الموضوع: فضفضه ومخاوف (الساجا الموديل الجديد من بروتون)

اوافقك الرأي يامصطفى في موضوع ان خاماتها الداخليها جيده جدا بل انها احسن من البيرسونا مش عارف الناس ليه بتتكلم عن جهل وبدون علم انا شفتها على الطبيعه بروتون تحسنت كثيرا مع الساجا

المشاركة الأصلية كتبت بواسطة مصطفى_صديق

دكتور.......أخبارك ايه

أنا شفت الساجا النهارده فى معرض السابع وأنا مش هاوصف السيارة لأن معظم الناس شافو الصورلكن ليا بعض الملاحظات تعقيبا على موضوعك الجميل ده

أولا
العربية فى الحقيقة شكلها أحلى كتير من الصور.....وده شئ غريب المفروض يبقى العكس زى باقى السيارات

ثانيا

التقفيل والخامات من جوة كويس مش وحش زى مالناس بتتكلم لدرجة انى قلت بينى وبن نفسى....ليه الناس بتقول كده

ثالثا

تصميم التابلوه والعربية عموما مش ثورى زى الجين والواجا ..لكن أنا متأكد انه هيناسب ناس كتير مش بتهتم كتير أوى بالشكل وبحداثة التصميم

رابعا

أنا مجربتهاش طبعا ومستعملتهاش ، فموضوع الاعتمادية والكفائة ده الايام هى اللى هاتحكم عليه ، لكن.....مما سبق من اخواتها الويرا والواجا والجين تو ، فهى مش هاتختلف على ما أعتقد

خامسا.....واخيرا

بخصوص التوكيل ومدى اهتمامه بتسويق السيارة ، أنا موافق على كلامك ، وهو يستطيع انه يجعل منها سيارة شعبية وينقل نفسه معهاها لمستوى أخر من الانتشار أو يجعلها محدودة الانتشار زى اخواتها

وفى النهاية ، تقبل تحياتى وشكرى على الفضفضة والمخاوف الجميلة دى

حبيبى أخبارك ايه انت ؟ أنا الحمد لله على كل شي

والله أنا سعيد بالكلام ده ان خاماتها كويسه وشكلها أحسن من الصور أنا محتاج فعلا إن أشوفها على الحقيقة بالتفصيل وبخصوص التسويق ... ياريت يهتموا بيه شويه أديك شايف فى ناس ما تعرفش أصلا إنها موجوده لقلة الدعايه اللازمه فى اعتقدي يعنى لو قارن بين الدعايه اللى اتعملت لليارس أول ما نزلت مثلا كان بعد أسبوع الناس عارفه كلها أن تويوتا نزلت اليارس وعلى العموم ربنا يوفق والعربية تتنتشر

خالص تحياتى