مشكله في فرامل الادا 2107 موديل 94

المشكله بتحصل لما اجي اضغط علي دواسة الفرامل بسمع اصوات تشبه اصوات جر السلاسل كده :D
مش عارف هتفهمو وصفي العجيب ده و لا لأ و الصوت ده بيبفي في العجل الي ورا فقلت اتأكد ده تيل و لا لأ فا رفعت الهاند بريك و انا ماشي بس معملتش الصوت ده صفرت باين بس :-)
المشكله التانيه و هي اني لو دوست فجأه فرامل جامد اوي (في موقف طارئ او حاجه ) و بعدين لما اجي امشي تاني بحس العربيه مكلبشه في الارض شويه و دواسة الفرامل بتعلي عن وضعها الاصلي و بتبقي ناشفه بس لما بعد ادوس عليها جامد تاني بترجع لوضعها الاصلي و بتروح كلبشة العربيه الي في الارض
علما بأن المشكله ديه (مشكلة الصوت) بقلها يمكن 4 شهور بس انا منفض الصراحه لكن المشكله التانيه بقلها كتيييير اوي يمكن اكتر من سنه و ودتها ابل كده للميكانيكي و فضالي الزيت و حط جديد و طلع الهوا و كل حاجه و اعدت يومين كويسه و رجع الصوت تاني
اه برضه معلش كنت عايز اسأل اصحاب الادا هي الفرامل مشوارها المفروض يبقي طويل اوي ؟؟ اصل انا عندي مشورها طويل اوي يعني ممكت تدوس نص الدواسه تقريبا فاضيه و بعدين تبتدي تلاقي الفرامل
ارجو الرد علي استفساراتي و اسف علي التطويل
:-)

خللي الميكانيكي يحل طنابير ورا و يشوف ان كان فية سستة من السست اللي ماسكه قباقيب التيل الوراني مفكوكة او واقعة جوة الطنبورة و بتسبب احتاكها بين التيل و الطنبورة مع دوسة الفرامل, او ربما يكون فردة تيل مفكوكة من جوة برضة

و متتأخرش في الموضوع دة بدل مالطنابير تتلف وتتجرح جامد بسببها

شكرا علي ردك يا استاذ ادهم

حاول تشوف ماستر الفرامل ممكن يكون الجلد ناشف او عمره انتهى لأن الدواسة بتعلى وتوطى وموضوع السسته الى قال عليها الأستاذ ادهم فعلا موضوع شائع وبيحصل كتير فحاول تخلى ميكانيكى كويس يشوفه

شكرا يا احمد علي نصيحتك
ما تعرفش ميكانيكي كويس بيفهم في الفرامل حلو بحيث اوديله العربيه و يعملي موضوع السوسته الي ممكن تكون واقعه ديه و يبصلي علي الماستر زز يعني من الاخر اوديلو العربيه يظبطلي كل حاجه في الفرامل و ابقي مطمن

انت ساكن فين يمكن اعرف حد كويس قريب من بيتك او شغلك

- إكشف على التيل لو محتاج يتغير غيره
- إكشف على الطنابير لو مموجة إخرطها على فلانشة في المخرطة أو هات جديد
- إكشف على الأربع مساتر والماستر الرئيسي لو في واحد فيهم وحش أو مهرب غيره بجديد
- خد الهوا من المساتر كلها
- راجع رجلاش فرامل اليد
- تأكد من سلامة السرفو
- ياريت الكلام ده تعمله عند ميكانيكي كويس وبلاش متخصصين الفرامل عشان أغلبهم نصابين

انا من الشرقية فمش هقدر اوصفلك ميكانيكى بس ممكن حد من الأخوة يفيدك

اقتباس:

---

انت ساكن فين يمكن اعرف حد كويس قريب من بيتك او شغلك

---

انا ساكن في مدينة نصر و الكليه بتعتي في عين شمس (هندسة المطريه)

اقتباس:

---

- إكشف على التيل لو محتاج يتغير غيره
- إكشف على الطنابير لو مموجة إخرطها على فلانشة في المخرطة أو هات جديد
- إكشف على الأربع مساتر والماستر الرئيسي لو في واحد فيهم وحش أو مهرب غيره بجديد
- خد الهوا من المساتر كلها
- راجع رجلاش فرامل اليد
- تأكد من سلامة السرفو
- ياريت الكلام ده تعمله عند ميكانيكي كويس وبلاش متخصصين الفرامل عشان أغلبهم نصابين

---

شكلراااا يا باشا علي نصيحك و همل كده انشاء الله

اقتباس:

---

انا من الشرقية فمش هقدر اوصفلك ميكانيكى بس ممكن حد من الأخوة يفيدك

---

ولا يهمك يا باشا و شكرا علي اهتمامك :-)