عرض للطباعة
انا معروض عليا سيارة 128 موديل 1975 بمبلغ 9500 وبحالة كويسة وسؤالى علشان انا لسة مش ذو خبرة هل المبلغ ده مناسب وياتري اية الفرق مابين مديل 75 والمديلات الابعد كدة 90 او95 او....الخ ان وجد من نفس نوع السيارة128 وياترى الفرقات بتكون فى اية بظبط ولكم جزيل الشكر منتظر ردكم :rfds:ضرورى
اولا السعر كده كويس خصوصا انك بتقول
حالتها كويسه
غير كده موضوع فرق الموديلات
اولا واخيرا بيفرق فى عمر السياره
يعنى سياره بقالها اكثر من 30سنه شغاله
مش زى سياره عمرها كله 5 سنوات مثلا
وطبعا الحاله هى الاهم
بعد كده شوية فروقات وتعديلات فى الشكل
يعنى فوانيس شكلها اتغير
طابلوه
لو العربيه اللى قدامك حالتها كويسه فعلا
وطبعا لازم تكشف عليها عند ميكانيكى
وسمكرى وعفشجى وتوكل على الله
الف شكر على الرد وجزاك الله خير
الف شكر
ولو فيما بعد حبيت اغير لها ماتور ممكن وايه يكون نوعه
حضرتك هاتشتريها من هنا و احلال الملاكى هايطبق من هنا
يعنى اعلم حسابك انك هاتغيرها على اول السنة
و مبروك مقدما
ممكن فيما بعد اغير ماتور لها وياترى يكون نوعه اية
حضرتك هاتشتريها من هنا و احلال الملاكى هايطبق من هنا
يعنى اعلم حسابك انك هاتغيرها على اول السنة
و مبروك مقدما
مش فاهمك تقصد اية معلش ممكن توضيح انا مبتدء وبدون خبرة
مشكور
بلاش الموديلات القديمه اوى دى
دى خلاص اتهلكت فى مصر
ثم ان الموديلات الاحدث بحوالى 10 سنين اقصد يعنى موديلات 88 و 86 مثلا سعرها حوالى 15 الف يعنى احسن بكتير
فرق 10 سنين مشى فى شوارع مصر مش فرق صغير
الظاهر حضرتك معندكش فكرة
اول السنة الحكومة هاتعمل مشروع احلال السيارات الملاكى القديمة زى التاكسى
للموديلات اللى مر على تصنيعها 20 سنة
و لكن اختياريا مع تسهيلات و فائدة بنكية قليلة و امكانية التقسيط حتى 10 سنوات
و لكن لو حضرتك عايز تحتفظ بسيارتك القديمة هما اقترحوا ان ضريبة الترخيص تزيد كل سنة على عربيتك القديمة
فا انا بقترح على حضرتك تستنى لحد اول السنة و تشوف ايه اللى يحصل و تقرر انك تشترى او لاء
طيب تفتكر حضرتك الموضوع دا هبقى فى صالح محدودىىىىىىىىىىىى الدخل
يعنى و احد زى حلاتى معاه عزيزه 128 موديل 86 ابيع ولا استنى يمكن المشروع يكون خييييير
ياجدعان مفييييييييييييش احلاااااااااااااااااااااا اااال
خالى معاه 128 موديل 89 و مستنى المشروع يطبق على ناااار :)
حضرتك استنى لاول السنة تكون كل حاجة بانت و الواحد يعرف راسه من رجليه و ساعتها حضرتك تقرر اذا كنت عايز تبيع او تدخل المشروع