الموضوع: ساعدونى فى اختيار هديه لاعز اصدقائى

بص انا شخصيا بتبع اسلوب بيريحنى وخدت عليه مع صحابى

بسأل اى حد فى عيد ميلاده نفسك فى ايه او محتاج ايه , وبدون احراج بيقولى لأنه بيتبع معاى نفس الاسلوب

طبعا الكلام ده مبيمشيش مع اى حد وفى ناس بتشوفه قله ذوق , ما علينا

حاول تفهم صاحبك نفسه فى ايه او محتاج ايه او اكيد تعرف بيحب ايه , فكر فى حاجه فى الحاجات اللى بيحبها وتكون مش عنده وهاتها له

ولو هى حاجه غاليه وانتو جروب اصحاب مثلا ممكن تشتركوا فيها كلكم وتبقى هديه قيمه لا تنقص ابدا من قيمتها لكل منكم

من فتره كان عيد ميلاد احد اصدقائى وهو بسم الله ما شاء الله من عيله مرتاحين ماديا جدا ومفيش حاجه محتاجها ومش عنده نهائى

هو مجنون سوند سيستم وكان الحل فكره جديده فى عربيته وطبعا بعد حساب تكلفه الفكره السعر ضرب فوق طاقه اى حد مننا منفرد , خدنا منه العربيه يوم عيد ميلاده و عملنا شغل جديد وزودنا حاجات على النظام اللى كان عامله وركبنا له صندوق كبير واخد نص العربيه الخلفى كل لدرجه اننا شيلنا الكنبه اساسا ( ماتريكس )

متتخيلش سعادته قد ايه بالهديه , علشان كدا بقولك المهم ان يكون الهديه حاجه بيحبها الشخص ده او نفسه فيها

ممكن تاخد منه العربية تركبلها وحدة رفع للزجاج
إنذار لو مفهاش
طقم سماعات
دواسات
لو عنده فانوس مكسور ممكن برضو

دي الحاجات اللي هاتبسطني شخصياً:)

لو الميزانيه مفتوحه اشتري بي ام