ممكن اقتراحتكم . هنقضى اجازة العيد فين

**Youssef.Awad** · 24-11-2009 07:16 PM

المشاركة الأصلية كتبت بواسطة moudy2002

شكرا يوسف بية على الاهتمام وعلى النصيحة .. وجارى الاتصال والاستسفسار ....
فى حد يجماعة عندة اقتراحات او ناوى يروح مكان كويس يستجم فية

فى حد من اهالى الفيوم ممكن يفدنا اية احسن قرية هناك ممكن نقعد يومين تلاتة هناك .. شكرا

العفو لا شكر على واجب
كل سنة وحضرتك طيب
وأجازة عيد جميلة إن شاء الله

**Youssef.Awad** · 24-11-2009 07:26 PM

المشاركة الأصلية كتبت بواسطة rockana

اه يابن اللذينه يا يوسف
انا لازم اعرف منك حوارات الاسماعيليه كلها
شكلك خبير فيها
قولى الفيروز حلو ولا لأ

انا كلمت القرية الاوليمبيه و قالى 170 للفردين شامل الفطار

طبعا يا حودة
أمال انا كنت قاعد هناك سنة ونص أعمل إيييييييييييييييه؟
اسأل .. استشير .. هنا خبير

بص بالنسبة للفيروز وسط الزحمة وعائلات وقرف ودوشة طريق البلاجات وبتطل على بحيرة من القناة وكمان عن تجربة ناس أصدقاء الخدمة هناك مش حلوة أوى ونظام كل سنة وانت طيب يابيييييييه وكمان أغلى من القرية الاوليمبية

من الآخر القرية الاولمبية مكان تحفة جدا وهادى وبيطل على القناة مباشرة يعنى قاعد شايف السفن راحة جاية قدامك (بس لازم تكون فى (COMPOUD 2 OR 5) وماحدش يعكنن عليك كل واحد فى حالة وخصوصية شديدة .. بجد انا عاجبنى جدا وأسعارها وأكلها معقول ومناسب جدا وبالعربية فى 5 دقايق تبقى فى شارع التلاتينى عند القاضى اللى صاحبك ميدو جاب من عنده السيريون بتاعته

وفيه ناس كتيييييييييييير بتشكر برضه فى قرية 15 يناير بتاعت الشرطة فى طريق البلاجات بس انسى مافيش حجوزات خالص
لازم واسطة لواء ولا عميد ع الاقل خصوصا فى المواسم (دايما كامل العدد) وأغلى

ولو لقيت فى حجز فى القرية الاولمبية يبقى كويس برضه عشان موسم العيد زى ما انت عارف