تقسيط بنك ناصر الاجتماعي

**ahmed4000** · 24-11-2009 04:16 PM

المشاركة الأصلية كتبت بواسطة hegazio

يا أخي انا بأقرا كلامك تاني استعجبت أكتر .. معلش اعذرني حاوضحلك تاني يمكن تكون لسه ما وضحتش
ازاي لما تاخد قرض من البنك بفايدة 10.5 % يبقي المبلغ اللي حتدفعه بعد سبع سنين يبقي ب 174 الف ؟!!!!
هو انت مأخر الاقساط و ما دفعتش ولا مليم غير لما السبع سنين خلصو ؟ ( دي الحالة الوحيدة ) !!!
ده انت بتدفع شهر بشهر زي أي قسط و في النهاية المبلغ اللي باقي عليك مثلا في سابع سنة حيبقي حوالي 12000 جنية فايدتهم 1250 جنيه .. يعني حوالي 1 % من اجمالي المبلغ .. فهمت ؟!!
يعني أول سنة الفوايد بتبقي 10 الاف جنيه و تاني سنة 7700 و هكذا .. و أخر سنتين 3100 جنيه و 1250 جنيه
الفايدة الثابتة 6000 جنيه كل سنة .. وضحت ؟

كلامك ده بياكد انك فعلا مش عارف الفرق بين الاتنين
الفايدة الثابتة 6% هى نفسها المتناقصة 12%
والبنوك لما تحب تضحك عليك تكتبلك الثابتة لكن فى النهاية بتدفع نفس المبلغ

**Egyzizo** · 24-11-2009 04:18 PM

المشاركة الأصلية كتبت بواسطة hegazio

يا أخي انا بأقرا كلامك تاني استعجبت أكتر .. معلش اعذرني حاوضحلك تاني يمكن تكون لسه ما وضحتش
ازاي لما تاخد قرض من البنك بفايدة 10.5 % يبقي المبلغ اللي حتدفعه بعد سبع سنين يبقي ب 174 الف ؟!!!!
هو انت مأخر الاقساط و ما دفعتش ولا مليم غير لما السبع سنين خلصو ؟ ( دي الحالة الوحيدة ) !!!
ده انت بتدفع شهر بشهر زي أي قسط و في النهاية المبلغ اللي باقي عليك مثلا في سابع سنة حيبقي حوالي 12000 جنية فايدتهم 1250 جنيه .. يعني حوالي 1 % من اجمالي المبلغ .. فهمت ؟!!
يعني أول سنة الفوايد بتبقي 10 الاف جنيه و تاني سنة 7700 و هكذا .. و أخر سنتين 3100 جنيه و 1250 جنيه
الفايدة الثابتة 6000 جنيه كل سنة .. وضحت ؟

قرض ايه بس؟ حد جاب سيرة قروض؟ واضح ان فيه سوء تفاهم يا حجازيو .. خللينى أشرح الطريقة اللى باتكلم عليها ..

انت هتشترى عن طريق التقسيط من بنك نـاصر بطريقة اسمها : (ضمان وديعة كاملة)

بمعنى أنك هتحط من فلوسك وديعة فى البنك قدرها 100 ألف جنيه ، والوديعة دى مجرد ضمان ، يعنى فوائدها ماشية عادى خالص كأنك شايل فلوسك فى أي بنك .. طيب لما 100 ألف يتسابوا 7 سنين بفائدة 10.5% هيبقوا كام؟ هيبقوا 174 ألف جنيه ، صح؟ (وأكتر لو حسبت فوائد الفوائد)

خلصنا من النقطة دى ..
نيجى بقى انك هتقسط .. هتقول لهم أنا هاقسط معاكم عربية على سبع سنين ومش هاجيب ضمانات موظفين ولا خلافه علشان فلوسى اللى عندكم ضمان كافى ، هيقولو أهلاً وسهلاً .. والتقسيط بفائدة 6% ومش متناقصة ولا حاجة، يعنى هتدفع مبلغ إجمالى قدره 142 ألف جنيه .. صح؟

يبقى مين اللى كسبان؟

مع ملاحظة التركيز على الملاحظة اللى قلتها قبل كده : الموضوع ده ممتاز للى يقدر يشترى العربية كاش وفى نفس الوقت يقدر يدفع قسط كبير.

**Hegazio** · 24-11-2009 04:24 PM

المشاركة الأصلية كتبت بواسطة ahmed4000

..
الفايدة الثابتة 6% هى نفسها المتناقصة 12%
..

بجد لا تعليق .. هو ده سبب سوء الفهم
مش قادر اجادل اكتر من كده .. انا مش حسبتهالك بالقسط بدل الحسبة دي و وريتك ان القسط الشهري في المتناقصة أقل ؟!!
يا أخي أقسم بجلال الله اللي بأقولهولك صح .. انا مش فاهم انت ازاي متخيل البنك ممكن يقلل مكسبه
براحتك ياعم .. عموما .. اشتري زي ما يعجبك

**Hegazio** · 24-11-2009 04:38 PM

المشاركة الأصلية كتبت بواسطة ahmed4000

..مفيش اى فرق ان ادفع 6% على اجمالى المبلغ او انى ادفع 12% على المبلغ المتبقى..

طب ماهو ده اللي بقوله من الصبح !! و بكده يبقي ال 6 % + الحبشتكانات أسوأ
يوضحلي أنا ؟! .. ولا يوضح لحد تاني ؟!
انا لسه سائل امبارح علي العموم .. انا لا يمكن أقسم الا لو متأكد
و صاحبي شغال في بنك cib كان معايا و احنا بناخد القسط من بنك ناصر و أحرج الراجل .. فالراجل قاله ( مانتو كمان بتضحكو علي الناس زيينا ) !!!

**ahmed4000** · 25-11-2009 03:43 PM

المشاركة الأصلية كتبت بواسطة Hegazio

طب ماهو ده اللي بقوله من الصبح !! و بكده يبقي ال 6 % + الحبشتكانات أسوأ

أسوأ من ايه؟؟؟؟؟؟؟
ال6% واللى عليها اقل من اى بنك من ناحية الفايدة الثابتة متفقين؟
طيب لو حتحسبها بالمتناقصة تفتكر رياضياً كده حيبقى اغلى ازاى؟؟؟؟؟؟؟؟؟؟؟؟؟؟؟؟؟؟؟

بالظبط 11% متناقصة على خمس سنين بيعمل ثابته حوالي 6.75% يعنى ال6% ثابتة اقل من 11% متناقصة

يبقى ازاى اسوا؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

وعلى فكرة لو بتقارن بين الحصول على قرض كاش او قرض تمويل سيارة فبلا جدال فى اى بنك حتقلاه حيكون القرض الكاش اغلى لان مخاطره اكبر من السيارة

**ahmed4000** · 25-11-2009 04:10 PM

وعلشان نبقى عمليين اكتر وننهى المناقشة فى النقطة دى
قولنا

6.75% ثابتة = 11% متناقصة

ومدام بنك ناصر بيدى 6% يبقى علشان نقول فى حد احسن منه مطلوب تجيب بنك بيدك قرض او بيمولك عربية بحاجة من اتنين:

لو بالفايدة الثابتة <6%

أو

لو بالفايدة المتناقصة <11%

لو جبت بنك بيعمل كده خلاص حنهى المناقضة واقول انت عندك حق وانا غلطان