| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 3 من 6 الأولىالأولى 1 2 3 4 5 6 الأخيرةالأخيرة
النتائج 21 إلى 30 من 54

  1. #21

    الصورة الرمزية eslam_wega

    رقم العضوية : 33115

    تاريخ التسجيل : 16Feb2009

    المشاركات : 2,225

    النوع : ذكر

    الاقامة : Obour City

    السيارة: Gen2 /2017

    السيارة[2]: Gen2 /2010

    الحالة : eslam_wega غير متواجد حالياً

    افتراضي -

    hasad">

    الى خالنى اتمسك اكتر واكتر واشترى الجين 2 التقارير الجامدة والاشعار الى كانت بتنزل فيها وما زلت الحمدلله
    عشان كدا العربية دى عايزة حاجة واحدة
    حد يشتريها ويعمل 3000 كليو وينزل تقارير محترم ومحايد

    http://img844.imageshack.us/i/dscf0140c.jpg/


  2. #22

    الصورة الرمزية MuhammedSoliman

    رقم العضوية : 29095

    تاريخ التسجيل : 03Jan2009

    المشاركات : 930

    النوع : ذكر

    الاقامة : حبيبتي اسكندرية

    السيارة: بفكرفى Gen 2 2011

    السيارة[2]: Gen2 2006

    الحالة : MuhammedSoliman غير متواجد حالياً

    افتراضي -

    اقتباس المشاركة الأصلية كتبت بواسطة Hosam_Optrawy مشاهدة المشاركة
    رأيى الشخصى ان اكبر ميزه فيها هو سعرها خاصة الاوتوماتيك

    لكن العربيه كشكل ومضمون وتقفيل خامات

    عاديه او اقل من العادى

    ومع احترامى للساجا ال سبيرانزا m 11 من الداخل شكلها وخاماتها وتقفيلها افضل
    طبعا السعر شئ منافس بس هل نثق فى اعتماديه تكنولوجيا الهيدروماتيك بأسعار رخيصه؟؟؟؟؟ هذه نقطه .... النقطه الثانيه أنا معاك إن تصميم ال m11 أحلى من الساجا من الداخل والخارج خصوصا :
    " خرجت M11 من تحت عبائة التقليد الذى لازم تصميمات السيارات الصينية منذ فترة إطلاقها حتى فتره قريبه فى مصر , وقد تم تصميم السيارة على يد المصمم الإيطالى الشهيرالراحل أندريا بينينفارينا بعد نجاح أول نتاج تعاون شركة شيرى وبيت تصميم بينينفارينا مع اسبرانزا A113 ، وتمتاز تلك السيارة بتصميم جيد للغاية نلتمس فيه بكل وضوح اللمحه الرياضية والشكل الهجومى والطبع الفاخر فهى بلا شك أحدى أفضل سيارات فئتها تصميماً , فتلك السيارة حاصلة على جائزة أفضل تصميم فى الصين لعام 2008 كما أنه تم بناء الشاسيه الخاص بها بالتعاون مع شركة ميرا الإنجليزية لضمان أداء أفضل وتحكم أكثر مرونه .
    تتناغم خطوط المقدمة فى تناسق واضح بداية من تصميم المصابيح الجميل وخطوط المصد الأمامى الجميلة والتى تندمج مع غطاء المحرك لتقديم خليط جميل ومحبب تتوسطه شبكة التهوية المحلاه بقطع من الكروم اللامع ، الشكل الجانبى لا يخلو هو الأخر من لمسات ملفته لعل أبرزها إختفاء مقابض الأبواب الخلفية وهذا الخط البارز الذى يتوسط مقابض الأبواب الأمامية ليستمر متواصلاً حتى المصابيح الخلفية ، أما المؤخره فهى الأكثر إثارة فى التصميم الخارجى لتلك السيارة على الرغم من قلة تفاصيلها إلا إنها تمتلك خطوطاً مميزا بالإضافة إلى التصميم الثورى للمصابيح الخلفيه" ( منقول) .

    ولا أدري إن كان يصح أن نقارن بين الأثنين أم لا لختلاف الفئه وأيضا ارتفاع سعر ال m11 عن الساجا m11 :1.6 F/O M/T 2010 74900

    أشكر على مداخلتك
    تحياتي


    اقتباس المشاركة الأصلية كتبت بواسطة MohabSaeed مشاهدة المشاركة
    انا شايف انها حتنتشر لتلات اسباب :-

    1- ان تمنها رخيص بالنسبه لكمالياتها و منافسيها 63 الف مانيوال , 69 اوتوماتك .

    2- حتتباع و حتاخد اسم على نجاح و انتشار الجين2 .

    3- توافرها بفيتيس اوتوماتك " و دية اضافه مش موجوده فى عربية السيدان فى رينج الستينات " .
    يا فنان والله أنا اسعد بالمقابله وإن شاء الله المره الجايه نعرف نقعد مع بعض أكتر من كده ونقول برحتنا وانا سعيد جدا أنك معايا فى الموضوع نيجيى بقا لموضوعنا

    اقتباس المشاركة الأصلية كتبت بواسطة MohabSaeed مشاهدة المشاركة
    1- الساجا المانيوال من ارخص سيارات السيدان لو قارناها بـ :-

    - لوجان هاف اوبشن 63 الف " بالحجز "
    - فيرنا فيفا هاف اوبشن 64 الف
    - فيرنا 1,6 هاف اوبشن 65 الف
    - لانوس هاف 67 الف
    - لوجان فل اوبشن 67 الف " حجز "
    - فيرنا 1,6 فل اوبشن 68 الف
    - اسبرانزا a516 بـ 68 الف
    - لانوس فل اوبشن 70 الف
    - افيو هاف اوبشن 74 الف
    - اسبرانزا m11 بـ 75 الف" حجز "
    - افيو فل اوبشن 78 الف

    * ارخص فى السعر و فيها كماليات كويسه ... كاست سى دى , ايرباج , مرايات كهرباء , جنوط , فوج لايتس , مفتاح ايموبلايزر + ريموت كنترول باركنج سنسورز .
    * كتقفيل انا لسه ماشوفتهاس علاشان احكم بس متهيألى انها حتكون احسن بكتير من الفيرنا و الانوس .
    * موتور كويس 1300 و 94 حصان ... نسبه ممتازه و العربيه اساسا خفيفه فاعتقد ان استجابتها حتكون كويسه ..خصوصا ان موتورها هو نفس موتور الجين 2 مع اختلاف حجم البستم .ف الموتور متجرب فى الجين و الناس بتشكر فيه .
    مهاب باشا لاحظ إن أغلب السيارت التى ذكرتها 1500 cc ويمكن كلها واحنا هنا معا 1330 الساجا فلما يكون هناك ألف أو إثنين أكتر ده طبيعى بالإضافه إلى أن الكام ألف زياده اللى حضرتك ذكرتها بتشتري بيها برضوا الحجات الأتيه :
    1. سعر إعادة بيع
    2. سياره مجربه من قبل السوق المصري
    3. قطع غيار أكيد أرخص فى أغلب الماركات التى ذكرتها بحكم التواجد منذ فتره فى السوق المصري
    4. فرق سعه لتريه

    بس الكلام ده بقا بتعوضه الساجا فى الكمليات اللى ممكن تضفها على أي عربيه بعد كده بسعر أرخص من الوكيل
    فأمام المستهلك حاجتين :

    إما الأربع نقاط اللى انا ذكرتها أو كماليات الساجا مع إن فى عربيات منها (غير الساجا بها كماليات أيضا)

    اقتباس المشاركة الأصلية كتبت بواسطة MohabSaeed مشاهدة المشاركة

    2- الجين 2 عملت اسم كويس جدا لبروتون فى مصر و انتشرت من غير ادنى انواع الدعايا .
    فالناس بقت تعرف ماركه بروتون و لما ينزل ليها موديل بسعر رخيص و امكانيات كويسه .. حيبقى حجم المجازفه بالنسبالهم اقل و حيقبلو عليها .. حتى ولو بشكل قليل فى الاول .
    اتفق معاك فى النقطه ديه على الرغم من ما يقال على الجين تو أيضا مما نعرفه جميعا وإلى الآن الجين تو عند بعض الناس لا يزالون مشككين فيها ثم يابشا اللى معا السعر القليل ده اللى هيشتري بيه الساجا أكيد لمه من هنا وهنا فعايز حاجه مضمونه وكما ايه اللى جعل الجين تتشر هم فئة الشباب للتصميم والكماليات فى الجين والثبات إلى آخره فكانت الجين تهدف فئه عمريه معينة وأنت فقدت هذه الميزه فى الساجا ولا ايه ؟ والساجا تستهدف فئه أخري من متوسطى الدخل سواء كانوا شباب سيدات أو رجال كبار


    اقتباس المشاركة الأصلية كتبت بواسطة MohabSaeed مشاهدة المشاركة
    3- توافر الساجا ب فتيس اوتوماتك .
    ( ديه اهم ميزه فى العربيه و الى حتخليها تنتشر ) ... اقرب عربيه سيدان فى السعر بفتيس اوتوماتك الفيرنا ب 75 الف ... فرق 6 الاف جنيه و مفهاش ايموبلايزر ولا ايرباج ولا جنط ولا باركنج سينسور .

    * ناس كتير عاوزه تجيب عربيه متوسطه فى رينج الستينات اوتوماتك .. مافيش غير الساجا ... حتى البيكانتو و ال i10 ب 70 و 72 الف و بكماليات اقل .
    *جزئيه الثبات ... معتقدش ان الساجا حتقرب من الجين و الواجا فى موضوع الثبات لانها مختلفه كليا و مطوره من شاسيه السافى + انها عاليه ... و ديه مش مشكله لانها اساسا معموله للمدينه " و ده واضح حتى على تصميم السقف فى الخلف عالى علاشان يوسع من مساحه الصالون " , فمحدش يتوقع من الساجا ثبات مشابه من قريب او بعيد للجين 2 ..او حتى مشابه للويرا .

    اه هو ده الكلام """ ( ديه اهم ميزه فى العربيه و الى حتخليها تنتشر ) "" ده بقا فى رأي هوه إللى ممكن يزعل الناس فيه لأن فى حدود معرفتى إن الاوتوماتيك فى السيارات الصغير فى أغلب الأحيان يسبب مشاكل كثير ( يمكن كلامى يكون فى نسبه من الخطأ ولكن هذا مما رأيته من خلال تجربتى مع السيارات ) وخصوصا إن لم يكن هناك توكيل فنى قوي يدعم هذه المييزه وما فيش شك أنها ميزه طبعا بس هتكلفك أد ايه فى اللى جاي يعنى هل سياره 1300 cc تتحمل مثل كل هذا المجهود ؟؟ ( سؤال استفساري وليس تهكمى )



    اقتباس المشاركة الأصلية كتبت بواسطة MohabSaeed مشاهدة المشاركة

    اجمالا هى تتباع علاشان" ميزه بروتون المهمه " السعر فى مقابل القيمه و علاشان الفتيس الاوتو .

    تحياتى ليك يا هندسه :) .. حقيقى اتشرفت بلقائك فى اخر مقابله , للاسف مجاتش فرصه نتكلم كتير بس تتعوض المره الجايه ان شاء الله .

    شكرا على الموضوع الجميل .


    باشا انا فعلا اللى بشكرك عشان شغلت دمغنا شويه فى الموضوع الجميل وردك الأجمل وروح الحوار الجامده ديه ومستنى تعليقات الأحلى والأجمل

    اقتباس المشاركة الأصلية كتبت بواسطة jisso82 مشاهدة المشاركة
    كلامك فيه شىء كبير من الصحة و أنا متفق معاك فى أغلبه و خصوصا النقطة رقم 9 لأن فعلا اللى شدنا لبرتون عموما هى الجين 2 و هى اللى سحبت بعد كده باقى الموديلات وراها بس بتوقع ده يكون للساجا برده إن ثقىة الناس فى الماركة فى حد ذاتها ابتدى يعلى و سعرها ابتدى يتماسك و على الرغم من إن الجين كانت صاحبة المبادرة إلا إنك لو شفت سعر الويرا دلوقتى عن زمان و الطلب عليها بقى إزاى أو انتشار الواجا اللى تعتبر أقل كتير فى الشكل من الجين هتعرف إتن الناس ابتدت تثق فى الاسم و فى الماركة أكتر من الشكل اللى كان دروره بس فى الأول إنه نقطة جذب أو Attraction Point
    جيسو شرفت المشاركة زي ما كنت بتكلم مع أخونا مهاب : ايه اللى جعل الجين تتشر هم فئة الشباب للتصميم والكماليات فى الجين والثبات إلى آخره فكانت الجين تهدف فئه عمريه معينة وأنت فقدت هذه الميزه فى الساجا ولا ايه ؟ والساجا تستهدف فئه أخري من متوسطى الدخل سواء كانوا شباب سيدات أو رجال كبار ومع جمال تصيم الواجا أيضا إلا ان فعلا الجين تو هيه اللى جذبت الانتباه نحو الواجا بدليل نزول البيرسونا لأن فى ناس عايزه شنطه .. طب ما تاخد الواجا وهى السياره العائليه الرسميه من بروتون لأ هوه عايز الجين بس بشنطه

    وتحياتى


    اقتباس المشاركة الأصلية كتبت بواسطة HaMeD_73 مشاهدة المشاركة
    ع فكره خامات لوجان محترمه جدا ونظفيه جدا بغض اللنظر عن سعرها مش علشان سعرها منخفض يبقى خامتها مش جيده ده نقطه حبيت ابينا لما ان استعملها

    ام الساجا فا متوقع لها انتشار جامد جدا ان شاء الله قربا لما قاله الاعضاء
    وشكرا
    واسف ع الاطاله
    باشا ولا إطاله ولا حاجه طول على كيفك احنا هنا عشان نطول ... انا معالك فى موضوع اللوجان ده لسبب أن اللوجان فى فرنسا ( وانا كنت هناك من ثلاث أسابيع ) مغرقه الدنيا بس تحت اسم الداتشيا لوجان وتحت كده مكتوب باي رينو فأكيد المستهلك الأوروبى تهمه الحجات ديه إلا إذا بقا همه بينزلولنا حاجه وهمه حاجه

    تحياتى


    اقتباس المشاركة الأصلية كتبت بواسطة eslam_wega مشاهدة المشاركة
    الى خالنى اتمسك اكتر واكتر واشترى الجين 2 التقارير الجامدة والاشعار الى كانت بتنزل فيها وما زلت الحمدلله
    عشان كدا العربية دى عايزة حاجة واحدة
    حد يشتريها ويعمل 3000 كليو وينزل تقارير محترم ومحايد
    فى انتظار التقارير كل اللى بنتكم زي ما قلت ده مخاوف وفضفضه وبعض التحاليل الفنيه من خلال رؤيه عامه للسوق احنا كمان لسه ما دخلناش فى التقيل ( الموتور والجير بوكس والتقفيل ... إلخ ) عشان لسه ما تجربتش

    تحياتى لكم كلم استمتعت معاكم


  3. #23

    الصورة الرمزية islamnabil

    رقم العضوية : 5253

    تاريخ التسجيل : 05Feb2008

    المشاركات : 941

    النوع : ذكر

    الاقامة : New Cairo

    السيارة: NA

    السيارة[2]: Proton WAJA

    دراجة بخارية: NA

    الحالة : islamnabil غير متواجد حالياً

    افتراضي -

    التوكيل حط نفسه في منافسه صعبة بالسعر اللي منزلها فيه
    تفتكروا لما تتحط في مقارنة مع اللوجان مثلا حيكون ايه الوضع
    متهيألي حيكون موقفها ضعيف للغاية

    <img src='http://www.nileup.com/uploads/images/domain-58a889af5a.jpg'>


  4. #24

    الصورة الرمزية MuhammedSoliman

    رقم العضوية : 29095

    تاريخ التسجيل : 03Jan2009

    المشاركات : 930

    النوع : ذكر

    الاقامة : حبيبتي اسكندرية

    السيارة: بفكرفى Gen 2 2011

    السيارة[2]: Gen2 2006

    الحالة : MuhammedSoliman غير متواجد حالياً

    افتراضي -

    اقتباس المشاركة الأصلية كتبت بواسطة islamnabil مشاهدة المشاركة
    التوكيل حط نفسه في منافسه صعبة بالسعر اللي منزلها فيه
    تفتكروا لما تتحط في مقارنة مع اللوجان مثلا حيكون ايه الوضع
    متهيألي حيكون موقفها ضعيف للغاية
    وهو مش شرط اللوجان بس في عربيات كتير ممكن تتنافس ما بينها وبين بعض بس اللوجان المرشحه اكثر لأنها قريب العهد بيها

    تحيات يا اسلام وفعلا التوكيل لو ما عملش اللازم هتقف جنب اخوتها الجريت وال فى التوكيل

    تحياتى


  5. #25

    الصورة الرمزية MohabSaeed

    رقم العضوية : 571

    تاريخ التسجيل : 10May2007

    المشاركات : 2,355

    النوع : ذكر

    الاقامة : Egypt

    السيارة: Fiat 131 Supermirafiori

    السيارة[2]: Proton Waja - 05 M/T

    دراجة بخارية: -

    الحالة : MohabSaeed غير متواجد حالياً

    افتراضي -

    اقتباس المشاركة الأصلية كتبت بواسطة MuhammedSoliman مشاهدة المشاركة

    مهاب باشا لاحظ إن أغلب السيارت التى ذكرتها 1500 cc ويمكن كلها واحنا هنا معا 1330 الساجا فلما يكون هناك ألف أو إثنين أكتر ده طبيعى بالإضافه إلى أن الكام ألف زياده اللى حضرتك ذكرتها بتشتري بيها برضوا الحجات الأتيه :
    1. سعر إعادة بيع
    2. سياره مجربه من قبل السوق المصري
    3. قطع غيار أكيد أرخص فى أغلب الماركات التى ذكرتها بحكم التواجد منذ فتره فى السوق المصري
    4. فرق سعه لتريه

    معاك ان الفيفا و الانوس و الافيو 1500 واللوجان و الفيرنا و الاسبرانز 1600 .

    بس كطاقه حصانيه موتور الكامبرو ال1300 الحقيقه ممتاز ... لانه بيولد 94 حصان و ده اكبر من الانوس 84 حصان و الافيو 86 حصان و اللوجان 87 حصان و الفيفا 92 حصان , و طبعا اقل من الفيرنا ال1,6 104 حصان و الاسبرانزا 118 وان كنت اشك فى صحة الرقم دة .
    نفس الموتور ده بالظبط بنفس السعه اللتريه نازل فى الجين2 ال1300 فى ماليزيا و مكانش فيه شكوى منه بالرغم من ان الجين اتقل فى الوزن ب 150 كيلو .


    متفق معاك فى النقط 1 ,2 و تحديدا فى النقطه رقم 3
    من اهم الحاجات الى بتهم المشترى فى الفئه ديه من السيارات ..... توافر قطع الغيار و اسعارها , و متهيالى ديه اهم عيوب العربيه لان بكل تأكيد عز العرب حيمارس سيارته الاستهباليه فى تسعير قطع الغيار الاصليه , و المشكله انها مش حتكون متوافره بالشكل المطلوب بره التوكيل عكس الانوس و الفيرنا الى ممكن تصلحهم و تجيبلهم قطع غيار من اى مكان فى مصر .

    فعلا ده اهم عيب فى الساجا ... او حتى ممكن اقول العيب الوحيد " قطع الغيار توافرها و اسعارها " .


    اقتباس المشاركة الأصلية كتبت بواسطة MuhammedSoliman مشاهدة المشاركة


    اه هو ده الكلام """ ( ديه اهم ميزه فى العربيه و الى حتخليها تنتشر ) "" ده بقا فى رأي هوه إللى ممكن يزعل الناس فيه لأن فى حدود معرفتى إن الاوتوماتيك فى السيارات الصغير فى أغلب الأحيان يسبب مشاكل كثير ( يمكن كلامى يكون فى نسبه من الخطأ ولكن هذا مما رأيته من خلال تجربتى مع السيارات ) وخصوصا إن لم يكن هناك توكيل فنى قوي يدعم هذه المييزه وما فيش شك أنها ميزه طبعا بس هتكلفك أد ايه فى اللى جاي يعنى هل سياره 1300 cc تتحمل مثل كل هذا المجهود ؟؟ ( سؤال استفساري وليس تهكمى )

    انا متهيألى ان الفتيس الاوتوماتك فى الساجا مش حيسبب مشكله لسببين :-

    1- الفتيس من انتاج ميتسوبيشى ... يعنى كاعتماديه مضمون و ديه حاجه تطمن .
    2- الفتيس متجرب فى الجين2 ال1300 و محدش اشتكى منه تماما كاعتماديه بالرغم من فرق الوزن مابين الجين2 و الساجا .

    .... كتير فى مصر نزل سيارات سيدان 1300 اوتو و انتشرت زى الانسر و الكورولا و الستى و اليارس ....و غيرهم طبعا على حساب الاداء لكن كاعتماديه مكانش فى شكوى .

    ....
    بينى و بينك يا باشمهندس ... لو ححط نفسى مكان حد بيفكر يشترى عربيه بحاجه و ستين الف ... ممكن افكر فى اللوجان او الفيرنا " بالرغم من كرهى للفيرنا " .
    بس فعلا مش حينفع اجيب عربيه بحاجه و ستين الف و اصلحها كانها عربيه ب 100,000 جنيه .

    نقطة الفصل هنا اننا نعرف اسعار قطع الغيار للساجا و مدى توافرها ... فوانيس .. اكصدامات .. رفارف .. تيل فرامل .. ازاز .............., الحاجات الاستهلاكيه و الحاجات المعرضه للكسر .

    الى ماسك الحمله التسويقيه للساجا لو عنده الحد الادنى من الذكاء المفروض ينزل اسعار قطع الغيار و تكون موازيه لللانوس و الفيرنا ... حتى ولو فى الاول بس و يعمل اعلان فى الجرايد باسعار بعض قطع الغيار علاشان الناس تتشجع و تقدم عليها .
    طبعا ديه الفكره الى محدش حيعملها ..............
    كالعاده

    شكرا ليك يا هندسه على كلامك الجميل و على الموضوع الرائع الى خلانا نرجع نتناقش فى حاجه مهمه .


  6. #26

    الصورة الرمزية ahmedfathy77

    رقم العضوية : 38004

    تاريخ التسجيل : 13Apr2009

    المشاركات : 527

    النوع : ذكر

    الاقامة : ELRE7AP (NEW CAIRO

    السيارة: لا يوجد

    السيارة[2]: Gen 2 2010 auto

    الحالة : ahmedfathy77 غير متواجد حالياً

    افتراضي -

    السلام عليكم ورحمة الله وبركاته

    طبعا الاخوة استفاضوا فى شرح الفروق بين العربيات اللى فى نفس الفئة السعرية واللترية اللى ممكن تنافسها الساجا بس انا ليا شوية ملاحظات :
    1- لو استخدم التوكيل نفس اسلوبه العقيم فى الدعاية عن الجين 2 والبيرسونا هتبقى افشل عربية فى مصر ليه
    - زى ما الدكتور محمد قال اللى بيلفت نظرنا للجين والبيرسونا هو شكلها والعربية مش وحشة بس مش مبهره زى الجين فالنقطه دى معطلة معاها .

    2- الناس اللى بتشترى فى فئة التسعين الف غير اللى بتشترى فى فى فئة الستين الف لان الفئة الاولى ممكن تشترى عربية مش معروفة اوى على سبيل المغامرة زى اللى اشتروا جين فى الاول على الرغم ان مكنش فيه اى حاجة معروفه عنها يعنى شاريها لمزاجه انما الفئة التانية مش فئة مزاجات خالص دى فئة العربية لازم تكون فيها عملية جدا وموفرة فى كل حاجة وقصة المزاج دى انساها .

    3- بروتون ملهاش قاعدة كويسة لمحلات بتبيع قطع غيارها فى مصر هى متركزة فى تلات اربع مدن كبيرة فى مصر مش عاوز اقول ان فى اماكن ومدن كتير جدا متعرفش بروتون اصلا صحيح العربية بدات تنتشر اليومين دول بس مش كفاية خالص لعربية المفروض تنتشر فى طبقات مختلفة وفى اماكن مختلفة.

    4- سعر قطع غيار العربية وانتشارها اعتقد ان ده هيكون كلمة السر ومفتاح انتشار العربية دى خاصة انى بثق فى عربيات بروتون جدا ومعتقدش انها هتكون عربية وحشة بس مش واثق ان قطع الغيار هتغرى الناس انها تشتريها

    5- الميكانيكية كلها فاهمه فى اللانوس دلوقتى بس طبعا نسبة مش كبيرة بتفهم فى بروتون انا بتكلم على عربية المفروض انها تتباع فى مصر كلها مش بتكلم عن القاهره والاسكندرية والمنصورة وخلاص.

    6- الدعاية الدعاية الدعاية ياما عربيات معفنة اتباعت فى مصر وهى متستاهلش وعربيات جامدة جدا واقفه محلك سر بسبب الدعاية .

    فى النهاية ياريت الجماعة بتوع التوكيل يفكروا كويس لو عاوزين ينجحوا العربية دى ويسالوا نفسهم سؤال لو انا واحد جاى يشترى عربية فى الفئة دى ايه اللى هيخلينى اسيب اللانوس اللى اثبتت كفاءة منقطعة النظير فى السوق لدرجة ان اعضاء موقع كونتاكت كارز اختاروها احسن عربية مستعملة فى السوق المصرى واللوجان واشترى الساجا لو عرفوا يحددوا الاسباب دى كىيس ويركزوا عليها فى حملة اعلانية محترمة ممكن ساعتها العربية تسمع بعد سنة مثلا

    مفيش حاجة مستحيلة المهم بذل الجهد المطلوب لنشر العربية


  7. #27

    الصورة الرمزية M.Osman

    رقم العضوية : 23065

    تاريخ التسجيل : 24Oct2008

    المشاركات : 6,831

    النوع : ذكر

    الاقامة : Egyptian highways

    السيارة: -------

    السيارة[2]: Hyundai Verna 2007

    الحالة : M.Osman غير متواجد حالياً

    افتراضي -

    بروتون اشتهرت في مصر بالشكل الرياضي الرائع (جين 2) + الثبات التحفة

    اي حد معاه بروتون(في نايل موتورز او خارجه) يقولك العربية عالطرق السريعة ماشاء الله مسمار في الأرض..

    طب هل الساجا هتحقق الثبات و الشكل الجذاب؟؟
    بصراحة من كلام حضراتكم عن إختلاف العفشة يبقى ممكن نقول لأ ... مع اني اتمنى لبروتون النجاح في السوق المصري

    بعيداً عن نقطة الثبات
    نتكلم في نقطة انها 1300 ..
    هل هتكون موفرة في البنزين؟؟

    اعتقد اي حد بيشتري 1300 او 1100 سي سي بيكون مهتم بموضوع استهلاك البنزين جداً و النقطة دي اللي خلت ناس تفضل البيكانتو و الـi10 على الفيرنا / لانوس / لوجان... مش كدا؟؟

    اعتقد نقاط نجاحها هتكون في الآتي: (زي ما بعض الاخوة قالوا)

    1-عربية سيدان
    2-اوتوماتك
    3-موفرة في البنزين
    4-سعرها اقل من 70 ألف

    عندي احساس ان العربية دي مش هتمشي مانيوال خالص.... يمكن عشان المنافسين الكتير ذو السمعة الأفضل في الفئة السعرية دي (لو بنتكلم مانيوال) - "لانوس-لوجان-فيرنا"

    بالتوفيق لبروتون و عقبال الـSatria NEO


  8. #28

    الصورة الرمزية MuhammedSoliman

    رقم العضوية : 29095

    تاريخ التسجيل : 03Jan2009

    المشاركات : 930

    النوع : ذكر

    الاقامة : حبيبتي اسكندرية

    السيارة: بفكرفى Gen 2 2011

    السيارة[2]: Gen2 2006

    الحالة : MuhammedSoliman غير متواجد حالياً

    افتراضي -

    والله الكلام والمناقشة مع الناس اللى بتفهم حلو نبتدى الكلام :

    اقتباس المشاركة الأصلية كتبت بواسطة MohabSaeed مشاهدة المشاركة
    معاك ان الفيفا و الانوس و الافيو 1500 واللوجان و الفيرنا و الاسبرانز 1600 .

    بس كطاقه حصانيه موتور الكامبرو ال1300 الحقيقه ممتاز ... لانه بيولد 94 حصان و ده اكبر من الانوس 84 حصان و الافيو 86 حصان و اللوجان 87 حصان و الفيفا 92 حصان , و طبعا اقل من الفيرنا ال1,6 104 حصان و الاسبرانزا 118 وان كنت اشك فى صحة الرقم دة .
    نفس الموتور ده بالظبط بنفس السعه اللتريه نازل فى الجين2 ال1300 فى ماليزيا و مكانش فيه شكوى منه بالرغم من ان الجين اتقل فى الوزن ب 150 كيلو .
    +1 فى المعلومات التقنيه والفنية اللى حضرتك قلتها بس تعالى بقا وقول لى كام واحد راكب فيرنا أو لانوس مثلا يعرف هيه كام حصان أصلا ؟؟ كلام اللى حضرتك بتقوله صح 100 فى الميه بس مع السوق عندنا ما ينفعش خالص همه يعرفه 1600 و 1300 للأسف وده اللى بعض الوكلاء بيعتمدوا عليه فى التسويق قليل جدا من اللى بشتروا بيسألوا على عدد الأحصنه أصلا .



    اقتباس المشاركة الأصلية كتبت بواسطة MohabSaeed مشاهدة المشاركة
    متفق معاك فى النقط 1 ,2 و تحديدا فى النقطه رقم 3
    من اهم الحاجات الى بتهم المشترى فى الفئه ديه من السيارات ..... توافر قطع الغيار و اسعارها , و متهيالى ديه اهم عيوب العربيه لان بكل تأكيد عز العرب حيمارس سيارته الاستهباليه فى تسعير قطع الغيار الاصليه , و المشكله انها مش حتكون متوافره بالشكل المطلوب بره التوكيل عكس الانوس و الفيرنا الى ممكن تصلحهم و تجيبلهم قطع غيار من اى مكان فى مصر .

    فعلا ده اهم عيب فى الساجا ... او حتى ممكن اقول العيب الوحيد " قطع الغيار توافرها و اسعارها " .
    حلوه سياسته الاستهباليه ديه متفقين فى ديه


    اقتباس المشاركة الأصلية كتبت بواسطة MohabSaeed مشاهدة المشاركة
    اقتباس المشاركة الأصلية كتبت بواسطة MohabSaeed مشاهدة المشاركة
    انا متهيألى ان الفتيس الاوتوماتك فى الساجا مش حيسبب مشكله لسببين :-
    1- الفتيس من انتاج ميتسوبيشى ... يعنى كاعتماديه مضمون و ديه حاجه تطمن .
    2- الفتيس متجرب فى الجين2 ال1300 و محدش اشتكى منه تماما كاعتماديه بالرغم من فرق الوزن مابين الجين2 و الساجا .
    متفق معاك فى الحته ديه وياريت ما نسمعش شكوى منه بس ملحوظه التكنولوجيا اللى فى الفتيس ده قديمة مش جديد يعنى كده زي ما تقول البواقي بتعتهم إن لم يخونى التعبير مش معنى كده انها وحشه لأ قديمه شويه .

    اقتباس المشاركة الأصلية كتبت بواسطة MohabSaeed مشاهدة المشاركة
    .... كتير فى مصر نزل سيارات سيدان 1300 اوتو و انتشرت زى الانسر و الكورولا و الستى و اليارس ....و غيرهم طبعا على حساب الاداء لكن كاعتماديه مكانش فى شكوى .
    +1

    اقتباس المشاركة الأصلية كتبت بواسطة MohabSaeed مشاهدة المشاركة
    اقتباس المشاركة الأصلية كتبت بواسطة MohabSaeed مشاهدة المشاركة
    .... بينى و بينك يا باشمهندس ... لو ححط نفسى مكان حد بيفكر يشترى عربيه بحاجه و ستين الف ... ممكن افكر فى اللوجان او الفيرنا " بالرغم من كرهى للفيرنا " .
    بس فعلا مش حينفع اجيب عربيه بحاجه و ستين الف و اصلحها كانها عربيه ب 100,000 جنيه
    هوه ده اللى بتكلم عليه شوف على الرغم من فهمك للموضوع بس خايف هوه ده المحرك الأساسى للسوق المصري ((( خليك فى اللى تعرفه أحسن من اللى ما تعرفوش ))) فلازم التوكيل يكسر الحته ديه لأن فى عربيات مش حلوه وتوكيلها إلى عملها حس

    اقتباس المشاركة الأصلية كتبت بواسطة MohabSaeed مشاهدة المشاركة
    اقتباس المشاركة الأصلية كتبت بواسطة MohabSaeed مشاهدة المشاركة
    نقطة الفصل هنا اننا نعرف اسعار قطع الغيار للساجا و مدى توافرها ... فوانيس .. اكصدامات .. رفارف .. تيل فرامل .. ازاز .............., الحاجات الاستهلاكيه و الحاجات المعرضه للكسر .

    +1 بس نقدر نستنتج عن طريق تعاملنا مع الجين والواجا والويرا ولا ايه ؟؟


    اقتباس المشاركة الأصلية كتبت بواسطة MohabSaeed مشاهدة المشاركة
    الى ماسك الحمله التسويقيه للساجا لو عنده الحد الادنى من الذكاء المفروض ينزل اسعار قطع الغيار و تكون موازيه لللانوس و الفيرنا ... حتى ولو فى الاول بس و يعمل اعلان فى الجرايد باسعار بعض قطع الغيار علاشان الناس تتشجع و تقدم عليها .
    طبعا ديه الفكره الى محدش حيعملها ..............كالعاده

    شكرا ليك يا هندسه على كلامك الجميل و على الموضوع الرائع الى خلانا نرجع نتناقش فى حاجه مهمه .
    كان فلح فى تسويق الواجا والويرا والجين همه اللى كانوا بيبيعوا نفسهم والبدايه حفل تدشين عربية فى مول طب اسموا كلام وتقول تسويق ؟؟


    عزيزي مهاب بجد استمتعت معاك بالمناقشة التى ارجو ان تكون مفيده ويا ريت حد من التسويق يشفها لأن احنا بنعبر عن فئه من السوق المصري لأن فعلا يهمنى ان الساجا تنتشر وبروتون تعلى ده فى مصلحتنا



    وتحياتى


  9. #29

    الصورة الرمزية MuhammedSoliman

    رقم العضوية : 29095

    تاريخ التسجيل : 03Jan2009

    المشاركات : 930

    النوع : ذكر

    الاقامة : حبيبتي اسكندرية

    السيارة: بفكرفى Gen 2 2011

    السيارة[2]: Gen2 2006

    الحالة : MuhammedSoliman غير متواجد حالياً

    افتراضي -

    اقتباس المشاركة الأصلية كتبت بواسطة ahmedfathy77 مشاهدة المشاركة
    السلام عليكم ورحمة الله وبركاته

    طبعا الاخوة استفاضوا فى شرح الفروق بين العربيات اللى فى نفس الفئة السعرية واللترية اللى ممكن تنافسها الساجا بس انا ليا شوية ملاحظات :
    1- لو استخدم التوكيل نفس اسلوبه العقيم فى الدعاية عن الجين 2 والبيرسونا هتبقى افشل عربية فى مصر ليه
    - زى ما الدكتور محمد قال اللى بيلفت نظرنا للجين والبيرسونا هو شكلها والعربية مش وحشة بس مش مبهره زى الجين فالنقطه دى معطلة معاها .

    2- الناس اللى بتشترى فى فئة التسعين الف غير اللى بتشترى فى فى فئة الستين الف لان الفئة الاولى ممكن تشترى عربية مش معروفة اوى على سبيل المغامرة زى اللى اشتروا جين فى الاول على الرغم ان مكنش فيه اى حاجة معروفه عنها يعنى شاريها لمزاجه انما الفئة التانية مش فئة مزاجات خالص دى فئة العربية لازم تكون فيها عملية جدا وموفرة فى كل حاجة وقصة المزاج دى انساها .

    3- بروتون ملهاش قاعدة كويسة لمحلات بتبيع قطع غيارها فى مصر هى متركزة فى تلات اربع مدن كبيرة فى مصر مش عاوز اقول ان فى اماكن ومدن كتير جدا متعرفش بروتون اصلا صحيح العربية بدات تنتشر اليومين دول بس مش كفاية خالص لعربية المفروض تنتشر فى طبقات مختلفة وفى اماكن مختلفة.

    4- سعر قطع غيار العربية وانتشارها اعتقد ان ده هيكون كلمة السر ومفتاح انتشار العربية دى خاصة انى بثق فى عربيات بروتون جدا ومعتقدش انها هتكون عربية وحشة بس مش واثق ان قطع الغيار هتغرى الناس انها تشتريها

    5- الميكانيكية كلها فاهمه فى اللانوس دلوقتى بس طبعا نسبة مش كبيرة بتفهم فى بروتون انا بتكلم على عربية المفروض انها تتباع فى مصر كلها مش بتكلم عن القاهره والاسكندرية والمنصورة وخلاص.

    6- الدعاية الدعاية الدعاية ياما عربيات معفنة اتباعت فى مصر وهى متستاهلش وعربيات جامدة جدا واقفه محلك سر بسبب الدعاية .

    فى النهاية ياريت الجماعة بتوع التوكيل يفكروا كويس لو عاوزين ينجحوا العربية دى ويسالوا نفسهم سؤال لو انا واحد جاى يشترى عربية فى الفئة دى ايه اللى هيخلينى اسيب اللانوس اللى اثبتت كفاءة منقطعة النظير فى السوق لدرجة ان اعضاء موقع كونتاكت كارز اختاروها احسن عربية مستعملة فى السوق المصرى واللوجان واشترى الساجا لو عرفوا يحددوا الاسباب دى كىيس ويركزوا عليها فى حملة اعلانية محترمة ممكن ساعتها العربية تسمع بعد سنة مثلا

    مفيش حاجة مستحيلة المهم بذل الجهد المطلوب لنشر العربية
    كلام عين العقل والله يا ابوحميد ومنطقى وجمييييييييييييييل جدا انا معاك فيه واشكر على تشريفك الموضوع بهذه المداخله القيمة وخليك معانا فى النقاش الجاي ان شاء الله

    تحياتى


  10. #30

    الصورة الرمزية MuhammedSoliman

    رقم العضوية : 29095

    تاريخ التسجيل : 03Jan2009

    المشاركات : 930

    النوع : ذكر

    الاقامة : حبيبتي اسكندرية

    السيارة: بفكرفى Gen 2 2011

    السيارة[2]: Gen2 2006

    الحالة : MuhammedSoliman غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة successcre8or مشاهدة المشاركة
    بروتون اشتهرت في مصر بالشكل الرياضي الرائع (جين 2) + الثبات التحفة

    اي حد معاه بروتون(في نايل موتورز او خارجه) يقولك العربية عالطرق السريعة ماشاء الله مسمار في الأرض..

    طب هل الساجا هتحقق الثبات و الشكل الجذاب؟؟
    بصراحة من كلام حضراتكم عن إختلاف العفشة يبقى ممكن نقول لأ ... مع اني اتمنى لبروتون النجاح في السوق المصري

    بعيداً عن نقطة الثبات
    نتكلم في نقطة انها 1300 ..
    هل هتكون موفرة في البنزين؟؟

    اعتقد اي حد بيشتري 1300 او 1100 سي سي بيكون مهتم بموضوع استهلاك البنزين جداً و النقطة دي اللي خلت ناس تفضل البيكانتو و الـi10 على الفيرنا / لانوس / لوجان... مش كدا؟؟

    اعتقد نقاط نجاحها هتكون في الآتي: (زي ما بعض الاخوة قالوا)

    1-عربية سيدان
    2-اوتوماتك
    3-موفرة في البنزين
    4-سعرها اقل من 70 ألف

    عندي احساس ان العربية دي مش هتمشي مانيوال خالص.... يمكن عشان المنافسين الكتير ذو السمعة الأفضل في الفئة السعرية دي (لو بنتكلم مانيوال) - "لانوس-لوجان-فيرنا"

    بالتوفيق لبروتون و عقبال الـsatria neo

    أسئله فعلا محتاجه لرد فعلا وزى ما بيقولوا يا خبر النهارد بفلوس اشكر على رد الحلو ده طرحك لأسئله مهمه محتاجين اجابات لها !!!! فالأسئله بدايه النجاح

    تحياتى



 
صفحة 3 من 6 الأولىالأولى 1 2 3 4 5 6 الأخيرةالأخيرة

المواضيع المتشابهه

  1. تغيرات البونتو في الموديل الجديد
    بواسطة r0yalhorse في المنتدى فــــيات
    مشاركات: 12
    آخر مشاركة: 12-07-2009, 01:17 AM
  2. 128 الموديل الجديد 2008
    بواسطة hesham2h في المنتدى فــــيات
    مشاركات: 35
    آخر مشاركة: 11-11-2008, 11:56 PM
  3. استفسار عن صيانة ال10000 في الموديل الجديد
    بواسطة adelmagdy في المنتدى ســوبارو
    مشاركات: 13
    آخر مشاركة: 30-08-2008, 01:04 AM
  4. حد شاف الجين 2 الموديل الجديد؟؟؟
    بواسطة 3mr Farrag في المنتدى بــروتـــون
    مشاركات: 6
    آخر مشاركة: 21-09-2007, 10:16 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2