الموضوع: تقـريـر شــامل من الافتتـــاح -A New SAGA Begins-

المشاركة الأصلية كتبت بواسطة ziabassem

عربية كويسة جداً على قد سعرها طبعاً .. بس أكتر حاجة مضيقاني فيها أن مفيهاش ازاز كهربا في الخلف .
وبعدين هي 70 حصان ولا أكتر من كدة .. ومتقفلة فين .. وقطع غيارها اعتقد حتختلف عن الجين تو علشان هي 1300 سي سي .

هى 94 حصان

Proton Saga - Wikipedia, the free encyclopedia

The new Saga is powered by the same 1.3-litre Campro engine (which was co-designed with Lotus) that is fitted to entry-level Gen-2s. Besides the 1.3L engine option, the 1.6-liter version is also available as an exclusive engine option for taxi operators[8] before being offered to regular customers.[9] Like other Proton models powered by Proton's own Campro engines, the 1.3-liter engine is rated at 94 hp (70 kW; 95 PS) at 6,000 rpm and 120 N·m (89 lb·ft) at 4,000 rpm

السلام عليكم ورحمة الله وبركاته

ايه يا عم التغطية الجامده دى لسه فيه مواهب بنكتشفها فيك يا ايمن باشا التقرير منظم وملخص بشكل كويس .

بالنسبة للعربية هى ما شاء الله شكلها جميل وسعرها بالنسبة لامكانياتها جامد جدا وهتكون منافس قوى ان شاء الله للانوس بس عشان يبقى المنافسه بجد لازم ناخد بالنا من الاتى

اذا عاملوا العربية دى دعائيا واعلانيا زى ما بيعاملوا جين 2 وبيرسونا هتفشل ليه لانها المفروض هتنافس عربية زى اللانوس اللى اثبتت كفاءة فى السوق المصرى ماوصلتش لها عربية جديدة فى السنوات الاخيرة فى الفئة السعرية دى ده غير انها نجمة سوق المستعمل يعنى اللى مش عاوز يخسر كتير ولما يبيع عربيته يبيعها فى 10 دقائق الكل هينصح بلانوس فلازم عشان تنافس لازم توصل للشريحة دى وتقنعهم انهم يشتروا العربية .

تانى حاجه برضه لازم يبقى فيه انتشار لقطع غيار السيارة بشكل مختلف عن جين 2 وبيرسونا برضه اللانوس طبعا قطع غيارها فى كل حارة وكل شارع فى مدن وقرى مصر فلازم يبقى فيه انتشار وبسعر برضه منافس .

وطبعا مش هنتكلم عن انتشار مراكز الصيانة عشان خدمة ما بعد البيع

الانتشار والتنافس فى الفئة السعرية دى مختلف كتير عن فئة جين وبيرسونا اللى ما بنشوفهاش الا فى القاهرة والاسكندرية وعلى استحياء فى بقية المحافظات.

يارب يهتموا بيها شوية عن اخواتها

سلامى للجميع

عربية اقتصادية مناسبة من الناحية السعرية لانها من العربيات القليلة في السوق اللي 1300 cc
لكن انا شايف ان خامات التابلوة مش بالجودة العالية وشكلها مش حلو
اكيد من الناحية الميكانيكية لا غبار عليها لان العربيات البروتون عربيات محترمة

مبروك عضو جديد في فريق بروتون
لكن انا شايف برده انها المفروض تنزل 5000 مثلا
كانت حتكسر الدنيا
لان سعرها ده حيحطها في مقارنة مع منافسين ثقال جدا و لهم تاريخ و شعبية في مصر

الف شكر يا ايمن علي التقرير المميز ده , انا شوفت العربية دي امبارح في فرع العجوزة هي كويسة بالنسبة لسعرها و امكانيتها , بس الخامات وحشة جدا و شكلها بصراحة مش عاجبني اوي , بس العربية دي هتنافس جدا اللي في نفس الفئة , وشكرا ليك بجد يا ايمن علي مجهودك