-
الموتور بيجيب زيت
السلام عليكم و رحمة الله و بركاته
أولاً انا عندي عربية شاهين 1.4ie و المحرك بتاعها بألو كتير بيسرب زيت المهم سألت واحد ميكانيكي قاللي ده جوان وش السليندر "او حاجة زي كده بس انا مش فاكر المصطلح أوي" المهم انا بردو لسة فاكسان و مروحتش غيرته ....
هو قاللي ان تغيره عند أي ميكانيكي مش حياخود ساعتين
سؤالي ليكم بقى:
انا خايف أروح اغيره الميكانيكي يقولي ان المشكلة حاجة تانية و تبقى فاتوحة عليا و وجع دماغ
فهل حد يعرف المشكلة دي ممكن تكون من ايه تاني
و ايه أضرارها على المحرك "لأني سايبها كده بقالي كتير أوي معالجتش المشكلة"
و لو هي وش السليندر فعلاً ممكن حد يفهمني ساعتها الميكانيكي حيعمل ايه بالضبط في العربية و التكلفة في حدود كام
و أخيراً ممكن نصايحكم ليا و لغيري عشان المشكلة دي متتكررش معايا تاني ...،
و شكراً
-
معلش ياريت تقول الموتور بيسرب زيت منين بالزبط علشان نقدر نفيدك ومش مهم تفتكر المصطلح
كفاية نك فاكر مصطلح فكسان ده إنت هتفتكر إيه ولا ايه؟!:majd(4):
-
عزيزى حاول تجعل احد الفنين الاخرين يقولك اية السبب وقولنا الاول واحنا نحاول نقدم لحضرتك المشورة اذا امكن بمشيئة الله وعونة:b4_388:
-
ok ,, isa ana 7a7awel aswarha we arf3 el sora 3la el mawdo3 3shan tb3n msh 7a3rf a2olokm mnen belzabt,,,
bs hwa bysrb mn fo2 5ales " mn t7t filter el hwa "
-
اللي فوق خالص ده إسمة جوان تاكيهات اللي هو تحت الفتحة اللي بتحط منها الزيت علطول
دي حاجة عادية جداً وتغيرها سهل مش بياخد ربع ساعة
وممكن كمان يكون محتاج يتربط علية كويس بس
-
من حيث المبدء من الصعوبة تهريب زيت من وش السلندر الا فى حالات نادرة جدا ويكون هنا تسريب كمية من الزيت من احدى فتحات الزيت بالجوان وتخرج لوجود قطع بالجوان قد نتج وهذا احتمال 1%
اما اذا كان الزيت من اعلى اى من جوان غطاء التكيهات فهذا امر وارد وعموما ينبغى عندما يكون تسريب الزيت من جوان غطاء التكيهات
يتم تغير الجوان وهذا امر سهل وبسيط ولا يستغرق اكثر من 45 دقيقة
ملحوظة
يرجى سرعه الاصلاح لان تسريب الزيت يجعل الامر غير امن
-
Allah ye5likom lya ya rabb, ya a7la montda carz et3amlt ma3ah,,we bgd shaaaakr gdn lykom
ALf shokr alf shokr
bgd ana shaker gdn le ta3awenkom m3aya we sor3t radkm
-
لو التسريب من المسامير اللي رابطة وش السلندر ( عندي كان كده برضه ) يبقى تغير الجوان هو الصح وده بسيطة مش حياخد وقت .
-
عزيزى اسمح لى لم ارى ابدا زيت يخرج من موضع مسمار وش السلندر --- تسريب الزيت يكون دائما من الجوانات او الوصلات
وحيث اننا نتحدث عن خروج زيت من منطقة راس الاسطوانات ( وش السلندر ) اذا علينا التاكد من ان جوان غطاء التاكيهات سليم وان مساميرة مربوطة بشكل سليم وهذة هى اعلى منطقة بالمحرك وفى حالات قليلة جدا يتسرب زيت من خلال جوان وش السلندر لوجود عيب بالجوان او قطع بجوار فتحة زيت موجودة بالجوان وفى هذة الحالة الاخيرة لبد من الرجوع للورشة او الفنى المتخصص للتاكيد والاصلاح وشكرا جزيلا
Content Relevant URLs by
vBSEO 3.6.0 PL2