مساء الفل عليكم
اولا اشكركم على مباركتكم مقدما ، و آسف على عدم المشاركة اليومين الى فاتو عشان كان عندى برد و الحمد لله احسن
المهم انا دفعت عربون لشركة احمد مرعى موزع نيسان فى الأسكندرية و الشهادة لله ناس قمة فى الأحترام و الجدية ، و دفعت الباقى و استلمت السيارة ثانى يوم ( الثلاثاء الماضى ) زى ما اتفقت معاه بالضبط و استلمتها من على الكساحة و سقتها بنفسى الى المعرض و غسلها و ركب لها نمر تجارية من غير ولا مليم و استلمت الأوراق بتاعتها فى الميعاد ( الخميس ) و الحمد لله رخصت يوم السبت ( امبارح ) يعنى بكرر ناس قمة فى الأحترام ، و كمان وديت العربية صباح تانى يوم ما استلامتها الى التوكيل لعمل Pdi و برده ناس محترمة جدا .
طولت عليكو شويا ، العربية ماشاء الله ادائها ممتاز و تقفيلها كويس جدا و هيى فعلا يابانى 100% و الصالون شيك و احسن بكتير من الصنى و كل الهيونداى الألنترا و السوناتا .
طبعا ما زونش فى السرعة عن 100 ك عشان التليين رغم انى سالت مهندسين كتير فى التوكيل هنا فى الأسكندرية و ابو رواش و الدقى عن التلين افادوا انها مش محتاجة تليين خالص قالولى امشى عادى بس مزودش الآر بى ام عن 40 الف لفة .
بصفة عامة العربية حاوة جدا و على فكرة العربية عالية عن الأرض و كمان الكراسى بتاعتها عالية ( زى الماتركس مع الفارق) يعنى هى رزق زوجتى ان شاء الله حسلمهالها بعد التليين .
الحمد لله بقينا اثنين فى المنتدى معانا التيدا الجميلة المهندس محمد طه و العبد لله .
المفضلات