الموضوع: حفظ القران الكريم - لمن يريد

خطوة مهمة جدا ورائعة بس علشان تستمر انصحك بالأتي:
1-لازم لازم لازم تحفظ علي يد شيخ متقن هيعلمك ازاي تقرأ صح (مخارج حروف واحكام التجويد)
2-متحفظش كتير في البداية علشان لو اخذت الموضوع بحماسة هتلاقي همتك في الحفظ ضعفت ويحصلك فتور يعني ابتد بجزء عم ويفضل الترتيب لأننا المفروض بنزيد كل يوم ايمان وعمل صالح مش بنقل وتذكر يعني قبل ماتحفظ تحدد نيتك وتقول لنفسك انا بحفظ قرأن ليه وعلي فكرة انت ممكن تحفظ القرأن بأكثر من 60 نية صالحة لو عايزهم اقولهملك.
3-حفظ القرأن بيبقي مراحل وبيبقي فتح من عند ربنا يعني مثلا في الأول بتلاقي نفسك بتحفظ ربع حزب في 3 ايام او اسبوع لما تعدي ال5 اجزاء هتلاقي نفسك ممكن تحفظ نصف جزء في نصف ساعة انتظار او في مشوار وفيه احد الأخوة خاتم القرأن وبيجي للشيخ بياخد قراءات بيقولي انا مرة كنت رايح لصاحبي بنادي عليه عمال مانزل كنت مخلص نصف جزء وفيه ناس اعرفهم برده بعض ما قطعوا جزء كبير من الحفظ بقوا يحفظوا جزء في اليوم.
4-لازم يبقي عندك صبر في الحفظ وتراجع بأستمرار علي اللى انت حفظته قبل ما تحفظ كتير والمراجع اهم من الحفظ.
5-تفرغ وقت محدد للحفظ في الأسبوع ويبقي الوقت ده بتاع ربنا بس يعني لما تخش تحفظ تقفل تليفونك وتبقي مركز في الحفظ بس وهم كلهم يومين في الأسبوع بالكتير ومعمظم الشيوخ بيحفظوا في الوقت اللى مابين المغرب والعشاء او بعد العشاء او بعد الفجر.
6-لو بتسمع اغاني عافانا الله واياك منها لازم تبعد عنها خالص لأن الفرأن والغناء لن يجتمعوا في قلب واحد.
8-احرص علي التفاسير المختصرة كتفسير السعدي او المصاحف التى بهامشها التفسير.
9-بفضل ان يكون هناك صديق تراجع معه ما حفظت وان تقرأ في الصلاة بما حفظت وتداوم علي سماع القرأن فهو من الأسباب المعينة علي الحفظ واسمع لمشاهير القراء امثال الحصري وعبد الباسط رحمهم الله فهم رواد في هذا المجال
10-تذكر قول النبي عليه الصلاة والسلام (احب الأعمال الى الله ادومه وان قل).
كل النصائح دي عن تجارب شخصية او تجارب الأخوة اللى بيحفظوا معايا.