الموضوع: يا رب زيل الغمه اللى احنا فيها ديه

انا مافتكرش انى عمرى كنت حاسس باكتئاب زى اللى حاسس بيه اليومين دول

جبل عمال يكبر فوق صدرى مش عارف اتنفس

انا تعبت من كل حاجه
مافيش حاجه صح

ايه البلد ديه؟ ايه الناس ديه؟ فى ايه؟؟؟ ايه اللى بيصل ده؟؟

بلد فيها 80 مليون مش عارفه تصلح من نفسها

مافيش حد مؤمن انه ممكن يغير اللى موجود ده؟!!

فشل فى كل حاجه و همجيه فى كل شئ و دلوقتى الجديد بقينا بلد بق كمان على دول كانت تترعش لما نبرق و دلوقتى خلاص

كل حاجه راحت

هو مافيش حد منهم شايف وصلونا لايه؟
مافيش واحد فيهم قادر يعترف وصلونا لايه

انا قلت مصر هتنتفض و تقوم تبرق و الكل هيعرف حجمه

لقيت فار ماحدش شايفه وسط عالم ملئ بالوحوش

احنا لاحد شايفنا ولا سامعنا -- مافيش حاجه توجع اكتر من بلد بحالها تختفى كده

يا جماعه - احنا موش موجودين!!!


انا عمال ادعى الدعاء ده بدل ما اقوم اموت نفسى
اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك