صيانة البطاريه

**MMamdouh** · 23-11-2009 09:39 AM

المشاركة الأصلية كتبت بواسطة samer bassiouny

طب الصح اني ازودها ميه نار ولا ميه مقطره؟

اللى يحدد الكلام دة الكهربائى لانة المفروض يقيس كثافة المحلول اللى جوة البطارية و على اساس القراية دى يقدر يقول اذا كنت محتاج ميه فقط ولا محلول

MMamdouh

**mohamedhamam** · 24-11-2009 11:50 PM

البطارية السائلة تحتاج الى صيانة دورية و بصفة منتظمة و صيانتها لا تأخذ أكثر من 10 دقائق و هى عبارة عن مراجعة مستوى المياه و تزويدها اذا لزم الامر و مراجعة صوابع البطارية نفسها ربما تكون ملحت و تحتاج الى صنفرة بسيطة و كذلك مراجعة حالة القواطيش . مراجعة ذلك بصفة دورية سيزيد من عمر البطارية بكل تأكيد و بالتوفيق دائماً

**bshndi** · 25-11-2009 11:12 AM

سؤال سريع هو المفروض نتمم علي البطارية كل قد إيه قبل ما تظهر أي أعراض مرضية ؟ :) من غياب في الدوارة أو ضعف في أداء الأجهزة والعربية مش دايرة ؟

**samirayad** · 25-11-2009 11:42 AM

فى البطاريات الجافه
ممنوع الأقتراب أو التصوير
أنت بتابع البيان بتاع الألوان وخلاص
أخضر ......الشحن والبطاريه تمام
أسود ..........عاوزه تتشحن
أبيض ......غير البطاريه

أما البطاريات أم طبب (غطيان )العاديه
تقريبا كل شهر بتقيس كثافة الحامض وتزود ميه (حسب الأحوال )

**MMamdouh** · 25-11-2009 11:49 AM

كل شهر المفروض تبص على مية البطارية

و لو جافة يبقى مفيش حاجة تقدر تعملها

MMamdouh

**heragy** · 26-11-2009 10:02 AM

بسم الله الرحمن الرحيم لالالالالا أستنى شوية يا /ابوأحمد يا غالى اية موضوع الالوان بتاع البطارية الجافة علشان اخوك ماعندوش فكرررررررررررررررررة بالموضوع ده ----- وكل سنة وانت وكل المنتدى بخير وصحة وربنا يباركلكم فى اولادكم

**mahmoudbadr** · 26-11-2009 11:08 AM

المشاركة الأصلية كتبت بواسطة heragy

بسم الله الرحمن الرحيم لالالالالا أستنى شوية يا /ابوأحمد يا غالى اية موضوع الالوان بتاع البطارية الجافة علشان اخوك ماعندوش فكرررررررررررررررررة بالموضوع ده ----- وكل سنة وانت وكل المنتدى بخير وصحة وربنا يباركلكم فى اولادكم

كل سنة و حضرتك طيب

فى البطاريات الجافة فيه بيان (زى ما يكون عدسة صغيرة جنب القطب السالب) حضرتك تبص فية لو أعطى لون أخضر (هتشوفه كويس) يبقى شحن البطارية تمام و مفيش مشاكل لو أسود يبقى البطارية عايزة تتشحن و ممكن تمشى بيها مشوار كويس و تبص تانى ممكن الدينامو يشحنها أما لو اللون أبيض أو أصفر يبقى البطارية تحتاج تغيير
و فيه صورة فى المرفقات من كتالوج عربيتى للتوضيح