عرض للطباعة
كل عام و انتم بخير ,
من كام يوم كنت بأسمع صوت طقة أو طقطقة غريبة من أسفل السيارة وانا ماشى علي السرعات البطيئة
مش مع الملفات لكن وانا ماشى طواي , مش مع المطبات لكن في العادي كده
للأسف مش قادر اربطها بحاجة معينة لكنه أمس بدأ يزيد و أنا مسافر بيها كمان يومين وقلقان يكون حاجة كبيرة
طرمبة بنزين _ شكمان _ عفشة
ومش عارف اكشف عليها فين ميكانيكي ولا عفشجي ولا شكمانات
بصراحة انا واثق انكم تقدروا تساعدوني بخبرتكم
وكان عندي سؤال ايه هي اعراض تلف طرمبة البنزين؟؟:ask:
مبدئيا أطمن على بلى العجل
وممكن تكون الطقه دى جايه من الكبالن الداخليه
وبرضه شوف عفشجى كويس
يراجع على العفشه كلها
ضعف السحب وأختلال آداء المكنه بسبب نقصان ضغط الطلمبهاقتباس:
وكان عندي سؤال ايه هي اعراض تلف طرمبة البنزين؟؟:ask:
هو العرض الأساسى لها
بعد الأطمئنان على كل مكونات دورة الأشعال ودورة البنزين
وعمل أسكان كنوع من الأطمئنان على كفاءة عملية التحكم بالمره
شكرا يا بشمهندس سمير
انا فعلا كشفت علي البلي الخلفي , الميكانيكي قال العيب منه لكن مغيرهوش نضفه وشحمه و قال
كده تمام , جربت الصوت اختفي لكن بعد نصف ساعة قيادة الصوت رجع تاني
ذهبت مركز خدمة معتمد صدقني مش عارف عمل ايه في النصف الأمامي لكن يبدو ان الصوت اختفي
هو قال البارات ,
لكن دلوقتي عندي مشكلة تانية الميكانيكي الأولاني رجلش الفرامل الخلفية والعربية بقت تقيلة شوية
حتى والعربية مرفوعة العجل الخلفي لما ازقه مش بيجري ممسوك شوية,
هل كده هيأثر علي حاجة؟
ممكن نخفف الرجلاش ده شوية ؟
بس فرامل اليد بقت حديد
آسف للإطالة وشكرا جدا ليك يا بشمهندس سمير وكل سنة وانت طيب وكل أعضاء المنتدي بخير
بمناسبة عيد الأضحي .
كده العربيه حتتكتف والتيل الخلفى حيتاكل بسرعهاقتباس:
لكن دلوقتي عندي مشكلة تانية الميكانيكي الأولاني رجلش الفرامل الخلفية والعربية بقت تقيلة شوية
حتى والعربية مرفوعة العجل الخلفي لما ازقه مش بيجري ممسوك شوية,
هل كده هيأثر علي حاجة؟
روحله خليه يهوى شويه على التيل
مع ملاحظة أن فرامل اليد حتخف شويه معاك