الى كل من لايدرى ماهو 3dsmax
بسم الله الرحمن الرحيم
ان شاء الله فى الموضوع ده هعرض كل مااعرفه عن برنامج 3dsmax او 3d studio max بناء على طلب اخوه كتير فى المنتدى
بدايه كده تعريف بالبرنامج
برنامج 3ds max من اشهر واصعب برامج التصميم ثلاثى الابعاد
طبعا فى غيره كتير زى مايا او راينو او فور دى سينيما او كاتيا او سولد ووركس وطبعا الاوتوكاد
بس الـ3ds max مختلف شويه عن كل ده لأنه فيه اعلى دقه واعلى امكانيات وافضل نتيجه
برنامج الماكس يعتبر من اصعب برامج التصميم فى العالم وده عشان امكانياته الكتيره مخلياه عامل زى المتاهه
قوائم كتير واوامر كتير ومتاهات بجد متعبه جدا
لكن بعد ده كله اللى يتعلمه ويبقى كويس فيه او نقدر نقول محترف يبقى ده انسان محظوظ جدا ومطلوب جدا فى شركات كتير
وممكن يعمل عليه شغل فى بيته يتباع بملايين
المهم نيجى لمميزات ومهام البرنامج
زى ماقولنا البرنامج فى حاجات كتير جدا
نبتدى بالموديلينج mogeling
او النمذجه ( انشاء المجسمات )
اى حاجه بتتصمم على البرنامج ده لازم يكون ليها بلو برنت blueprint
والبلوبرنت ده عباره عن 3 مساقط للحاجه اللى هعملها مجسم
مثال : هنعمل العربيه دى
BMW 1 Series Coupe http://www.zcars.com.au/images/hartg...ies-coupe1.jpg هنروح ندور على البلوبرنت بتاعها اللى هو ده
عباره عن مساقط السياره الاربع
front . top . side . back http://i921.photobucket.com/albums/a...ueprint-lg.jpg وده رسمه توضيحيه لطريقه التقطيع http://i921.photobucket.com/albums/ad51/evoo200/dd.jpg وبعد كده بنبتدى نرص الرسومات على البلان اللى هنعملها على الماكس
شوفوا الصوره دى بتوضح شاشه العمل الرئيسيه للماكس وفيها 4 مربعات
منهم 3 اللى هشتغل عليهم بتوع ال3 مساقط بتوع العربيه والرابع ده منظور للشكل كله http://i921.photobucket.com/albums/a...titled-1-2.jpg وبعد كده بنعمل بلان فى كل مسقط عشان نسند عليه الصوره
وهيبقى ده المنظر ( بس ده لعربيه تانيه ) مش هتفرق كتير لان اى حاجه هاتتعمل على الماكس هنتبع الخطوات دى http://i921.photobucket.com/albums/ad51/evoo200/s.jpg زى مانتوا شايفين وش العربيه فى الـ front ولولفيناها 180 درجه هتلاقوا ظهر العربيه
و منظر العربيه من فوق فى الـ top
ومنظرها من الجنب فى right اللى هو الـ side
وفى اخر مربع تحت على اليمين بيظهر المنظور كامل
كده خلاص يعتبر مش فاضل غير اننا نبتدى فى انشاء المجسم وفى طرق كتير منها البوكس والبلان و و و و
وافضلهم البلان لو دورتم على فيديوهات هتلاقوا كتير
دى فيديو هيوضحلكم الصوره افضل
[youtube]http://www.youtube.com/watch?v=RuvgrfMxtb4[/youtube]
وفى كتير على اليوتيوب وغيره
كده احنا خلصنا مرحله الموديلينج
كده بيظهر مجسم كامل للعربيه مش ناقص غير الاكساء الريندر والاضاءه (الاخراج )
تابعونى ان شاء الله
نكمل فى اقرب وقت عشان تعبت كده
وده عشان اللى عايز يحمل البرنامج Autodesk 3ds Max 2010 Download - Softpedia
واللى عايز يتعرف اكتر على البرنامج افضل موقع يعتبر بيت الماكس اسمه ماكس فورمز
max fourms
وانتظرونى قريبا لباقى الشرح اللى على قدى ده
