صوت فى دركسيون cerato sx 2010

**hobiko** · 24-11-2009 04:16 PM

واحد صاحبى لسه مستلم cerato sx بس فيه عنده مشكلة غريبة

لما بيلف الدركسيون و هو واقف مش بيتحرك بيسمع زى صوت تزييق طقطقة بس غير كدة و هو ماشى يمين شمال مافيش اى صوت

هو خايف يكون الكبالن فيها حاجة بس انا بيتهايئلى ان الصوت من البطاحات

بس الأغرب من كدة ازاى عربية زيرو و يظهر فيها العيب ده يا ريت تساعدونا برأيكم المشكلة دى من ايه و ايه حلها

**Beeso** · 24-11-2009 04:33 PM

بص هو صوت التذييء غير الطأطأة خالص و هو علبة الدركسيون لها زنة كدة في أي عربية لو لفيت الدركسيون للأخر عشان الطرنبة بيبأة عليها حمل كبير ومكتوب فالكاتالوغ انك متعلأش الدركسيون على أخر سنة أكتر من خمس ثواني

أما باءة موضوع التأتأة ده ببساطة ممكن يتأكد إذا كان من الكابلن ولا لأ يؤاف في حتة فضية ويكسر الدركسيون على أخر من غير ميوسل لأخر سنة إلي الطلق عليها ويلف ديرة كملة ولو في صوت طأطأة يبئة من الكابلن. خليه يعمل كدة يلف مرة يمين ومرة شمال ونشالله مش حيكون في أي حاجة وتبقى حاجة بسيطة انشاالله

شكراً

**dr.amr** · 24-11-2009 04:40 PM

لأ يا باشا ده مش عيب
انا عندي كده برده
هو بس تلاقيه بيبقي مدي الغيار الd
وبيبقي دايس فرامل
جرب كده يدي ال n ويحود مش هيبقي في مشكله
اما ساعات بيبقي في صوت زنه ده صوت ماكينة الباور ده عادي

**medoxmedox** · 24-11-2009 09:35 PM

انا بردو معايا sx 2010
و بردو عندي نفس الموضوع,,, واضح انو طبيعي

**tarekabosdera** · 24-11-2009 11:07 PM

وأنا معايا النترا 2009 وبتعمل صوت طقة واحدة خفيفة لما آجي ارجع ورا بدوران واجي اعدل واطلع قدام بسمعها واعتقد انه طبيعي ومش من الكبالن .

بس معرفش الصوت ده منين؟!

**aminibrahim** · 25-11-2009 01:11 AM

دا شئ طبعي ومكتوب في الكتالوج كده عندما تسمع الاصوات فهزا طبيعي وبعدين جرب ع الnوخلي باللك الأتوماتيك في حجات لانستطيع ان نحكمها انمقصة ال\ركسيون علي ألأخر و5ثواني اول مره اسمعهيا دا لو كده محدش ها يركن خالص --وعيد سعيد

**ahmed_su** · 25-11-2009 01:53 AM

الكلام سليم بكل تاكيد ... لا تقوم بكسر الدريكسيون لاقصى درجة

سواء يمين او يسار لمدة تصل الى اكثر من 5 ثوانى والا سوف تؤدى لتلف

طلمبة الباور فى وقت قصير