ازيكم يا حبايبنا .. يارب تكونوا بخير

اتصلت النهارده بتوكيل رينو (16202) علشان اسأل عن اللوجان الهاتشباك و حجزها

قالولي انها هتنزل شهر 6 الجاي .. و مفيش حجز ليها دلوقتي .. و مفيش اي معلومات عنها خالص

رديت عليهم و قولتلهم يا جماعه دي اخبارها مغرقه النت .. قالوا يا فندم احنا معندناش اي تفاصيل عن العربيه

قولتلهم طيب احجز سيدان .. قالولي هتستلمها شهر 3 !!!!

دلوقتي انا مش فاهم .. العربيه نازله امتى بالظبط .. و هل فيه حد حجز هاتشباك هنا يرد عليا في الموضوع ده

و ليه التطويح في المواعيد ده .. 4 شهور علشان استلم عربيه .. ده لو كنت بعملها على ايدي كنت خلصتها اسرع من كده

وبعدين الهاتشباك دخلت دماغي جدا بصراحه .. و مقدرش استنى لشهر 6 علشان استلمها


اللي عنده معلومه مؤكده يفيدني .. افادكم الله