صفارة في العجل وانا ماشي

**sakr122** · 23-11-2009 10:59 AM

السلام عليكم
انا معايا كيا سيفيا ممتازه
مؤخرا بدأت اسمع صوت صفاره جاي من العجل اللي قدام وغالبا من فرده واحده
كان موجود وانا ماشي لحد سرعة 40 تقريبا وبعدين بيختفي لكن مع الوقت ابتدا بيقى مستمر حتى مع السرعات العالية والغريب اني اول ما بادوس فرامل خفيفة الصوت بيروح
الميكانيكي بتاعي بيقولي غير تيل الفرامل عشان وحش ولما بيحك في الطنبورة بيصفر بس انا مش عارف هو المفروض ان الوضح الصحيح للتيل انه يفضل يحك في الطنبورة طول ما العربية ماشية؟؟
مع اعلم اني مغير التيل من حوالي 10000 كيلو وكان المفروض انه اصلي وكمان هو صنفره اكتر من مره وكان الصوت بيختفي لمده 10 دقائق ويرجع تاني
اسف على الإطالة وأرجو الإفادة من عباقرة نايل موتورز
شكرا

**M.Mostafa80** · 23-11-2009 11:21 AM

ياما التيل فعلا وحش يأما السوسته بتاعته ضعيف ما بتنترش التيل فا بيفضل فى أحتكاك ويصفر ولما تدوس دوسه خفيفه تانى وبتسيب بيرجع التيل لوضعهالطبيعى ومع المش والأهتزاز مع ضعف السوسته يرجع الحال لما كان عليه جرب تغير سوسته التيل الأول لو مش عايز تغيرالتيل كلو

**samirayad** · 23-11-2009 04:24 PM

ممكن يكون عندك مشكله فى ماستر العجله دى
مابيردش تانى بعد مابتسيب الفرامل
وبكده التيل بيستمر فى التحميل على طنبورة الفرامل

**sakr122** · 01-12-2009 01:55 PM

أنا متشكر جدا يا جماعة على الردود المفيدة دي
وأنا اسف جدا على تأخري في الرد لكن كان عندي مشاكل في النت والحمد لله اتحلت
انا طبعا هاجرب موضوع السوستة ده الاول وبعدين أتأكد من الماستر
وألف شكر مرة تانية