رحت فين يا ويشى لعل المانع خير ان شاء الله
عرض للطباعة
رحت فين يا ويشى لعل المانع خير ان شاء الله
اسف يا جماعه كنت بس مشغول شوية ...المهم..لو حاولت أشرح اللي عملتوا بالتفصيل هاعود أكتب 3 ساعات ...لكن بإختصار :في وش بيتباع في اليابان اللي انا مركب فيه الكاسيت ده..والتكيف انا اللي نألوا بأيدي لتحت في فتحت السي دي تشانجر أو بتبأى فاضيا في بعض الموديلات ....والوش الي راكب على التكييف معمول من وش كامل بتاع لانسر و قصيته...كل ده أنا عملوا في البيت ماعادا طبعا الوش بتاع الكاسيت اللي جاي من اليابان....أنا عايز أبيع كوووول ده لو حد ناوي أشرحلوا بالتفصيل بس لازم يكون على إستعداد ان في لعب كتير هيحصل في العربيه ...بالمناسبه الكاسيت صيني تاتش سكرين فيه دي في دي و بلو توث و اي بود كونترول و جي بي اس و ممكن يركبله كاميرا وفيه تلفزيون و ميموري كارد ريدر....يعني كل حااااجه في الدنياااااا....
بكام الكاسيت الصيني دة ومنين لو سمحت ؟
وشكرا
دا فيه جي بي اس و تليفزيون؟
ده سعره 3500 جنيه وفيه جي بي اس وتلفزيون وكل حححححاااااااجججججججةةةةةة
سلام عليكم
ازيك يا باشا طيب انا كنت عايز اشترى منك الحتة الى لونها فضى القديمة الى كان فيها الكاسيت والتكيف عشان انا عندى مكسورة يا ريت تقولى سعرها كام او اقدر اجبها منين وبكام وكل سنة وانت طيب
سلام عليكم
ماشاء الله بجد شغل جامد أوي وفكرة مميزة جدا
أولا: بصرف النظر عن إكمانيات الكاسيت الصينى ده و إن فيه كل حاجه و لكن المنظر مش حلو و الأول كان أحسن و ده طبعا رأيى الشخصى جدا جدا و غير ملزم لأحد لأنى عارف انه يوجد إختلاف فى الأذواق وممكن ناس كتير تبقه معجبه بكدة.....
ثانيا: توجد كاسيتات بالحجم الطبيعى ممكن تركب فى المكان الفابريقه و ليها شاشه بنفس حجم الشاشه اللى فى الصورة أو أصغر حاجه بسيطة بتطلع من جوه الكاسيت بميكانيزم معين و تتفرد قدامك و لما تقفل الكاسيت تتلم جواه مره تانيه و بردوا بيبقه فيها كل الإمكانيات اللى تتخيلها و بحجم مضغوط و من غير لعب فى العربيه و المنظر العام هيبقه أحسن.
ثالثا: عاوز أعرف حاجه بالنسبه للبكر بتاع التكييف؟
هل بيعمل بنفس الكفاءة و خفيف و مش بيعلق بعد نقله؟؟؟؟ لأنه بيعمل ميكانيكيا بويرات صلب و لو إتعصر فى مكان مزنوق حيث أن طوله غير مناسب لهذا المكان ممكن يعمل مشاكل كتير!!!!!!
شغل جامد أوي وفكرة مميزة جدا
الفكره دي في دماغي بقالها فتره بس مش لاقي حد ينفذها وكمان مش لاقي car computer في مصر