ممدوح باشا
لو سمحت ايه نوع اللمبات الكوري ال 100 90 دي؟
عرض للطباعة
ممدوح باشا
لو سمحت ايه نوع اللمبات الكوري ال 100 90 دي؟
هو مبدأيا مش لازم تفك الوش لان فى الاغلب هتلاقى الفانوس من برة هو اللى مصفر ودة احنا هنضفه بالبولش.اقتباس:
فعلا كلامك صح مليون فى الميه لان دا غالبا ال حصل بس الفانوس مش عارف اذا كان ممكن افك الوش ولا مش ينفع هشوف وهقولك بيس تغيير النور شايف انه اساسى هتقولى ليه علشان حصل نفس الموضوع فى نور الصالون اول ما جبت العربيه كان ابيض بعد مده بقا اصفر خالص ومش قوى شلت نور الصالون وجبت لمبه نورها عامل ذى نور الزينون كدا بس بصراحه فرق كبير جدا تحس ان نور الصالون واضح للغايه
وبالنسبه للمبة الصالون انت لما جبت اللمض الليدات البيضه اكيد حسيت بفرق جامد اكنك بتقارن زينون بأضاءة عادية لكن لو كنت غسلت الباغة بتاعت لمبة الصالون وركبتها تانى كانت هترجع الاضاءة زى ما كانت.
وعلى فكرة مسألة تنضيف الفوانيس دية اعملها حتى لو غيرت اللمض وركبت كتاوت لان اكيد هتفرق معاك .اعتبرها صيانه للفوانيس.
انا جربت برضة ال أوسرام ال 100 وات حلوة والأصلية في العربية كانت 55 وات نورها عادي موش ازرق بس ساطع وواضح و اللمبة بعشرة جنية فقط و مصنوعة في المانيا
اخى محمد ممدوح
اول لما دخلت المنتدى سمعت الناس بتشكر فيك فى اكتر من موضوع ومكنتش عارف ايه السبب بس لما اتعاملت معاك عرفت قد ايه ان انسان تستاهل كل احترام وتقدير
احب اشكرك على متابعتك لكل المواضيع وخاصه الموضوع بتاعى والف شكر مره ثانيه
السلام عليكم يا شباب
انبارح وانا نازل بليل لقيت نور العربيه الخلفى حسيت انه بقا مكتوم خالص يعنى قوه الاضائه ضعيفه شويه فى الاول كان مبهر تحس انه قوى ..... هل ينفع برضوا اغير اللمبات للمبات اقوى علشان يرجع ذى الاول قوى ولا ايه رايكم علشان ارجعه تانى قوى ومبهر ذى الاول
هو حضرتك لسة ماغيرتش اللمض ادام ولا صرفت نظر
لا لسه مش غيرت علشان الناس قافله علشان العيد كل سنه وانتم طيبين وان شاء الله على يوم الجمعه علشان اجازه من الشغل بس يارب الاقى الفيلبس الرالى علشان مرتاحلها بس مش عارف كويسه اوى ولا فى حاجه انظف
ممكن تغير اللمبات لأنها غالبا مع الإستخدام بعد فترة بتبقي مهببة من الداخل مايشبة الشياط الخفيف وقوة اضائتها بتقل جدا كذلك ممكن تفك الفوانيس الخلفية انا عملتها من اسبوع بالضبط وهي بتتركب بمسمارين صليبة فقط + اثنين أصابع ضغط جة الخارج المهم فك المسمارين الظاهرين تحت غطاء الشنطة واسحب الفانوس من الجهة الخارجية ناحية الرفرف لكن بحرص ستجدة خرج بسهولة ثم ستجد اربع وصلات لأربع لمبات وهي تفصل بنصف لفة (أحذر ضياع الجوان الكاوتش تحت قواعد الدوايات البلاستيك) اللمبات بتتفك مثل اي لمبة مسمار و ممكن تغيرها هتلاقي اثنين جواهم اثنين فتيل ودول بتوع الستوب واثنين بفتيل واحد ودول بتوع الرجوع للخلف و الأنعطاف لوعاوز تغيرهم اشتري لمبات زيها بالضبط ويفضل لو اوسرام او فيلبس وابعد عن الصيني ام 75 قرش وهمة كل المقاس دة نفس القدرة يعني موش مثل اللمبات الأمامي ممكن تركب قدرة اعلي اعتقد كلهم 20 وات او 25 موش فاكر بالضبط و متخفش من مواقع الدوايات في الفانوس هتلاقي مدون رمادي امام الدواية الرمادي وانت بتركب لاحظ مين بتاعة الإنتظار ومين للرجوع للخلف عموما هي مبتلخبطش ولا حاجة سهلة جدا بالنسبة للفانوس كان عندي فية شرخ خفيف ومدخل فية تراب و البريق موش قد كدة خدة البيت ومن فتحات اللمبات ضع سائل تنظيف الأطباق وأملأ الفانوس مياة ورجة كويس وعيش نضافة براحتك ثم صفية ولو عنك بلاور (دافع هواء شديد) متحرمهوش من السعادة دي او سيبة نص يوم ينشف وبعدين ركبة لو عندك سيليكون شفاف ممكن تراجع عل الأجزاء بين الوش والفانوس دي ممكن تكون غير محكمة وبتدخل تراب ركب وشوف الإضائة وادعيلي