الاخوة الاعزاء
لي استفسار مهم
ياتري ايهما افضل جهاز انذار spy ام symphony والجواب من الاخوة اللي استخدموهم
وماهي مميزات كل جهاز فيهم
وماهي عيوب كل جهاز فيهم
ياريت الاخوة المجربين الجهازين يدلوا بدلوهم
وشكرا
الاخوة الاعزاء
لي استفسار مهم
ياتري ايهما افضل جهاز انذار spy ام symphony والجواب من الاخوة اللي استخدموهم
وماهي مميزات كل جهاز فيهم
وماهي عيوب كل جهاز فيهم
ياريت الاخوة المجربين الجهازين يدلوا بدلوهم
وشكرا
حضرتك قصدك 2way ابوشاشة في الريموت ولا العادي؟؟؟؟؟
متشكر علي الرد
انا اقصد اتجاه واحد العادي الرخيص لان العربية مش غالية قوي يعني
وشكرا
يا باشا عربيتك غالية علشان بتاعة واحد محترم زي حضرتك...الحقيقة النوعين زي بعض..يبقى الأفضل هو الضمان وإنك تعرف مين المستورِد..اعتقد إن سيمفوني وولف بيتصنعو في مصر..وده يعطيهم افضلية نسبية من حيث تغيير (او شراء) أكثر من ريموت
كله شغال
شكرا للسادة الزملاء للرد
ونجرب spy كدة والحياة تجارب
وشكرا
لا بلاش سباي
ارجوك
انا اتدبست وجبته ب420 من ادريان وندمت وبضرب نفسي بالجزمة
اولا مش يبعمل صوت لو حد قعد على العربية او سند عيلها
لازوم يخبط العربية علشان الانذار يشتغل
ثانيا ودي تغيظ جدا بسبب اولا لو اي عربية نقل عدت جنب العربية تشغل الانذار وتحرق دمك كل شوية على الفاضي
ثالثا الانذار مش بيحدد العربية اتخبطت فين زي ما بيقولوا كل الخبطات بيجيب لك ان الجنب الشمال اتبخط وشكرا على كدة
ارجوك بلاش السباي وشوف اي حاجة تانية ان شا الله حتي توفق عيل جنب العربية هو اللى يصفر لو حد خبط العربية او حاول يفتح الباب
اخي كايرو 2005 شكرا
بس انت تقصد الانذار spy5000 2ways
لكن انا باتكلم علي الانذار العادي اللي ب 150 جنيه فقط بتركيبه
ياتري عمل مشاكل مع اي احد ؟
وشكرا
معرفش العادي
بس اذا كان الغالى زي الزفت يبقي ما بالك العادي ؟
اظن الانذار spy استيراد الحاج غريب ؟ مش كدة ؟
وناس كتير بتشكر فيه ياتري هو تايواني ام صيني
وشكرا
علي فكره انا ركب وولف وقعد معايا حوالي شهرين وباظ وكان بيخرف وحاله زي الزفت
وغيرته وجبت spy بجد جهاز محترم جدا جداا
انا كمان جبت اللي اليموت في المفتاح نفسه وكان ب 160 تقريبا من سنتين كده
أنا أول ما ركبت الـ spy 5000 كان يدى انذار لما حد يخبط على العربية جامد ..
رجعت للناس اللى ركبوا لى وقلت لهم زودوا الحساسية علشان الناس اللى بتركن على العربية
زودوها فعلاً .. وبقت تشتغل أفضل ..
بس للأسف ، الموضوع ده من آثاره الجانبية ان لو عربية عدت جنبها الانذار بتشتغل
وحتى لو عربية تقيلة شوية عدت فى الشارع تانى غير اللى راكن فيه، الانذار بيشتغل
وأصبح من الاستحالة انى أشغل الانذار لو أنا راكن على طريق.
عاوز أرجعه زى ماكان
هل ممكن أعمل ده لوحدى واللا لازم أطخ مشوار تانى؟
انا ركبت spy اتجاه واحد ثمنه بالتركيب 150 جنيه
لكن اقصي مسافة يستقبلها الجهاز من الريموت هي 25 متر تقريبا لان اريال الاستقبال الموجود في الجهاز طوله لايتعدي عن 30 سنتيمتر
وجربت اغير مكان الاريال في اكثر من مكان وبرضه هم 20 او 25 متر مدي استقبال الاشارة من الريموت وطبعا البطارية لسة جديدة
فهل من طريق لزيادة مسافة الاستقبال من الريموت ؟؟؟
وشكرا للسادة المجربين
والله يااخي انا من اسماعيلية وركبته في الاسماعيلية
وسالت عند واحد تاني هو نفس السباي وثمنه عنده لكن بدون تركيب 110 جنيه فقط انما ماعندهوش اللي بيركب فانا قلت اشتريه واركبه من عند واحد بيبيع ويركب عشان لو فيه حاجة يتغير في ساعتها
بس ده كل الموضوع
وشكرا
طيب باشا بعد اذنك مين فاسماعيلية بيبيعه من غير تركيب ؟
شكــراًً جزيلا .. وجارى التجربة ..
الاخ اللي بيسال علي مكان شراء الانذار من غير تركيب
عند طارق الجمال تقاطع الشارع البحري مع التلاتيني وتعدي التلاتيني ب 20 متر هتلاقيه
هو بيبيعه ب 110 جنيه كل انواع الانذارات عنده
وشكرا
ولكن الظاهر ان كل الانواع الرخيصة دي هي مداها بالكتير 30 متر لكن هو شغال معايا كويس بقاله كدة اسبوع
وشكرا
شكرا يا miessa جدا
يعني اجيب symphony ولا في نوع ممكن يكون احلي
أنا مركب سيمفونى من سنتين والحمدلله زى الفل لحد دلوقتى وإيه بيشتغل من الهوا بس طبعاً حسب ما بتظبط السنس بتاعه ولو إنت قريب من مصر الجديدة جرب التوكيل اللى في شارع النزهة بين ميدان الحجاز وسانت فاتيما