حادث أخر مروع علي الدائري

**Samir Elshahawy** · 24-11-2009 01:43 AM

أخواني الكرام ....

أسعد الله يومكم بكل خير و كفانا و كفاكم شر الطريق
لسه كنت راجع حالا من الاسكندرية و بعد نزولي من علي الوصلة الجديدة علي الدائري و بالقرب من نزلة المعادي اذا بي أجد الطريق متوقف تماما لمدة تزيد عن الساعة في كلا الجانبين و مع الوقت و بعد تقدم بطئ جدا شاهدت حادث مروع علي جانبي الطريق

في الجانب الذي كنت به (المتجه الي مدينة نصر و القطامية) :
- سيارة نصف نقل مصطدمة بالجزيرة الوسطي و مقدمتها مهشمة تماما
- بعدها بحوالي 3 متر سيارة لم أستطع تمييز نوعها من الدمار الذي هي عليه و أظن انها هيونداي علي الجزيرة

في الجانب الاخر (القادم من مدينة نصر) :
مالا يقل عن 9 سيارات مدمرة من الامام و الخلف ميزت منها ..
- نيسان صني (الاكصطدام الخلفي و الشنطة و اكس العجل الخلفي)
- نوبيرا (من الامام و الخلف)
- كورولا 2010 (الاكصطدام الخلفي و الشنطة)
- سبارك (الشنطة في الكبوت الامامي)
- و علي الجزيرة سيارتان احدهما تيريوس و الاخري برايد و مقدمتهما محطمة تماما و التيريوس الاصابة بها حتي السقف
- عدد اخر من السيارات لم أستطع تمييزها

الحادث علي مسافة لاتقل عن 1 كيلومتر تقريبا علي كلا الجانبين كما قلت

.... المصابين :
لايبدو أن هناك مصابين و لكني شاهدت سيارتا أسعاف و سمعن انهما نقلا شخصين اغلب الظن انهما من التيريوس و البرايد لأنهما أكثر سيارتين تضررتا و يبدو انهما سبب كل هذه الفوضي

المنطقة مليئة برجال الشرطة و المرور حاليا

ربنا يسترها علينا جميعا

**M.Osman** · 24-11-2009 01:47 AM

ربنا يسترها علينا...

**amr.elsayed** · 24-11-2009 01:58 AM

لا حول ولا قوة الا بالله
ربنا يستر طريقنا جميعا

**magyver** · 24-11-2009 02:09 AM

امتي هاايقف النزييف دة
ارحمنا ياارب

**Dr_Smart** · 24-11-2009 02:17 AM

يا ساتر يا رب استرها معانا

سمعت عنها من شويه عالراديو ويقال ان فيه وفاة وان سببها عربيه كانت ماشيه عكس الاتجاه

**Samir Elshahawy** · 24-11-2009 02:26 AM

هي مش عربية عكس الاتجاه اللي انا شوفته أن فيه عربيتين أصطدموا ببعض و فيه عربية منهم دارت حول نفسها و أصبحت عكس الاتجاه و طبعا الوقت كان متأخر و كله جاي بيجري و مندفع فدخلوا فيها و في بعض

السيناريو الاخر ان فيه حادث وقع أصلا علي أتجاه مدينة نصر (اللي كنت أنا جاي فيه) و عربية منهم طلعت الجهة الاخري و أصبحت في عكس الاتجاه و سببت تلك الكارثة بدليل مشاهدتي لثلاث عربيات مدمرة تماما علي الجزيرة الوسطي و عربية نص نقل مهشمة في أتجاه مدينة نصر قبلهم بمسافة كبيرة

**merosss** · 24-11-2009 02:48 AM

الدائرى دة اساسا بقة خطر جدا جدا المفرووض ينضم الى اخطر طرق فى العالم ذى الطريق بتاع بولفيا الى على جبل دة بس مش عشان الظروف الطبيعية دة بقة هيبقى عشان العامل البشرى عدم الالتزام بالقانون انا من يومين كنت على الاتوستراد وطالع الدائرى فى اتجاة الجيزة ولاقى عند الطلعة عربية 132 ملاكى القليوبية بيرجع لورا ومش كدة وبس وعايز ينزل الطلعة عكس بضهرة حد يقولى بقة عمرة شاف غباء واستهتار بالشكل دة

**Hesham_91** · 24-11-2009 04:19 AM

المشاركة الأصلية كتبت بواسطة merosss

الدائرى دة اساسا بقة خطر جدا جدا المفرووض ينضم الى اخطر طرق فى العالم ذى الطريق بتاع بولفيا الى على جبل دة بس مش عشان الظروف الطبيعية دة بقة هيبقى عشان العامل البشرى عدم الالتزام بالقانون انا من يومين كنت على الاتوستراد وطالع الدائرى فى اتجاة الجيزة ولاقى عند الطلعة عربية 132 ملاكى القليوبية بيرجع لورا ومش كدة وبس وعايز ينزل الطلعة عكس بضهرة حد يقولى بقة عمرة شاف غباء واستهتار بالشكل دة

اللي حضرتك بتقول عليه ده شفته اكتر من 11 او 12 مرة نصهم بيبقوا عربيات نقل

ربنا يستر ..