وانا ايضا متضامن معك ولمدة ثلاثة أيام لن أشارك بالمنتدى في أي موضوع او بأي تعليق.
انا متفقة جدا مع حضرتك
احنا اللي بيميزنا فعلا اننا متحضرين ومحترمين وكلنا بنحب وطنا جدا وبنغير عليه
بس انا شايفة اننا لو تجاهلنا كل الثورة الاعلامية دي كنا استفزناهم اكتر
لكن هما دلوقتي فرحانين وحاسين انهم نجحوا في هدفهم
لازم دلوقتي نهدي ونسيب التحركات الدبلوماسية بين الحكومتين نشوف هنوصل لايه
ده مش ضعف لا ده احترام لانفسنا فبل ما يكون لاي حد تاني
أؤيد كلامك بشدة حاج أحمد ولك مني جزيل الاحترام
http://www.nilemotors.net/Nile/107594-a.html
فين الحقيقة ؟؟؟
اللجنة المنظمة للفاصلة: لم نسجل أي حالة ضبط لسلاح أبيض مع الجزائريين
اللجنة المنظمة للفاصلة: لم نسجل أي حالة ضبط لسلاح أبيض مع الجزائريين
لم أنسب تلك المقولة إلى عمرو بن العاص قط.
لكنني مقتنع بها تماماً. لو حضرتك تأملت بعمق حال بعض المصريين (وليس معظمهم!!)
ستجد أنها تنطبق عليهم فعلا. تذكر معي سيدي الفاضل أن جميع وسائل الإعلام المصرية والعائدين من السودان أخطئوا مجتمعين في حق السودان وفي قيادتها وشعبها (طبلة) ... حتى جاءتهم تعليمات عليا مشددة بعدم التعرض للسودان وتوجيه السباب والشتائم لها (عصا) ... فتحول الإعلاميين والفنانين العائدين من السودان 360 درجة وتراجعوا تماماً عما قالوه وصرحوا به، وأصبحت تلك الهجمة الشرسة منصبة على الشعب الجزائري بأكلمه ....
تحياتي
كلامك صح يا حاج أحمد
بس المشكلة أن الحكومة الجزائرية تشم أنها متعاونة في اللي حصل .
الموضوع مش موضوع خناقة بين جمهورين أو تعدي جمهور على الأخر .
لما يكون التعدي ده بتحريض الكبير بتاعك و توصل أنهم يحرقوا العلم و يشيلوا مطاوي و سكاكين ............. يبقى لازم وقفة
بس اللي أحنا بنعمله هو عين الغلط زي ما أنت قلت و أكيد فيه ملايين من الشعب الجزائري مش موافقة على اللي بيحصل و لا على اللي حصل . و أكيد فيه منهم زينا مش عايز الموضوع يكبر و يأخد أكبر من حجمه و نخلي الأعداء تشمت فينا أحنا الأثنين .
بس اللي أنا شايفه ............ أن حكومة الجزائر متواطئة .
يجب التحلي بالصبر و الهدوء حتى يتم أتخاذ قرارات صحيحة تفيد الشعبين لأننا في النهاية أخوة و أكررها نحن أخوة
حد يا جماعة شاف لاعب الجزائر و هو بيتغير و خارج بيقول " الحمد لله " ..........
المشكلة أن فيه شحن معنوي من الطرفين للجمهورين بأختلاف طبيعة الجمهوريين حيث أن جمهور الجزائر متعصب و همجي شوية و مش مع مصر بس
عملوها في تونس و في فرنسا و حرقوا المخلفات و مراكب الصيد في مرسيليا ........ و ده يبين همجيتهم . ( أنا بتكلم عن أحداث واقعية بتحصل مش بفتري على حد )
بس جريدة الشروق .............. زودتها على الأخر .................. و الاعلام المصري أعطى للمبارة أكبر من حجمها بكتير قبل المبارة الأولى مما زاد الشحن المعنوى في الجانبين مع وضع الأعتبار أن الجانب الجزائري متعصب همجي في كرة القدم .
سبق و نبه الزميل الفاضل محمد طه على مكانة الأستاذ أحمد إبراهيم صاحب الموضوع في المنتدى و مكانته في قلوبنا و فرق السن اللي بينا و بينه.. فمن فضلك تعبر عن رأيك بطريقة أفضل من كده. مش عيب اننا نختلف مع بعض و كل واحد حر في رأيه.. إنما العيب اننا نتكلم مع بعض بالطريقة دي.. عيب أوي.
نداء للأخوة جميعا الذين ينون المشاركة في الموضوع
نرجوا أحترام آراء بعضنا البعض و عدم التهكم على أي رأي مهما كان مختلف معانا .
ثانيا و ده الأهم .........
الحاج أحمد ابراهيم من الناس المحترمة جدا جدا جدا في المنتدى و يحق علينا أحترامه و التكلم معه بكل أدب و أحترام
الحاج أحمد له أحترام اضافي و هو فارق السن بينه و بين أغلب رواد المنتدى لذلك وجب وجب وجب وجب وجب علينا أحترامه ووضعه فوق رؤسنا جميعا و كل رأيه يقوله يجب أن نحترمه حتى لو مختلفين معه .
أظهر رأيك بكل أحترام لشخص محترم زي الأستاذ أحمد ابراهيم .
الراجل ده عمه ما غلط في حد من يوم ما أشتركت على المنتدى و هذا حق له و هو الأحترام التام له كما هو يحترمنا جميعا و لم يغلط في أحد من قبل .
و شكرا يا علا .............