ايه يا جماعة محدش استلم قريب ولا ايه؟!!!
عرض للطباعة
ايه يا جماعة محدش استلم قريب ولا ايه؟!!!
هيا عربية واحدة اللى اتباعت ولا ايه؟:shine[1]:
1000 مبروك يا باشا
و موضوع 3 سلندر له عيوب للاسف
و ربنا يستر
يا جماعة موضوع التلاتة سلندر ده بينزل على عربيات من زمان اوي و ماسمعناش عن عيوب في العربيات دي ..
على ما اذكر ... و يا ريت التصحيح في حال سقوطي في الخطا ...
الكورسا1000 سي سي . و الماتيز برده و الدايو تيكو و موديل من الشيري مش عارف اسمه و الشاريد الجديدة و غيرهم .
كلهم 3 سلندر و ما بدرش اي شكوي من اداءهم.
تماااااام مفيش اى مشكلة من ان المكنة 3 سلندر
انا كان معايا دايهاتسو ميرا 850 سى سى 3 سلندر كانت اول عربية مانيوال احط فيها رجلى و كنت بحرق و بجرى بيها و مفيش اى مشاكل خالص و قعدت معايا حوالى 7 او 8 سنين و المكنة كانت زى الفل و مفيش فيها اى مشكلة
بالعكس كمان المكنة ال 3 سلندر ممكن تسارعها 0-100 يكون اعلى من ال 4 سلندر
بس المشكلة الوحيدة لل 3 سلندر و اللى بتتميز فيها ال 4 سلندر زى ال i10 و البيكانتو ان عزم ال 4 سلندر اعلى علشان المكنة اكبر 1100 بدل 1000 سى سى
انا معايا حاليا i10 لو قارنتها بالدايهاتسو ميرا اللى كانت معايا هطلع بالاتى:
الميرا طلقة على الاول و التانى و تشد مع اللانوس و متطلعش منها لكن من بداية التالت بتضيع مفيش سحب و لو على مطلع العملية بتبقى اصعب و الرابع مش بيسحب خالص الا من بداية سرعة 80 و طبعا كده انت بتحرق على التالت لحد 4000 لفه او اكتر علشان تجيب 80 على التالت... كنت مركب تكييف على العربية مع التكييف العربية بتموووووووووت
ال i10 اللى معايا حاليا.. سحبها على الاول و التانى كويس سحبها على التالت حتى فى المطالع جيد جدا.. التالت بيسحب من سرعة 30 كم/س حتى فى المطالع... الرابع سحبه كويس و بيسحب فى المطالع و كمان على سرعة 50 لو على ارض مستويه بيسحب كويس جدا... لكن الخامس فى المطالع ضعيف طبعا و ساعات تحتاج تسقط للرابع..... مع تشغيل التكييف العربية بتسحب كويس بس طبعا بتحس بضعف لكن بردوا التالت بيسحب فى المطالع و الرابع بيسحب من سرعة 50 على الطرق المستوية عادى جدا
اكيد السيلاريو افضل من الميرا لانها انجكشن و موتورها اكبر بس انا قلتها للتوضيح فقط.. انما المواقع اللى قيمت السلاريو فى الهند قالوا ان ال i10 سحبها اعلى و على الترس التالت الجر فيها اعلى و ده طبيعى لان عزم ال آى تن 98 نيوتن متر أما السلاريو 90 نيوتن متر.
مقارنة رائعة جدا بس يجب ان نضع فرق التكنولوجيا بين الميرا و الi10 و الفرق ايضا مع السيلاريو حيث انها التكنولوجيا الأحدث دا غير الفرق ان العربية الi10 نازلة بمواصفات غير اللى موجودة برة فى حين ان السيلاريو نازلة بنفس المواصفات اللى نازلة بيها برة
كلامك ده يأكد ان السيلاريو شبابية اكتر فى حين ان الi10 اقرب الى العائلية
فعلا السيلاريو كمالياتها ممتازه كفايه وجود ABS , EBD , Air bags
كماليات بتلاقيها فى عربيات غاليه جدا و انا قلت الكلام ده قبل كده
لكن يعيبها انها اضيق فى الخلف و سقفها واطى
شنطتها نص شنطة ال i10
سحب ضعيف على السرعات العاليه
و ده اللى قالوا كل اللى اختبروا العربية
بس فى المقابل انت واخد عربية بيشكروا فى ثباتها جدا و دى حاجه كويسه لان ال i10 ثباتها جيد جدا
انما ال i10 افضل فى المساحة الداخلية و التخزين و السحب على السرعات و هدوء الموتور