متشكر لذوقك ربنا يخليك
انا انهارده سألت في التوكيل لقيت فردة الجنط الواحده بـ2000
رحت سألت عند اشرفكو لقيت الطقم الـ16 عامل 2300 و الـ17 عامل 3000
فانا بفكر اجيب طقم 16 بالكاوتش و اهو يبقى تجديد بالمره
عرض للطباعة
بص نصيحه لو حتجيب جنوط للسوبارو هاتها اصلي وبلاش التجاري دي حرام تركب في السوبارو واديك شابف جنوطها الاصلي ال 15 بكام وهي على فكره جنوط نضيفه اوي برضه فبلاش تغير 17 غير لو كان جنط اصلي
اما بالنسبه للازاز اسأل عند جريش وان ملقيتش قولي لان كان في واحد جنبي في فيصل قالي موجود ب 800 تقريبا
اما المساعدين يا تغير بحاجه رياضيه وجامده او تركب الاصلي بتوعها احسن لان فعلا دون مساعدين حلوين اوي ومفيش زيهم ينفعو للعربيه
انا غيرت امبارح الازاز الحمد لله
جبته دكتور جريش بـ450 جنيه بالتركيب
و الجنوط بصراحه انا مش مستعد ادفع 2000 جنيه و انا عارف انه 100% ارخص من كده بكتير بس هو التوكيل اسعاره مستفزه في حاجات كتير
انا لو عليا والله نفسي اجيب الاصلي طبعا و انا عارف انه متين بس الفرده بـ2000 كتير قوي
و بالنسبه للمساعدين انا بسأل كذا مكان اشوف يه نظامهم و لو ملقتش ان شاء الله هجيب الاصلي لان هي كده كده قدامها اسبوع على ما تخلص ان شاء الله
انما بالنسبه للجنط معتقدش هجيبه بـ2000 لان حتى الكاوتش ميزانيتي متسمحش دوقتي اجيب ريدجستون خالص فهنزل للكوري و امري لله
و شكرا,,،
طيب لما تيجي تشتري الجنط خلي بالك من الـ Et Value بتاعته علشان متبوظش ثبات العربيه. الجنط الـ 15 رقمه على ما اذكر 50 او 55 لو 17 يبقى من 48 يزيد او ينقص حاجه بسيطه
ايو ايوه افتكرتها فعلا دي مهمه اوي تكون نفس المقاس بتاع العربيه
تسلم يا احمد على الرد السريع
شكرا على المعلومه,
بس اتأكد من الرقم ازاي و اعرف انهي رقم هو الصح ازاي معلش,
و اركب ان شاء الله انهي احسن 16 ولا 17؟
و منين اقدر اجيب الـ ET value المناسب للعربيه؟
و عايز اسأل سؤا بس كمان معلش,
هو العفشه الرياضيه تكلف كام تقريبا؟
و لو كده هيبقى في منها للسوبارو هنا في مصر؟
عشان نا لسه مجبتش المساعدين فبفكر في كذا حاجه
الـ 16 عملي اكتر... بس الـ 17 اشيك كتير. نصيحه... لو هتجيب جنط انزل الحرفيين و هات اي جنط مستعمل بس اصلي (هيكون ايطالي - ياباني - ألماني - انجليزي -اسباني) و سعره هيكون زي الجديد او ارخص و جودته اعلى كتير و كمان شكله هيكون احى لو اخترته كويس. مقاس مسامير الجنط عندك 5-100 و الـ et لو جنط 15 هاته زي للي عندك. لو 17 حوالين 48... لو 16 معنديش الرقم بالضبط... بس هيكون بين الاتنين. من الجنوط اللي تمشي معاك جنوط جولف 4 و اوكتافيا بس مش فامر الـ et كان مناسب و لا لأ.
يا جماعة انا عندى سوبارو امبريزا 1998 وعايز اجيبلها فوانيس اسبور حاجة كدة شبة فوانيس ال2008 ممكن حد يقولى
اللينك ده فيه شرح للـ ET Offset Value مع الشرح صوره كمان
http://www.tirerack.com/wheels/tech/...jsp?techid=101
بس المشكله انا مش عارف ايه الـ ET المناسب للعربيه عندي على الجنط ال16
كل الموجود في السوق كان ET 38
بالنسبة للعفشه الرياضية انا بفكر فيها من زمان وسألت عليها عند حماده غزي في بورسعيد وقالي
النوع apex
السوست حتبقى في حدود 1400 بالشحن
والمساعدين ب 3700 تقريبا بالشحن
وهو هيطلبهم من الموقع على النت وبيحسبها هو تكلفه وشحن وكده
هو قالي ممكن تركب سوست بس وهتظبط معاك بس حتوطي العربيه 4سم تقريبا (ده عيبه لانها مش ناقصه اصلا)
اما المساعدين ميركبوش لوحدهم لازم السوست كمان ( ده لاني كنت عايز اغير المساعدين بس )
بس ياريت لو حد ياكدلي المعلومه دي برضه لاني عايز اغير مساعدين بس ومش عايز اوطي العربيه
وبالنسبه لسعر المساعدين في التوكيل 3000 جنيه تقريبا
حسبتها كده لقيت اني اجيب اسبور احسن واهو فرق مش كبير وانا ناوي اعمل الموضوع ده قريب ان شاء الله
بصراحه يا جماعه العربيه مش محتاجه عفشه رياضيه من الأساس. اللي فيها كفايه و زياده. رأيي خليكو في السوست و المساعدين الأصليه. لو تمنها غالي هنا حاولوا تجيبوها من الخليج مثلا.
اصل يا احمد الصراحه المساعدين عندي ابتدت تخف فكده فكده حغير مساعدين فقولت لما اغيرهم اجيب حاجه احسن عشان برضه تعوض استهلاك العربيه العالي اللي انا عامله لانها مبقتش زيرو يعني
بس متعرفش يا احمد لو تسألي ينفع اركب المساعدين ال ابيكس دول من غير سوست ولا لازم السوست اول حاجه زي ما اتقالي ؟؟
بصراحه معرفش يركبو لوحدهم و لا لأ.. بس الفيصل انك تعرف هل مقاسهم نفس مقاس الأصليين؟ لو كد يبقى اكيد يركبو.
انا انهاده الحمدلله رحت غيرت مساعدين امامي في التوكيل
كده يبقى مش فاضللي غير الجنوط ان شاء الله
مش عارف بقه اجيبها منين
بس في حاجه,
كل المومو الي لقيته قيته صيني و كلهم بيقولولي ان كل المومو الاصلي دلوقتي صيني
بس هل ده هيبقى كويس؟؟
هو اغللى من الباقيين شويه بس هل هيكون احسن من الانواع التايواني؟
هو الجنط يا استاذ احمد كان عرضه 6,5 و في 7,5
و كل الي في السوق 38 و 35 و الجنوط ال17 في بيوصل فيها لـ40
و كذا واحد بيقوللي الـet بيتظبط بالرينجات
الرينجات لازمتها انها بتكلى الفراغ اللي بين السره بتاعه الجنط و سره العربيه لو اللي في الجنك أكبر.. لكن ملهاش دعوه بالـ ET
لو الجنط عرضه 6.5 يبقى الـ et المناسب من 53 لـ 55
لو الجنط عرضه 7.0 يبقى من 50 لـ 53
لو الجنط عرضه 7.5 يبقى من 47 لـ 50
الارقام دي ممكن تطلع او تنزل عنها 3 درجات بدون تأثير
زي ما نصحتك قبل كده... سيبك من الجديد و شوفلط طقم جنط استيراد هيكون احسن كتييييييير
شكرا يا استاذ احمد معلش تاعبك معايا,
انا بكره ان شاء الله هنزل الحرفيين ابص بصه كده على الجنوط الاستيراد و اشوف ايه نظامهم
و لو مش كده بقه هنزلك بورسعيد بقه و خلاص,
و اقوللك شوفلي صرفه و مش همشي غير لما تحللي المشكله دي ان شاء الله :120105~352:
انا تحت امرك و هتتحل باذن الله. أهم حاجه متعرفش حد انك بتشتري لسوبارو. قول انك بتشتري لجولف 4 أو اوكتافيا a4
انا بردو هشوفلك هنا اخبار الجنوط ايه.
ان شاء الله بس هو ليه مقولش لسوبارو؟
هيغلوا عليا؟
و هو اكيد بتاع الجولف و الa4 يركب كويس
ربنا يسهل ان شاء الله
ادعيلي بس ربنا يسهل و اجيب حاجه كويسه ان شاء الله
و شكرا لتعبك معايا
عايز اسأل سؤال,
هو ان شاء الله اركب مقاس الكاوتش كام؟
الكاتاوج بيقول : 205/50/16
بس انا حاسس انها هتكون رفيعه قوي و مش عارف هتستحمل مطبات مصر ولا لا
و ناس قالولي خليها 205-55-16 عشان موضوع السمك ده
فمش عارف اركب زي الي في الكاتالوج ولا اركب ال 55 عشان الجنط ميتخبطش؟؟؟
و هل هيكون فيه تاثير على قراءة العداد؟؟
حسب عرض الجنط اللي هتجيبه يا مصطفى... لو عرض الجنط 6.5 بوصه تركب 16/ 205/50 (في الحاله دي البروفايل معقول مش قليل)
لو عرض الجنط 7 يكون أحسن و ممكن تركب 205/50/16 (في الحاله دي البروفايل بتاع الكاوتش هيزيد و يحمي الجنط أكتر)
في الحالتين هيكو فيه فرق بسيط في قرايه العداد.
في الحاله الأولى العربيه هتوطى حوالي 1.8 مم
في الحاله التانيه العربيه هتعلى عن الأرض حوالي 3.2 مم
استاذ احمد انا انهاده نزلت الحرفيين و دماغي الشمس كلتها طول اليوم و لفيتها كلها على الجنوط,
ملقتش غير واحد بس o.z بس شكله مش حلو و تحس انه قديم قوي( الـet بتاعه كان 40)
ده الوحيد الي 5\100 الباقي كله ميركبش عندي
و كل مسأل واحد على جولف او اوكنافيا يوريني بتوعم الاصليين الي عليهم علامة فولكس اقوللو لا انا عايز سبور يقوللي لا مفيش
المهم نزلت عند واحد اسمه بركات في مصطفى النحاس و شفت عنده لقيت hrs كويسين و شكلهم معقول جدا
و للاسف المومو مفيش منه 5\100 خالص!!!!
فانا بفكر بكره ان شاء الله اتوكل على الله و اجيب واحد hrs بس الet بتاعه 40 برضه
المهم ان اكبر et شفته في كل الماركات كان 45 على مومو و كان 17
و لما بصيت في الكاتالوج بتاع مومو الي في ارابكوم لقيت الـet الي يركب عى الامبريزا من 35-40
انا أرقام الـ ET اللي جبتهالك دي من منتديات سوبارو. أنا مركب جنط 17 و الـ ET بتاعه مش فاكر 45 او 48
لو عندك استعداد تركب جنط الـ ET بتاعه مش صح يبقى اشتري واحد من بتوع الجولف و مش مشكله العلامه اللي في النص. الطبه دي بتتشال و تركب مكانها اللي انت عايزه. و على فكره الجنوط دي بتكون BBS يعني محترمه جدا.. و فيه منهم كذا شكل... بس الشكل ده أكتر واحد ينفع لعربيتك:
http://www.finishlinewheels.com/spec...copiaB7AEA.jpg
على فكره... التفسير الوحيد اللي يخلي رقم الـ ET بناع الجنوط المومو في الكتالوج من 35 لـ 40 ان الجنط يكون عرضه 8 بوصه... يعني اكيد جنط 18 أو على الأقل 17
لا كل المومو دول كانوا 16 و 6,5 و 7 بوصه
انا حتى ساعتها فتحت الكاتالوج مع الراجل و قعدنا ندور عليها مع بعض,
طيب استاذ احمد هو حضرتك مركبه نوعه ايه؟
و هل مأثر على العفشه ولا ايه الاخبار؟
اصل صراحه وانا بجربهم جربت واحد 17 كان هياكل العربيه و قعدت تلعب في دماغي بعدين استعذت بالله من الشيطان الرجيم :_Alshmokh22[1]:
و رجعت لصوابي و بصيت على ال16 تاني:ma:
و كمان انا معلش هتعبك شويه كمان فتره كده عشان ان شاء الله ناوي على فلتر و بوجيهات و اسلاك
فان شاء الله خليك مستعد عشان شكلي هبقى متعب جدا و خصوصا اني موسوس شويه
اه و بالنسبه للطبه صحيح ,
كان فيهم بتبقى فولكس محفوه على دراعات الجنط او بتكون الطبه كبيره من الي هي بتغطي على المسامير و دي طبعا صعب تغييرها
غير كده ان الجنوط اصلا بتاعت الفابريكه بتاعت الفولكس الي بتنزل مصر فباين قوي انها سواق فولكس او اوكتافيا فمش حلوين
انما الي حضرتك حاطط صورته ده مش موجود حاجات كده خالص
لو عايز جنوط جولف شبه اللي وريتهالك دي اجيبهالك من بورسعيد (بس تكون قررت تطنش موضوع الـ ET) و كلها بالكبه الصغيره... اللي بالطبه الكبيره دي شكلها مش حلو اصلا.
الجنط اللي عندي استيراد و هوه خفيف و جامد الحمد لله. هوه مش مأثر على العفشه في حاجه لحد دلوقت على الأقل... بس اكيد لازم تكون حريص في سواقتك اكتر من الطبيعي. أكيد طبعا الـ 16 عملي أكتر بس الـ 17 شكله احلى كتييييييييير.
خلص انت بس موضوع الجنط... و لما تنوي على اسلاك البوجيهات و البوجيهات قوللي و انا تحت امرك... و كمان ممكن اوريلك الحاجات التانيه اللي انا عاملها في العربيه.
بالمناسبه... عندي CD changer اصلي زياده... انت عربيتك 2006 و لا 2007؟
لا انا 2007 فعندي الcd standard
و ان شاء الله اخلص امتحانات بس و افوقلها
بس هي المشكله اني محتاج الجنوط ضروري لاني كل ده ماشي بالاستبن العجيب ده,
طيب يا استاذ احمد هو الطقم يتكلف كام تقريبا استيراد؟
و هو حضرتك جايبه من بورسعيد ولا من الحرفيين؟
و لو من بورسعيد هل الفرق يستاهل اني اسافر عشانه؟
الطقم الـ 16 بتاع الجولف يعمله حوالي 2200 (ممكن يخلص 2000 حسب الظروف)
الطقم اللي عندي جاي من اليابان رأسا... بس مستعمل
انا الحمدلله ركبت طقم جنوط 16 عرض 7بوصه HRS تايواني
و جبت كاوتش كومهو 205-50-16
الجنوط اتكلفوا 2450 و الكاوتش الفرده عملت 370
بعد ما ركبوا العربيه اترفعت عن الارض شويه حتى شكلها ملحوظ
بس الحمدلله الثبات زاد عن الاول شويه و تقلت حاجه بسيطه لا تذكر في التسارع
بس بحس برفه بسيطه لما اجيب 100 بعدبن بتروح لما اعدي ال120
رحت ارصص تاني (غير الترصيص الاولاني الي كان مع التركيب )
اكتشفت ان الي رصص تقريبا مبيفهمش
اكتشفت ان في كميات رصاص كتير قوي في كل عجله توصل لـ60 جم (غريبه قوي في جنوط و كاوتش جديد)
رحت لراجل كده شال الرصاص القديم و عمل حاجه غريبه
علم عند البلف و فك العجله وركب الناحيه الي كانت عند البلف الناحيه التانيه المقابله ليها!!!
ساعتها العجله اتظبطت و طلبت نسبة رصاص اقل !!!
مع العلم الكاوتش ملهوش اتجاه rotation ولا in & out
الرفه بعد الشغل ده قلت شويه بس برضه لسه موجوده
ان شاء الله هروح لواحد فاهم شويه عنده مكنه عدله اخليه يرصصهم تاني
ولا ممكن يكون في حاجه تانيه؟؟
اولا الف مبروك على الجنوط والكاوتش الجديد
بس معقوله كاوتش 16 معليهوش روتاشن ازاي ؟؟ واللي رصص تاني مره ده مش فاهم هو عمل ايه بالظبط ؟ ولا هي جت كده بركه معاه
ياريت لو حد فهم ايه الحركه اللي عملها دي يقولنا
الكاوتش و هوه جديد بيكون عليه من الجنب نقطه صفرا و نقطه حمرا... واحده منهم (مش فاكر اي واحده) بتكون في النقطه الاكثر كثافه في الكاوتش و بالتالي بتتحط مقابله للبلف اللي هوه نظريا اتقل مكان في الجنط.
لو عايز ترصصص.. روح لبريدجستون اللي في محطه كالتكس اللي في آخر عباس العقاد
الله يبارك فيك بس هو فعلا معليهوش روتيشن لان النقشه اليمين نفس الشمال symmetrical
هو بالظبط كده الراجل قاللي النقطه الحمرا بتكون النقطه الكبيره و دي بتكون الناحيه التانيه للبلف بس انا عندي النقطه الحمرا بس هي الي موجوده الصفرا مش موجوده
هو لما قلب العجل خلى النقطه الحمرا الناحيه التانيه من البلف
بس كده انا عندي في عجله واحده النقطه الحمرا عند البلف بس ترصيصها قليل فانا شاكك ان هي الي عامله الغربله
ان شاء الله هروح بريدجستون و ارصص هناك
أستاذ احمد حسن,
انا عايز اسأل حضرتك عن البوجيهات الي حضرتك مركبهم,,
هل فرقوا مع حضرتك ولا لازم سلوك معاهم؟
و هل من بره ولا البوجيهات من هنا؟
معلش سواء كده او كده انا عايز من حضرتك التفاصيل عشان عايز اجيبهم في اسرع وقت ان شاء الله
و شكرا,,,
البوجيهات انا كنت جايبهم من هنا مش من بره... بس انا ركبتهم مع الاسلاك على طول. مظنش انهم يعملوا فرق من غير الاسلاك. بس في جميع الاحوال همه كويسيسن لأن عمرهم طويل (حوالي ١٦٠٠٠٠ كم)
طيب حضرتك جبتهم منين معلش و ايه الرقم الاكتوني بتاعهم؟
و نوعهم ايه و اتكلفوا كام تقريبا؟
و معلش بالنسبه للاسلاك ايه نظامهم لو عايزهم؟