الموضوع: تقسيط بنك ناصر الاجتماعي

الفائدة 6% مع دفع تقريبا 1 او 2 % مصاريف بنكية وتامين على الحياة مرة واحدة من اجمالى سعر السيارة

اولا بنك ناصر 6% يعنى خمس سنين حتدفع 30% زيادة على المبلغ المتقسط واقسم وشوف حتدفع كام فى الشهر

مفيش 7% دى واتاكد بس علشان تلاقي الموظف اللى قالك نايم بس
وبتدفع 1-2% مصاريف ادارية بالاضافة لتأمين على الحياة حسب سنك بيتدفع مرة واحدة تقريبا الف جنيه

لو معاك فلوس وعايز تقسط برده بنك ناصر احسن واحد فى نظام التقسيط بالوديعة....وده كالتالى

بتحط وديعة على الاقل 50% من تمن العربية وبيحسبلك عليها فايدة متغيرة (اسلامية) بس اخر مرة من شهرين كنت شايففها 10.6% وده رقم قياسى فى البنوك فى مصر دلوقتى وبيخصم منهم 6% فوايد للعربية يعنى تقريبا بتكسب على تمن العربية 4.5% يعنى فى خمس سنين حتلاقى نفسك

- قسطت العربية من غير فوايد
- خدت حوالى 20% مكسب او اعتبره تخفيض من تمن العربية

المشاركة الأصلية كتبت بواسطة tamer2020

معلش يا أستاذ أحمد ممكن توضيح أكثر لموضوع الوديعه 50% من ثمن السياره

يعنى لو السيارة ب100000 جنيه يبقى الوديعه 50000 جنيه صح طب الباقى

هيتقسط ازاى؟

الباقى حيتقسط عادى كانه واخد قرض 50 الف عليهم 6% فى السنة يعنى خمس سنين مثلا يبقى 30% من الخمسين الف يبقى 15 الف

بس فى نفس الوقت انت حتاخد 10.6% او قول 10% على الخمسين الف بتوعك يعنى خمسين فى المية فى الخمس سنين يعنى 25 الف

يبقى حتدفع فوايد 15 الف وتاخد فوايد 25الف يبقى كانك كسبان 10 الاف على تمن العربية

ده مجرد مثال

وعلى فكرة يا حجازيو حتى لو حتاخد قرض من البنك حيفضل تقسيط ناصر ارخص لان محدش بيدى 6% او حتى 7% فى السوق (كمان الفترة ممكن توصل لسبع سنين ونص مش خمسة زى بقية البنوك)