الموضوع: هام جداً: الوصف التفصيلي لحقيقة ما جرى في السودان: شهادة صحفية شجاعة

حضرتك بتقوق
<< اما كلامك عن الرئيس مبارك والسيد علاء مبارك فمرفوض تماما
ننتقد نظام الحكم في الداخل اه
لكن نسمح لحد في الخارج يقرب منهم لا ومليون لا
عارف ليه؟
لانهم رمز لبلدي واللى بيشتم علاء مبارك في الشروق وغيرها من الجرايد الزبالة مش بيشتمه علشان هو مواطن مصري لا علشان هو ابن الرئيس وانا لا اسمح لمخلوق ان يهين ابن رئيس بلدي لمجرد الهجم على بلدي
وبعدين ماله علاء مبارك ؟؟؟؟؟؟؟؟؟
هات فضيحة واحدة الصقت بيه ؟
الراجل قال اللي اي مواطن مصري بيحب بلده كان ممكن يقوله ولو واحد مننا قال كلامه قلنا هنصقف له يعني من اي حد مقبولة انما من علاء مبارك يبقي بقين حمضانين ؟
متهيالي عيب>>

اولا بس لابراء الذمة انا ضد كل حد يهين مواطن مصري وبالتالي ضد اهانة حتى علاء مبارك بطبيعة الحال
انما يعني موضوع ان صفحنة بيضاء ناصعة فدا فيه كلام اساسا يا عزيزي اذا كنت تدخل مكان تعرف فيه حد او تعرف حد يعرف حد عارف حد .... الي سبعين تمانين حد كدا بياخد امتيازات وبلاوي متلتله شوف بقى انت لو ابن الريس خصوصا لما يكون القانون بيتنفذ على ناس وناس في الغالب فيما عد بعض الحالات الشاذه ولو احنا دولة قانون 100% ولا حتى 50% كنا بقينا زي فرنسا اليومين دول كان طالع في دماغهم بيحاسبوا شيراك بتهم من عشرين سنة يعني في بيئة زي اللي احنا فيها هنا تقولي يا عزيزي الكريم مسمعتش حاجة عنو امال الاستثمارات اللي بيشارك فيها الناس دي وعايزين يخلوا الحكم ملكي بس طالما مش بيستفيدوا وهما بيتعبوا وبيجوا على صحتهم امال جمال اللي هو اخو عايز يبقى ريس علينا ليه ولا دا تكليف مش تشريف والكلام دا
عموما انا مش عايز اخرج عن الموضوع كتير بس لما ييجي حد من اللي ماسكين البلد بقانون الطواري وتعديلات تمس حتى حقك انت كمواطن وتسمح لظابط شرطة يفتش ويعمل اللي هو عايزو قانونا بدون مذكرة (ولو ان دا مكانتش بيتنفذ اصلا انما اهو قننوه) وغير سمحاهم بهروب ممدوح اسماعيل بتاع العبارة (وهو نائب مجلس شعب عن دايرة الريس) اللي مات فيها اكتر من الف غريق كمثال بس في حين تتعمل محاكم عسكرية عادي جدا لناس تانية عشان خلاف سياسي (للعلم انا مش اخوان ولا ليا دعوة بيهم ولو انها مش تهمه يعني بس دا تقرير وضع) ولا نواب القروض ومحروقين الصعيد وقتلي الدويقة ,و,و,و,, وييجي يتصيت على حس مشاكل زي دي واحنا نصدقو يبقى اسمحلي تاني هو دا يبقى العيب وهو فيه حداية بترمي كتاكيت الا لو كانت الكتاكيت دي لو كلوها هتجبلهم تسمم فيدوهالنا نتشغل بيها ويجلنا احنا التسمم
عموما نقف برغم كل الاختلاف دا مع القيادة السياسية في الموقف دا لما يكونوا على حق ومن غير افوره وفي اطار المنطق والعقل ونطالب ونصعد الموقف ضد امتهان كرامة اي مصري من دلوقتي في اي حته واي مكان بس واحنا واقفين وراهم ميمنعش نحاول نفهم اسباب كل واحد وهدفه ... دا كل اللي بحاول الفت النظر ليه فقط وارجو يكون كلامي وصل بشكل صحيح
وربنا يستر عليا بقى

نتكلم بقى في الصيد في المية العكرة
واعترف تماما اني في ناس بتعملوا بحسن نيه وبيكون نابع من انتمائهم ووطنيتهم بس بردو فيه ناس اهدافهم مختلفة بردو
مثال يقولك انا مش عربي انا مصري طب ايه الموضوع يا حج يقولك الجزائريين طب بفرض اني كلهم 30 مليون باين سيئيين للغاية طب مهو فيه يمنيين وسودانيين تلكوما يقولك هو كدا احنا مش عرب وكاننا بنختار هويتنا وثقافتنا من تاني بعد سنين وخلاص نصحي اجدادنا واجداد اجدادنا ونقولهم الاكتشاف العظيم دا ، وبلاش نتعلم عربي بعد كدا ونتعلم انجلش وبلاش قرآن مثلا لاني تعريف العربي اصلا اصلا هو اللي بيتكلم عربي لانها العربية مش جنس
يعني كمان قياسا على ذلك لو بلد مش عربية وبلد مسلمة حصل فيها حاجة ولو بسيطة ممكن يتقال انا مش مسلم وبالمرة نلغي المادة التانية اياها عشان نرتاح بقى وكان دا اللي جابنا ورا بس والنظام السياسي دا ملوش دعوة بتقدم الامم يا راجل اذا كانت فرنسا بتحارب عشان تنشر اللغة الفرنسية نقوم احنا ننسف تاريخنا وثقافتنا بمنتهى البساطة كدا ندبح كل حاجة كدا

ولو حد من اسكندرية بقى ضرب حد من القاهرة ممكن اقولك الاسكندرانية كلهم سيئيين وحاقدين وانا لست مصريا انا قاهريا ولو حد من حلوان تحرش بحد التجمع الخامس من بعديها انا لست مصريا ولست قاهريا انا تجمعا خامسيا

يعني دا كان للايضاح وياريت يكون كلامي وصل وبكرر فيه ناس بتعمل كدا حماس منها وغيرة على بلدها وانا كمان غيور على بلدي وعلى كرامة كل مصري بما فيهم عم محروس البواب بردو لانو مش اقل من اي حد انما محدش ياخدنا على الحامي كدا في طريق تاني احنا مش عايزين نمشي فيه