهاردة او بكرة
معلش الموضوع طول قوى بس هية كبرت فى دماغى بقى يا اما اعمل البتاعة دى يا اما هاولع فى العربية بحالها والايام بيننا
ربنا معاكو يا شباب وكلو يحاول والى يوصل لحاجه يقول
ايه يا شباب كسلنا ولا ايييييييييييه
اخيييييييييييييييييييييير ا
خلاص يا جدعان عرفت العيب كان فين
باذن الله انهاردة اركبها واوريكم فديو ليها كمان
معلش الموضوع طول بس احساس جميل بالنجاح بعد الفشل
مازلنا فى الأنتظار يا ريس
شوفتنى اوى انا على نار
يلى بسرعة عايز افرح معاك وانا اول واحت حانفز الفكرة
احب ابشركو انها ركبت وشغاله عندى
الوحش new hansol عملها
انتظرو التفاصيل من
newhansol
طب متشرحلنا ازاى عملتهااقتباس:
احب ابشركو انها ركبت وشغاله عندى
الوحش new hansol عملها
انتظرو التفاصيل من
newhansol
يا ريس انت متسالش دة احنا نوصلهالك لحد عندك
اللينك اهة
http://www.nilemotors.net/Nile/111915-delay.html
انا مخدتش بالى والله غير بالصدفه لما لاقيت الموضوع فى وشىاقتباس:
يا ريس انت متسالش دة احنا نوصلهالك لحد عندك
اللينك اهة
موضوع متميز
شكرا