الموضوع كويس اقترح تثبيته ويبقى للنفع العام وكل واحد يحاول يعرض تجربة سمعها او شخصية ...ايه رأيكم؟؟
عرض للطباعة
الموضوع كويس اقترح تثبيته ويبقى للنفع العام وكل واحد يحاول يعرض تجربة سمعها او شخصية ...ايه رأيكم؟؟
اقتباس:
أما عن محاولة إرجاع الموبايل عن طريق التبليغ عن الرقم المتسلسل فأصبحت لا تجدي الآن، فهناك برنامج يستعمله لصوص الموبايلات لتغيير الرقم المتسلسل للجهاز وبالتالي لا يمكن التوصل إليه
لتغيير رقم السيريال الموبايل لازم يتم تغير الفيرم واير بتاع الجهاز
لو عندك موبايل 6630 واتسرق , بيغيروا السوفت واير لجهاز ويتحط علية سوفت واير لموبايل زي N70
وكده لما السوفت واير الجديد بينزل مابيعرفش نوع الجهاز علشان كده بيحط اي سيريال نمر والحكاية دي انا علمتها عندي
في 6630 بس جيت جرب شوفت واير ل n73 مش بينفع لانهم طوروا الحكاية دي بعد تعدد السرقات في العالم كله
جزاك الله خيرا يا أخ احمد :-)
شكرا جزيلا على نقل هذا الموضوع الخطير لنا , أنا فى حاجات أول مرة أسمع عنها الصراحة :| و بالذات موضوع الديليفرى ده هم أينعم رخمين فى سواقتهم بس بيجروا ورا لقمة العيش و ماشى فى زحمة الشارع صيف و شتاء و فى الأخر يتقلب!!!!
حسبى الله و نعم الوكيل!
يتهيألي الموضوع دا مش مظبوط لأني أنا شغال في السوفت وير الموبايل ومينفعش تغير سيريال فئة الـ bb5 دي إلي منها الـ 6630 و الـ N عاماًاقتباس:
المشاركة الأصلية كتبت بواسطة Powert
---------
أما طريقة جديدة برضك لسرقة سنترال
هي دخول 3 أفراد لابسين بدل ويقولوا أنهم من شركة وعاملين مسابفة وعاملين جوايز تليفونات
وبعد ما جمعوا تليفونات وكروت شحن بحوالي 9000 جنية دفعوا للبنت إلي في السنترال ثمن الحاجة وبعدين هية حطة الحاجة في أكياس وسلمتهلهم
أم خرج أتنين بالحاجة برة السنترال على الباب والثالث طلع مطوة وقالها هاتي الفلوس إلي عطيتهالك وطبعاً في ثواني كانوا خلعوا
--------
دا غير أنا بقى اتسرقت بطريقة تانية وهية أنه واحد جة المكتب للبنت إلي بتبيع الكروت وطلب منها كروت شحن بحوالي 3000 جنية وبعد ما حضرتهم عطاها الفلوس ناقصة 10 جنية هية عدتهم وقالتلة دول ناقصين 10 جنية أحدهم منها عدهم وقالها فعلاً دول ناقصين 10 جنية ورعطاها من جيبة الـ 10 جنية
طبعاً الفلوس عشان تبقى صعبة العد كان كلها جنيهات وخمسات وميات
وهو بيرجعهم مع الـ 10 جنية كان أخد منهم 1150 حنية والكروت ومشي
البينت بتعدهم لقيتهم ناقصين
اقتباس:
يتهيألي الموضوع دا مش مظبوط لأني أنا شغال في السوفت وير الموبايل ومينفعش تغير سيريال فئة الـ bb5 دي إلي منها الـ 6630 و الـ N عاماً
انا كنت عمال ادور من الصبح على موضوع مكتوب في منتدى موبايل للعرب بس مش لاقيه
المهم الموضوع ده كان بيشرح ازاي تقدر تعمل حاجة زي دي وان انت بتغير في الفيريم واير بتاع الموبايل
وتخلي السوفت وير بتاع ال n70 يقراة على انه n70 وطبعاً علشان هو مش n70 فالموبايل بيتغير السيريال بتاعه
وكمان كان عندي برنامج بيغير بيانات الموبايل كلها اللي على الفيريم وير بتاع الموبايل وتقدر تكتب اي سيريال واي نوع انت عايزه
بس الكلام ده مابينفعش على الموبيلات الجديدة لو دخلت منتدى بوابة نوكيا او موبايل للعرب هتلاقي الكلامه ده فيه
ربنا يستر علينا جميعا من تفانين الحرامية
يا جماعه لازم كلنا ندرك ان الجريمه فى مصر تحورت وحصل فيها طفره كبيره .
زمان كان لما واحد يتسرق يروح يبلغ والبوليس يشوف طبيعه الجريمه . يطلع سجل المسجلين اللى لهم نفس النشاط الاجرامى فى المنطقه وبتبقى حاجه من اتنين . يا هوا اللى عملها يا اما يعرف مين اللى عملها وبيرشد عنه.
انهارده الفقر والبطاله عملوا كتير قوى . شباب كتير اتجهوا تحت ضغط البطاله والفقر للسرقه . وكمان بقت بطرق اجراميه ومصحوبه بالعنف عاده . زى انه يثبتك ومعندوش اى مانع انه يضربك بمطواه او حتى يموتك لانه يا شارب يا مسطول يا اما حتى يائس ومستبيع.
والمشكله انه مش بيكون اصلا من المنطقه اللى حصل فيها الجريمه . ممكن يكون من مكان تانى خالص وبكده بيكون صعب جدا انك تجيبه .
المشكله الاصليه فى الامن الاجتماعى ........ شوفولهم حل الاول كل حاجه هتتصلح لوحدها
_ دخلت خشبة ميت الجامع علشان يصلوا على الميت بعد صلاة الفرض .. وبالفعل استعد التاس لصلاة الجنازة وفجأة ظهر شخص من وسط الصفوف يقول ان هذا الرجل لا يجوز الصلاة عليه ودفنه لانه مديون لى بمبلغ 3000 جنيه واصر على عدم السماح للناس بالصلاه عليه مع شويه زعيق وعياط بدأ الناس يرق قلبهم لهذا الموقف وهنا خرج شخص اخر متطوع واشار عليهم بجمع ما يمكن جمعه لاعطاءه لهذا الشخص لكى تتم الصلاة علية وينصرف الناس وبالفعل كل واحد طلع اللى يقدر عليه لكن المبلغ كبير ولم يتم استكماله .. وبعد استعطافات وتوسلات من الناس لكى يسامح الرجل الميت فى باقى المبلغ .. وافق وتمت الصلاه على الميت وانصرف الناس وبقى النعش مكانه مافيش حد شاله وطال الانتظار ولم يظهر للميت صحاب وهنا تم كشف غطاء النعش ليفاجأ الناس بالمخدة المتغطية. :wink:
_ شادر كبير فى الشارع بتاع راجل مهم قد توفى وبدأت الناس تدخل الصوان .. وعلى امتداد عدة امتار من الصوان كان يقف ثلاثة رجال بنظارات سوداء وبدل سوداء يطلبون من كل الحاضرين تسليم الموبايل قبل الدخول كاجراءات امنية وعند بدء الشيخ قراءة القران اختفى الثلاث رجال المحترمين. :wink:
_ شارع فاضى وانت ماشى لوحدك بتفكر وسرحان وفجأه يظهر لك شخص شكله وحش وصوته تخين ويدخل عليك ويمسك ايدك الشمال ويقعد يزعق ويقول لك يعنى يرضيك اخوك محمود يضربنى كده كده كده ويضربك فى مكان حساس يخليك مش مش قادر ثفكر وكل تفكيرك ينصب فى انك عاوز تخلص من الراجل ده باى طريقة حتى انك نسيت فى وسط هوجة الاحداث وسرعة الموقف انه ليس لك اخ اسمه محمود وينصرف الشخص وهو عمال يشتم فيك وفى اللى جابوك انت واخوك وبعد فترة ليست كبيرة بتبص فى ايدك تشوف الساعة بقت كام ... لقيت الساعة اتسرقت. :wink:
فعلا مصر وصلت لحالة مزرية
ربنا يهدي الجميع
:mrgreen: :mrgreen: :mrgreen:اقتباس:
وكل تفكيرك ينصب فى انك عاوز تخلص من الراجل ده باى طريقة حتى انك نسيت فى وسط هوجة الاحداث وسرعة الموقف انه ليس لك اخ اسمه محمود
ربنا يكفينا شرهم