الموضوع: فضفضه ومخاوف (الساجا الموديل الجديد من بروتون)

the Proton Saga is powered by a 1.3 Litre IAFM equipped Campro engine. This engine is capable of producing a satisfying 98 hp*. To have a better picture of things, let's look at the horsepower (hp) produced by different cars.

1.3L Proton Saga --- 98 hp*
1.3L Lancer Booma --- 85 hp
1.5L Toyota Vios --- 107.5 hp
1.5L Honda City --- 118.4 hp

*for some unknown reason, the official brochure is only published with the familiar 94 hp but the actual dyno figure is 98 hp

And a lot of ppl said the dashboard material isnt that good..and the FC not so nice.

so check it yr self out.

تحياتي

انا شايف انها حتنتشر لتلات اسباب :-

1- ان تمنها رخيص بالنسبه لكمالياتها و منافسيها 63 الف مانيوال , 69 اوتوماتك .

2- حتتباع و حتاخد اسم على نجاح و انتشار الجين2 .

3- توافرها بفيتيس اوتوماتك " و دية اضافه مش موجوده فى عربية السيدان فى رينج الستينات " .


1- الساجا المانيوال من ارخص سيارات السيدان لو قارناها بـ :-

- لوجان هاف اوبشن 63 الف " بالحجز "
- فيرنا فيفا هاف اوبشن 64 الف
- فيرنا 1,6 هاف اوبشن 65 الف
- لانوس هاف 67 الف
- لوجان فل اوبشن 67 الف " حجز "
- فيرنا 1,6 فل اوبشن 68 الف
- اسبرانزا a516 بـ 68 الف
- لانوس فل اوبشن 70 الف
- افيو هاف اوبشن 74 الف
- اسبرانزا m11 بـ 75 الف" حجز "
- افيو فل اوبشن 78 الف

* ارخص فى السعر و فيها كماليات كويسه ... كاست سى دى , ايرباج , مرايات كهرباء , جنوط , فوج لايتس , مفتاح ايموبلايزر + ريموت كنترول باركنج سنسورز .
* كتقفيل انا لسه ماشوفتهاس علاشان احكم بس متهيألى انها حتكون احسن بكتير من الفيرنا و الانوس .
* موتور كويس 1300 و 94 حصان ... نسبه ممتازه و العربيه اساسا خفيفه فاعتقد ان استجابتها حتكون كويسه ..خصوصا ان موتورها هو نفس موتور الجين 2 مع اختلاف حجم البستم .ف الموتور متجرب فى الجين و الناس بتشكر فيه .


2- الجين 2 عملت اسم كويس جدا لبروتون فى مصر و انتشرت من غير ادنى انواع الدعايا .
فالناس بقت تعرف ماركه بروتون و لما ينزل ليها موديل بسعر رخيص و امكانيات كويسه .. حيبقى حجم المجازفه بالنسبالهم اقل و حيقبلو عليها .. حتى ولو بشكل قليل فى الاول .


3- توافر الساجا ب فتيس اوتوماتك .
( ديه اهم ميزه فى العربيه و الى حتخليها تنتشر ) ... اقرب عربيه سيدان فى السعر بفتيس اوتوماتك الفيرنا ب 75 الف ... فرق 6 الاف جنيه و مفهاش ايموبلايزر ولا ايرباج ولا جنط ولا باركنج سينسور .

* ناس كتير عاوزه تجيب عربيه متوسطه فى رينج الستينات اوتوماتك .. مافيش غير الساجا ... حتى البيكانتو و ال i10 ب 70 و 72 الف و بكماليات اقل .
*جزئيه الثبات ... معتقدش ان الساجا حتقرب من الجين و الواجا فى موضوع الثبات لانها مختلفه كليا و مطوره من شاسيه السافى + انها عاليه ... و ديه مش مشكله لانها اساسا معموله للمدينه " و ده واضح حتى على تصميم السقف فى الخلف عالى علاشان يوسع من مساحه الصالون " , فمحدش يتوقع من الساجا ثبات مشابه من قريب او بعيد للجين 2 ..او حتى مشابه للويرا .

اجمالا هى تتباع علاشان" ميزه بروتون المهمه " السعر فى مقابل القيمه و علاشان الفتيس الاوتو .

تحياتى ليك يا هندسه :) .. حقيقى اتشرفت بلقائك فى اخر مقابله , للاسف مجاتش فرصه نتكلم كتير بس تتعوض المره الجايه ان شاء الله .

شكرا على الموضوع الجميل .

المشاركة الأصلية كتبت بواسطة muhammedsoliman

عزيزي بلومانج بدايه الشكر واجب على المداخله وانا معاك 100 فى 100 على مدي منافستها للوجان وإن شاء الله سأعقد مقارنه كامله بينها وبين اللوجان واتمنى أن تكون معانا
تحياتى

ياريت في انتظار هذة المقارنة

واخبار التكيف مع الاوتوماتيك اية؟؟؟؟؟؟؟؟