سمعت ان اللوجان ال 7 راكب فرنساوى فهل ده صحيح من احد المعارض
الحاجه التانيه هل الاتوماتيك بتاعها كويس وعملى مع ال7 راكب والتحميل
كمان سمعت ان الكيا كارينز ممكن فى التوكيل وضع 2 كرسى بالشنطه لتتحول الى 7 راكب وبكدا تبقى افضل من اللوجان والفرق فى السعر حوالى 10000 جنيه بس بين الكارينز الاتوماتيك واللوجان الاتوماتيك ايه رايكم
مش تقفيل فرنساوى ولا كان هيكون عليها جمارك وسعرها هيزيد عن كده ومعنديش فكرة عن الكارينز
قطع السيارة فرنساوى تجميع رومانى
العربية كويسة جدا وكل ملاكها مبسوطين منها
ومفيش حد اشتكى من الاوتو بتاعها ومعنديش فكرة عن الكارينز
ال MCV رومانى
الموتور إللى راكب عليه فتيس أوتوماتيك هو بتاعا لميجان I ال 16 صباب مش ال 8 زى إللى فى اللوجان سيدان..أفتكر إنه 110 حصان أو 100 مش فاكر
أفتكر كمان إن اللوجان مافيش عليها سحب كبير زى الكارينز...يعنى الاستلام أسهل و أسرع من الكارينز
ما تعمل Test Drive لل MCV و بعدين تقرر هى و لا الكارينز علشان تكون مقتنع بإللى يناسبك أكتر
اللوجان MCV مصنوعة في مصانع شركة داتشيا الرومانية بتنولوجيا و خبرة رينو فرنسا و تقريبا الموتور و الفتيس من رينو اما البودي و باقي اجزاء العربية مصنعة في رومانيا و الله اعلم
انا معايا اللوجان mcv
بصراحة و بدون مبالغة عربية 7 راكب بمعني الكلمة من وسع داخلي للثلاث كنبات و مرتفعة عن الأرض لا بتحك في مطب حتي مع اقصي تحميل و الكلام دا عن تجارب عنيفة و العربية اثبتت كفاءة عالية جدا فيها
تيجي للموتور و العفشة
العربية موتورها مناسب جدا ليها انا لما بكون لوحدي في العربية بعمل بيها اللي ما يتعملش عالطريق من شد و جري
الموتور منسب جدا و عزمة كويس مع كامل الحمولة و مع التكييف كمان
العفشة حدث و لا حرج اتزان و ثبات جيد جدا و مناسبة جدا لطرقنا الجميييييييييييلة
عربية مريحة جدا جدا
طبعا قطع الغيار اسعارها المعلنة حتي الآن كويسة جدا و مش زي ما الناس كانت متوقعة من عربية تنتمي لرينو
بالنسبة للأوتوماتيك بتاعها فأنا بصراحة مجربتوش عشان احكم عليه لكن المانوال انا ابصم له بالعشرة
اما مقارنة بالكارينز بصراحة انا اللي عرفته لما سألت في توكيل كيا اللي هو نفس توكيل رينو عن امكانية تركيب كراسي للكارينز عشان تبقي 7 راكب قالولي ما ينفعش في العربية لأنها مش واسعة للدرجة دي
بصراحة عشان ما افتيش انا مقدرش احكم علي الكارينز
لكن اللي اقدر اقوله لك ان انا مبسوط من عربيتي جدا و الحمدلله عليها و شايف انها انسب عربية في مصر في فئتها السعرية
عموما انت حاول تجرب الإتنين و احكم بنفسك
و ربنا يوفقك
أنصحك بالmcv عن تجربة وهي تصميمها أساسا 7 راكب مرتاحين مش لازم تحشر لها كرسي ماكانش معمول حسابه زي الكارينز والأوتوماتيك بتاع ال mcv رائع جدا
السلام عليكم ورحمة الله وبركاته
أخي الحبيب انا شفت صور اللوجان السبعة راكب على النت من الداخل والخارج
هي حسب ظني إنها واسعة جدا من الداخل وتشيل سبعة ركاب كبار وطوال
وكمان ممكن تستفيد منها في إستخدامات أخرى لو شيلت أو نزلت الكراسي الخلفية والوسطى
يعني تستخدمها في نقل أساسك في أغراض التوزيع والبضاعة وممكن تشيل ركاب أكتر من سبعة بس مزنوقين شوية
أنا شفت الكارينز في الإمارات في التوكيل
هي نازلة هناك ألفين سي سي وإن كانوا في التوكيل قالولي اللي في مصر ألف وستمائة لكن نفس البودي والشاسيه
بس في مصر مش منزلينها سبعة راكب علشان يعملوا درجة تانية للسبعة راكب وبسعر تاني
أما الكارينز السبعة راكب اللي شفتها في الإمارات فهي بدون مبالغة تحفة
أجمل عربية سبعة راكب شفتها في حياتي - طبعا غير العربيات الفارهة من المرسيدس واللاند كروزر دول حاجة تانية
لكن الكارينز السبعة راكب أوسع من البيجو 307 وبيجو 308 الاستاشن وأوسع من أي عربية تاني إلا اللوجان السبعة راكب
لكن ميزتها عن اللوجان إنها من الخارج والداخل شكلها أشيك بكتير وما تحسش إنها إستاشن بالعكس تحس إنها صالون عادي ولما تفتحها من الداخل تفاجأ بالوسع وبعدد الكراسي
بإختصار أعتقد إنه :
1- الكارينز أشيك وأبسط وأحلى من الداخل والخارج
2- الكارينز الكرسي الأمامي ما فيش فاصل بين كرسي السائق وكرسي الراكب اليمين لأن الفتيش قدام زي الميكروباص وده مدي وسع جامد
3- الكارينز ممكن ترجع الكراسي الأمامية فتعمل سرير مناسب للنوم في الرحلات الطويله أما في اللوجان فممكن تعمل سرير بطي الكراسي الخلفية
4- الكارينز موتور أقوى واستهلاك متساوي تقريبا
5- الرينو سعر أقل
6- ركاب الصف الثالث في الرينو أحجام كبيره أما في الكارينز فالصف الثالث مناسب للأطفال وللأحجام الصغيره فقط
7- الكارينز بها رفاهيات وكماليات أكثر وراحة الركاب أكثر وده طبعا متوقف على الوكيل
8- سعر إعادة البيع للكارينز نسبيا أعلى بكثير من اللوجان
9- الكاريزنو أكثر ثباتا في السرعات العالية
10- اللوجان مرتفعة أكثر من أسفل وأعلى في الإرتفاع الكلي وأفضل للمطبات
عفوا للإطالة وعذرا لو كان تقييمي خطأ
كلام جميييييييييييييل و مقارنة انا شايفها محايده تمامااقتباس:
المشاركة الأصلية كتبت بواسطة yousef1978
بس لا ننسي ان نقاط التميز لصالح الكارينز يقابلها زيادة في سعر العربية عن اللوجان
يعني مثلا الرينو mcv اللي معايا 1600 سي سي 105 حصان نص كماليات (باور - سنتر لوك - تكييف ) عامله 92 الف جنيه
اما الكارينز هتلاقيها تزيد بتاع 15 الف جنيه بعد ما تركب كنبة تالته
استفسار هي العربية رينو 110 حصان ولا 90 حصان
ياريت الموضوع يتنقل المقارنات افضل
الرينو mcv اللي هيه 7 راكب 110 حصان . اما اللوجان سيدان 90 حصان .اقتباس:
المشاركة الأصلية كتبت بواسطة mohamed2710
انا من ملاك اللوجان
كارينز وانت مغمض
حد يلاقي دلع وميدلعش
عن تجربه قياده:B4_048:
http://www.laro7ak.com/uploads/carens1.JPG
لوجان 7 راكب والا افانزا والا كارينز افيدونى - مصر موتورز - موقع سيارات مصرى
شكر للاهتمامكاقتباس:
المشاركة الأصلية كتبت بواسطة frhateg