ممكن اقتراحتكم . هنقضى اجازة العيد فين

السلام عليكم
كل سنة وانتو طيبين .
العيد داخل وعايز اخد العائلة ونروح اى مكان نستجم فية يومين تلاتة فرصة فى اجازة العيد . بس كالعادة مش عارف هاروح فين . انا اسرتى طفلين 6 و 4 سنين والمدام . عايز اعرف لو حد يشاركنى التفكير فى مكان كويس وياريت تكون قرية سياحية متكملة .
انا بافكر فى الفيوم على اساس ان الجو مش مستاهل نروح اسكندرية او الساحل
انا رحت مرة الفيوم وقعدت فى قرية سيايحة قبل كدة بس كانت مخيفة بليل لانى كنت الوحيد هناك :120146b.. الكلام دة من سنتين .

لو حد فكر هيقضى فين العيد لمدة يومين او تلاته يا ريت يفيدنا
شكرا

كل سنة وأنت طيب يا أبو سيف
وعيد أضحى مبارك عليك وعلينا جميعا

أنا عن نفسى هاقضيه فى البيت زى كل عيد وكل سنة ع النت ووسط اهتماماتى الشخصية يعنى مع نفسى ومع العيلة الصغرى والكبرى على نطاق ضيق
وأهى فرصة الواحد يستجم فى البيت أجازة ويستريح من الشغل بتاع كل يوم

بس أرشحلك القرية الأوليمبية بالاسماعيلية
مكان جميل وقريب تقضى فيه أجازة يومين أو تلاتة
وأسعاره معقولة مش هاتصرف كتير انت والعيلة ومكانها تحفة على قناة السويس و5 دقايق تبقى فى وسط البلد
عاوز سينما تدخل - عاوز تأكل سمك بأنواعه عندك طريق البلاجات بطوله - عاوز أى حاجة تعملها شغالة
القرية فيها حمام سباحة وملاعب كرة واسكواش وغيرها وكافيتريا
إذا حابب حضرتك تستفسر على أى شىء أو تحجز مسبقا (لو كان فيه أماكن فاضية اساسا) ده تليفون القرية: 0643361136

أول يومين لحمة و عزايم
و أروح أهضم في راس سدر بقى

نفسي اعمل زيك و مستني الردود

شكرا يوسف بية على الاهتمام وعلى النصيحة .. وجارى الاتصال والاستسفسار ....
فى حد يجماعة عندة اقتراحات او ناوى يروح مكان كويس يستجم فية

فى حد من اهالى الفيوم ممكن يفدنا اية احسن قرية هناك ممكن نقعد يومين تلاتة هناك .. شكرا

مع الوضع فى الاعتبار ان فيه موجة باردة داخلة علينا من بكره وقد تكون مصحوبة بأمطار ..

اقتباس:

---

المشاركة الأصلية كتبت بواسطة y2y1500

كل سنة وأنت طيب يا أبو سيف
وعيد أضحى مبارك عليك وعلينا جميعا

أنا عن نفسى هاقضيه فى البيت زى كل عيد وكل سنة ع النت ووسط اهتماماتى الشخصية يعنى مع نفسى ومع العيلة الصغرى والكبرى على نطاق ضيق
وأهى فرصة الواحد يستجم فى البيت أجازة ويستريح من الشغل بتاع كل يوم

بس أرشحلك القرية الأوليمبية بالاسماعيلية
مكان جميل وقريب تقضى فيه أجازة يومين أو تلاتة
وأسعاره معقولة مش هاتصرف كتير انت والعيلة ومكانها تحفة على قناة السويس و5 دقايق تبقى فى وسط البلد
عاوز سينما تدخل - عاوز تأكل سمك بأنواعه عندك طريق البلاجات بطوله - عاوز أى حاجة تعملها شغالة
القرية فيها حمام سباحة وملاعب كرة واسكواش وغيرها وكافيتريا
إذا حابب حضرتك تستفسر على أى شىء أو تحجز مسبقا (لو كان فيه أماكن فاضية اساسا) ده تليفون القرية: 0643361136

---

اه يابن اللذينه يا يوسف
انا لازم اعرف منك حوارات الاسماعيليه كلها
شكلك خبير فيها
قولى الفيروز حلو ولا لأ

انا كلمت القرية الاوليمبيه و قالى 170 للفردين شامل الفطار

و فى اقتراح العين السخنه
بس هو غالى شويتين

فعلا الاسماعيليه جميله وهاديه
احتمال كبير اروحها
كل عام وانتم بخير

ممكن تروح العين السخنة فيها العديد من القرى السياحية و بيبقى الجو فيها اليويمن دول حلو

اقتباس:

---

المشاركة الأصلية كتبت بواسطة moudy2002

شكرا يوسف بية على الاهتمام وعلى النصيحة .. وجارى الاتصال والاستسفسار ....
فى حد يجماعة عندة اقتراحات او ناوى يروح مكان كويس يستجم فية

فى حد من اهالى الفيوم ممكن يفدنا اية احسن قرية هناك ممكن نقعد يومين تلاتة هناك .. شكرا

---

العفو لا شكر على واجب
كل سنة وحضرتك طيب
وأجازة عيد جميلة إن شاء الله :satelite:

اقتباس:

---

المشاركة الأصلية كتبت بواسطة rockana

اه يابن اللذينه يا يوسف
انا لازم اعرف منك حوارات الاسماعيليه كلها
شكلك خبير فيها
قولى الفيروز حلو ولا لأ

انا كلمت القرية الاوليمبيه و قالى 170 للفردين شامل الفطار

---

طبعا يا حودة
أمال انا كنت قاعد هناك سنة ونص أعمل إيييييييييييييييه؟
اسأل .. استشير .. هنا خبير :S_thum1[1]:

بص بالنسبة للفيروز وسط الزحمة وعائلات وقرف ودوشة طريق البلاجات وبتطل على بحيرة من القناة وكمان عن تجربة ناس أصدقاء الخدمة هناك مش حلوة أوى ونظام كل سنة وانت طيب يابيييييييه وكمان أغلى من القرية الاوليمبية :dontudear:

من الآخر القرية الاولمبية مكان تحفة جدا وهادى وبيطل على القناة مباشرة يعنى قاعد شايف السفن راحة جاية قدامك (بس لازم تكون فى (COMPOUD 2 OR 5) وماحدش يعكنن عليك كل واحد فى حالة وخصوصية شديدة .. بجد انا عاجبنى جدا وأسعارها وأكلها معقول ومناسب جدا وبالعربية فى 5 دقايق تبقى فى شارع التلاتينى عند القاضى اللى صاحبك ميدو جاب من عنده السيريون بتاعته :36_9_4:

وفيه ناس كتيييييييييييير بتشكر برضه فى قرية 15 يناير بتاعت الشرطة فى طريق البلاجات بس انسى مافيش حجوزات خالص
لازم واسطة لواء ولا عميد ع الاقل خصوصا فى المواسم (دايما كامل العدد) وأغلى :N_no[1]:

ولو لقيت فى حجز فى القرية الاولمبية يبقى كويس برضه عشان موسم العيد زى ما انت عارف :B4_564:

القرية الاوليمبية
كامل العدد

حد جرب بلاج فايد الجديد

انا مش عارف عامل ايه

للرفع
........