الموضوع: الى محمود موترايزر ...رجاء أخرج عن صمتك ...!!!!

محمود الف حمد لله عالسلامة يا معلم

بس ازاي بتقول كدا.... و ازاي في مبالغة من الاعلام؟

انا زرت الجزائر كتيير من قبل و خلاصة الكلام ان فيه جزء من الناس دى بتعامل المصرى انه ممن يبيعها فى لحظه و ممكن يضحك عليها زى ما بييجى فى الافلام (دى الناس البسطاء) و جزء تانى و هم المثقفون يشعرون ان المصرى انسان فوضوى و عالم ثالث و هذا اتقال لى عدة مرات منهم بدون ابداء اسباب , و جزء ثالث (الناس الكبيره العاقله) يعتبرونا احفاد جمال عبد الناصر و احترامات فوق الوصف .. اما اخطر الموجودين الشباب فهو يغالى فى كل شيئ , فى الدين , فى الرياضه , فى الفرح , فى الحزن , فى الحياه فى الغربه , ممكن نقل عليهم صناع مشاكل أو ابراهيم سعيد .. حاجه زى كده فهم تركيبه غريبه بعض الشيئ نظرا للإختلافات الكثيره بهم و لا انسى عندما وجدنا واحد منهم يعمل بميناء الجزائر كعامل تفريغ للشحنه و كنت اعمل على سفينه و شبهته بالشاويش عطيه (كان شبه جدا جدا) و كان يثور بشده و بدأ زملاؤه ينادوا له شاويش عطيه فما كان منه إلا انه احضر سيف و جرى ورايا و زملائى عندما ذهبنا لصلاة الجمعه و اخدناها جرى لحد المركب

بس لما طلعنا على المركب حدفناه بالطوب لغاية ما بطل ييجى عند المركب و طلب يشتغل مع مركب تانى .(هو بغباوته)

أ. محمود تحليلك للى حصل رائع وواقعى جدا جدا جدا و حمد لله على السلامه

السلام عليكم

بص يا باشا انا هقولك خلاصه الكلام عشان ما تتعبش
الى حصل كالاتى
منتخب الجزائر لما جه مصر انضربوا فعلا و الاوتوبيس اتكسر لكن الاخوه الاعلاميين الله يسامحهم وصلوا الموضوع وترجموه على انه فبركة
انت شوف عندك كم محطة تلفزيون وكله قاعد يغنى فى حين انه فى الجزائر مفيش ولا قناه بس فيه جريده الشروق الى حبت تنتقم او بمعنى اخر تكون شرسه وقويه عشان تقدر تصد فبدات تغنى هى كمان وتفبرك اخبار زيى كده و طبعا بقى فيه احساس كبير بالظلم او بمعنى اخر انه احنا زنقنا المنتخب الجزائرى فى مصر و ما اعترفناش كمان
كان فيه ضغط كبير و بغباء مننا قبل الماتش اننا هنعمل والجمهور هيعمل
هم طلعوا اذكيا ودى لعبتهم وفرصتهم و طريقتهم
بعد ماتش السودان الخروج من كاس العالم كان مصيبه و عشان تدارى لازم تعمل فيلم تانى تشغل الناس بيه زى بعد كل كارثه بتحصل لازم يشغلوك بحاجه
شعب الجزائر حب يرد فى السودان وياخد بتاره وهو رد وخد بتاره زى ما هم فاهمين بطريقته فما تستغربش كتير لانه العصبيه طابع فيهم و الى اتصور خلاهم يعملوا كده فى السودان
الاعلام بتاعنا كبر كل حاجه وخصوصا عمر اديب مش عارف حب يجامل حسن شحاته ولا ايه
على العموم الموضوع انتهى وكل سنه وانت طيب

هما اضربوا فعلا ؟؟؟؟ و بالاحجار اللى كان بيوروها للناس فى الفيديو دى حقيقيه ؟؟؟ ... والله لو كده يبقى برضه شويه بالنسبه ل اللى حصلنا ف السودان

وبجد انا بدأت اكره وسائل الاعلام الكاذبه سواء من عندهم او عندنا احنا كمان .. نفسى الاقى جريده او قناه تجيب الاخبار الصحيحه عشان نبنى كل حاجه على اساسها ...

يعنى انا اخش مثلا على فيديو ف يوتيوب الاقى الجزائرين يقولوا يا مصرين متسمعوش كلام عمرو اديب ومش عارف مين عشان هو عاوز يبوظ العلاقات واللى حصل ده فبركه سواء من محمد فؤاد او هيثم شاكر

طب شوفوا الفيديو ده اللى مشيره بعض الناس على النت وبيكذبوا فيه محمد فؤاد

YouTube - ‫ظپط¶ظٹط.ط© ظ…ط.ظ…ط¯ ظپط¤ط§ط¯ ظٹط¯ط¹ظٹ ط§ظ†ظ‡ ظ…ط.ط§طµط± ظ…ظ† ط§ظ„ط¬ط²ط§ط¦ط±ظٹظٹظ†‬ ‎

وكمان المخرج خالد يوسف بيقول ان محصلش حاجه من الكلام ده ... وعمرو اديب بيحاول يسكتوا !!

شوفوه هنا :

YouTube - EXCLUSIVE !!!!!TRUTH BY THE EGYPTIAN KHALED YOUSSEF


يا جماعه انا مازالت مشوش و ارجوا من اى حد يفكر فى المشكله دى يتبع الاتى :

1- يخرج بره نطاق المشكله يعنى كأنه مش مصرى اصلا .. ويشوف المشكله من بره .. يعتبر روحه اى جنسيه تانيه .. والكلام ده لسبب مهم جدا وهو ان لو اى حد فكر ف المشكله بهذا الشكل من منطق انه مصرى وهيقرى كلام اى واحد كلب على النت شتم فينا هيغلى نار وده شئ طبيعى

2- بعد الخروج بره نطاق المشكله والتفكير مين الغلطان وفين الادله والحاجات دى كلها .. لازم نعرف حاجه مهمه جدا .. وهيه مين وسائل الاعلام اللى بتفبرك عشان على الاقل نحاول منسمعش ليها اوى او حتى نقلل من رأيها فى اللى حصل فى الماتش

3- لازم لازم لازم نعرف مين له مصلحه فى كده .. مين اللى له مصلحه انه يولع بين شعبين ...

4- لازم يترفع دعوه ومحاكمه جريده الشروق ... ليس هذا فقط .. ودعوه ل محاكمه كل من فبرك اى خبر حتى من عندنا حتى لو كان عمرو اديب ومحمد فؤاد واى حد !!

5- جمع الادله سواء فيديوهات او صور لجميع ما حصل من ا لجانبين وليس ادلتنا فقط



طبعا المفروض منديش اهتمام اوى لاى واحد متخلف عامل فيديو يقولك انا هوريكم يا شعب مصر ولا انا هوريكوا يا شعب الجزائر لان دى حاجه اى واحد ممكن يعملها واهو كلام .. لازم نبقى اكبر من كده ونفكر فى المشكله من الجذور وعدم الانحياز للعاطفه بشكل كبير ...

ومتشكر لردك يا موتورايزر ... بس حضرتك ياريت تفتح موضوع جديد وتروى الموضوع بالتفصيل لانه لسه فى حاجات مبهمه بالنسبالى ... يعنى ياريت توضح النقط اللى حضرتك ذكرتها بس ...

طبعا انا بقول الكلام ده لانى لاحظت ان ناس كتير حتى ملهاش فى الكوره بقت تعمل share لاى فيديو وخلاص وده هيولع فى الامور زياده ... لازم نتأنى ونعمل الصح بخطوات صحيحه عشان احنا كده ماشين مشى عشوائى وكل ده عواطف والعواطف دى مش هتعمل حاجه ... يعنى اقصد ان العمل بيد الله سبحانه وتعالى اولا .. ثانيا بيد الحكومه الفاضله اللى بتخاف علينا اوى
واحنا اخرنا الحرب على النت وخلاص وانا لا اقصد اننا نمنع الحرب على النت لكن فى نفس الوقت نعمل الصح وندور فى الجذور

وكل عام وانتم بخير ويارب لو كان لينا حق يطلع من عينهم ... وربنا اعلم كل واحد عمل ايه ...



مواطن مصرى يعشق تراب الوطن ....