الموضوع: الحل الأمثل لعزل الصوت تماما في اللانسر

شكرا جزيلا يا أخ nobody على الموضوع و الصور ;)
لا أعتقد أن المواد المستخدمة فى الصور موجودة فى مصر فابلتالى مش هتحصل على درجة العزل المطلوبة. بس ديه شغلانه عايز تفضى العربية كلها من جوه! ممكن يكون موجود حاجه شبيها عند أرابكوم و الله أعلم.

معتقدش ان تقنية القماش دى موجوه فى مصر وعاش مبارك موحد الاديان

كل سنة والجميع طيبين وبخير وسعادة
وانشاء الله كل واحد السنة الجاية يركب عربية احسن من اللى راكبها
بالنسبة لموضوع العزل فعلا اشاركك الرأى لان عزل العربية معقول جدا(بس اكيد مش ممتاز ممكن جيد جدا) و مش محتاج الواحد يفكر فى طريقة للعزل ويبهدل العربية علشان يزوده
هو طبعا فيه عربيات عزلها احسن لكن كله بتمنه
وبصراحة هى تعتبر فى الاجمال قيمة ممتازة بالنسبة للسعر

موجود فى أمازون ومش كل المنتجات الناس بتشكر فيها

أضافه بسيطه للموضوع:
اللى جرب و مشى بعربيته الانسر - أو أى عربية تانيه - و بيشتكى أن العزل بتاع العربية مش قد كده أكيد حس بفرق لما مشى على الجزء الجديد بتاع المحور اللى تم بحمد الله الأنتهاء منه :) فى فرق ملحوظ و مسموع أول ماتمشى على الأسفلت الجديد , أعتقد أن نوع الأسفلت المستخدم و سمكه بيلعب دور كبير فى صوت العجل على الأرض , أنا لما مشيت عليه حسيت بفرق كبير جدا و مش دائما العيب بيكون فى العربية :) صوت العجل على الأسفلت يكاد لا يكون مسموع و ده كان على سرعة 100 كم/س , لو أسرع من كده أكيد الصوت هيكون أعلى.
شكرا جزيلا لكم و ديه مجرد ملاحظة متواضعة وده رأى الشخصى.