الموضوع: حاجه غريبه قوي

شباب العصابه واحشني و الله المهم انا اسف علي الانقطاع لكام يوه كدا نظرا لظروف الشغل و ربنا يكون في عوني و عونكم
انا قبل اي حاجه عايز اطمنكم اني لسه قافل مع محمد طناني و كان لسه خارج من عند الدكتور و الحمد لله الحمد لله يارب التحاليل طلعت كويسه و هيرجع يغزو المنتدي من تاني حمدا لله علي سلامتك يا كبييييييييييييييير
نخش في المهم بقي
كنت ف اسكندريه النهارده و راه الصبح الساعه 9 كدا و ماشي براحتي علشان الرادار و الحمد لله كان فيه اتنين و معرفوش يمسكوني
و انا راجع علي الساعه 7 بليل كدا قلت ياواد اجري بقي و قد كان 170 180 185 " العربيه مش راضيه تجيب اكتر من كدا مع ان ال ار بي ام علي 5.5 " مهدتش ثانيتين علي بعضهم فاتح و مظبط الطريق يمين شمال و قبل كارته مصر ب 40 كيلو لقيت العربيه بتسخن و بقت الحراره 92 قلت عادي يمكن علشان فاتح شويه و بقت 95 شويه و بقت 100 شويه و داخله علي الاحمر قمت واقف و مبطل و لما وقفت بقي لقيت دخنه طالعه من العربيه من تحت الكبوت جريت فتحت لقيت بخار بقي و الدنيا قلبت معايا بهبل المهم ببص علي المروحتين لقيتهم واقفين بصيت علي الفيوزات بتاعتها لقيتها سليمه قلت مبدهاش كلمت الكهربائي و حكيتله الموضوع قالي شل الفيشه بتاعت المراوح اللي في الريداتير هتلاقي 3 فتحات فيها اعملهم قفله ال 3 مع بعض و هتلاقي المراوح شغاله علي اسرع حاجه و حصل و العربيه هديت و زودت ميه و مشيت علي مهلي 90 100 بعد شويه لقيت الحراره تاني بتعلي لحد ال 100 فتحت القربه ملقتش نقطه ميه زودت و مشيت كام كيلو و بردو مفيش ميه و العربيه شخنت !!! المهم الحمد لله وصلت الجيزه و جبت ميه علشان ازود و انا بزود لقيت خرطوم رفيع كدا بيسرب ميه بسطه قوي " موقع الخرطوم " هتلاقي ماسوره قدام المتور بالظبط رفيعه قوي هيا و في اخرها خرطوم صغير كدا هوا دا بقي المه زودت و كلمت الكهربائي قالي انا هقفل دلوقتي ابقي تعلالي بكره و هيحصل ان شاء الله
سؤالين بقي محيرني :
السؤال الاول : ليه المراوح وقفت ؟
السؤال الثاني : الخركوم دا سرب ليه ؟ هل ياتري من ضغط الجري انا كنت ماشي 180 لمده ساعه ساعه و ربع تفتكروا دا السبب و الا ايه ؟
بس كدا و الف شكر