مشكله مش لاقى ليها حل

**Esam Mosaad** · 24-11-2009 02:12 AM

السلام عليكم

البدايه كل سنه وانتوا طيبين

المشكله بباطه انى بسمع صوت تكه جايه من تحت الدواسات او من عند العجل
كانت فى الجمب الشمال وبس وبتيجى كل فين وفين وسعات كنت بسمعها فى الجمب اليمين
فى جميع الاحوال يعنى وانا ماشى وانا بقف وانا بلف او مطب بطلعوا او حفره وهكذا

جربت روحت لجميع العفشجيه الى عندى والميكانيكه ومحدش افدنى غير ان العفشه سليمه مفهاش مشكله
اواربطها واعمل فيه اكل خاجه وبرضوا
والصوت ده زاد اوى اخر واحد قلى ممكن يكون شرخ طب شرخ فين؟
واعمل ايه ولا اروح لمين؟
لانى زهقت بصراحه بجد

**redawilliam** · 24-11-2009 10:05 AM

حاول تبص على قواعد الموتور اللى متثبتة فى الشاسية
يعنى كانت فى عربيتى تحت البطارية و لما عملت شغل فى العفشة لاقيتة عايزة تتلحم
ربنا معاك

**nour2007** · 24-11-2009 10:52 AM

ممكن قواعد موتور وممكن قطمه دريكسيون وممكن اسكاترا الدركسيون
والله اعلم
وفي انتظار أراء خبراء المنتدي

**Esam Mosaad** · 25-11-2009 09:45 AM

الاسكترا سلميه
الصوت بيكى من عند المقصات
رغم انى نزلت تحتها ومشوفتش اى شرخ بس الميكانيكى قلى
لازم نفق ونشوف الموضوع ده

لكن انا مش مركب رينجات واشكرك على المعلومه

قواد الماتور سليمه ومفهاش مشكله

واشكركم جميعا

**Esam Mosaad** · 26-11-2009 09:15 AM

صوت التكه فى جميع الاول
ممكن فى بدايه الطلعه فى دوسه الفرامل اصناء نقل الغيار
المطبات الحفر

امبارح رحت لواحد عفشى محترم سمعتوا الصوت وعلى فكره الصوت من
النحيتين سعات الاتنين مع بعض وسعات كل جمب لوحدوا مع الغلم ان الجمب اليمين اكتر

المهم نلت تحتها ورفعها من قدام وربط العفشه كويس تمام اخد حوالى ربع ساعه

قلى اطلع جرب قولتوا سبق وربطها وبرضوا قلى الصبر رطب معايه وجربنا
الصوت فين وفين لما بيجيى يعنى مشاورين ولا حاجهوهيرجع تانى

قالى العفشه سلميه المقصات سليمه
يبقى الاحتمال هوا شرخ فى القنكر بتاعت العفشه عن المقصات وقلى انا لما ربط عليها الصوت قل او اتكتم معناها فى حاجه اتلمت مع بعضها

قلى لازم العفشه تنزل عند سمكرى والعريبه تتغسل قبلها ويتبص عليها لو فيها شرخ يتلحم ده الى حصل

لو حد شايف حاجهاقدر اعملها ياريت تفيدونى
طلبى الاخير
انا ناوى اعملها بعد العيد وكل سنه وانتوا طيبين فى الحرفيين
بس لو حد يعرف واحد كويس ومحترم فى الشغل بتاعوا ياريت يفدينى
وبرضوا ميكانيكى يكون شاطر هناك وكهربائى
بجانب انوا تكتم او خف فى الصوت

**mrsailor** · 03-12-2009 04:10 AM

لو التكة بسيطة او صوتها ضعيف يبقى ممكن يكون جهاز الفرامل مبوش او السوستة بتاعتة وحشة او مش موجودة
لو التكة صوتها جامد بعنى اقرب الى طرقعة ممكن قيكون كاوتش الياى مقطوع و فى الحالة دى بيتغير او بيحط له خرطوم وممكن كمان يكون الياى عاوز يتريح

**sameh127** · 28-12-2009 09:28 PM

اكشف على:
1- جلب المقصات ليست متأكلة او مبوشة"تبان لما المقص يتفك من
العربية مش وهو راكب"
2- تثبيت جهاز الباورستيرينج مع صدر العربية "نقطتين تثبيت
بأفيزين صلب كبار يتربط عليهم كويس"
3- الصواميل السفلية لجهاز الباور مربوطة تماما واللي هي حاكمة
الزيت و السيل داخل جهاز الباور من الهروب الي خارج الجهاز
و السقوط علي الأرض
4- تأكد من تربيط جهاز الفرامل مع العفشة جيدا و تأكد من تثبيت
تيل الفرامل داخل الجهاز بواسطة السوست اعلي و اسفل التيل
عدم وجود سوست تثبيت التيل تجعله يخبط في الجهاز مع المطبات
5- تأكد من سلامة حالة بيضات المقصات السفلية و بيضات الطرف
للسكاترة او الباور
6- تأكد من ان صامولة الكوبلنج الخارجية مربوطة ومثبتة
7- تأكد من سلامة حالة المساعدين الأمامية "تكتشفها جيدا لما تفك
المساعد خارج العربية"
8- ممكن تكون المشكلة في الشكمان"سواء السوستة الأمامية بايظة او في علبة البيئة بتلمس جسم العربية من تحت او كاوتشات تثبيت الشكمان بتخليه يهتز جامد ويلمس العربية مع المطبات او مع طلعة العربية من الوقوف، الموتور بيهتز قليلا ويرج شجرة الشكمان فيلمس العربية" المفروض ترك خلوص كافي بين شجرة الشكمان من اولها الى اخرها وبين جسم العربية