عرض للطباعة
ازيكو يا وحوش
ان شاء الله احتمال انقل شركة جديدة و حاشتري عربية جديدة
و لأن اللي في الميجان مش لاقيه في أي عربية لغاية 130 الف
فاحتمال اجيب عربية لزوم الشغل و تفضل معايا ميجي حبيبتي
و قراري ان شاء الله .. تيجو 1600 .. علي قد مبلغ الشركة .. و تستحمل الأماكن اللي بروحها أكتر من أي عربية بالسعر ده
اقسمت عليكم تدعولي ربنا يتمهالي علي خير :ask: .. يمكن دعوة راجل صالح فيكو تستجاب و تسهللي الأمور
ربنا يوفقك لما فيه الخير ويباركلك فى العربية الجديدة
وتكون فاتحة خير عليك ان شاء الله
ربنا يتمهالك ان شاء الله على خير ويباركلك فيها
ربنا ييسر لك الخير بأذن الله
[gdwl]ربنا يعمل لك إللى فيه الخير بإذنه تعالى[/gdwl]:ask:
ربنا يتممها علي خير و يباركلك فيه و الف مبروك مقدماً
ربنا يكرمك ان شاء الله ويباركلك يارب
ربنا إن شاء الله يهديك للخير يا دكتور
ربنا يوفقك للي فيه الخير ان شاء الله
ربنا يكرمك وان شاء الله تتم علي خير
طب ما تجيب سيمبول يا برنس بنفس المبلغ و برضه تفضل في بيتها الفلوس
االف مبروك مقدما وربنا يوفقك لما فيه الخير
شكرا ليكم كلكم .. بارك الله فيكم
يعني مش ناوي تفكر في السيمبول؟اقتباس:
المشاركة الأصلية كتبت بواسطة hegazio
يا كيمو بيثول لك محتاج عربية تكون عالية
يعنى أقصى حاجة ممكن يعملها إنه يستنى ال Logan Stepway لما تنزل الله أعلم امتى...أو ممكن تظهر فى المعرض بعد شهرين...
لكن السيمبول مش بتاعة طرق من إللى تكون محتاجة تيجو
معلش انا هادعيلك دعاء افضل لأنى عدو الصينى رقم واحد:
ربنا ييسرلك شراها ويباركلك فيها ان كان فيها خير ليك ويعسر عليك شراها ويباعد بينك وبينها بعد المشرق عن المغرب ان كان فيها شر ليك او فيها اى مشاكل او تعب ليك.
بالظبط كدهاقتباس:
المشاركة الأصلية كتبت بواسطة chato_eg
و أنا رحت لمحمد زكي الأول فعلا .. لا يعرف حاجة عن Stepway ولا Sandero .. ولا يحزنون .. اللي يعرف يقوللي
عمرك رحت الدلنجات بحيرة .. أو مطوبس كفر الشيخ .. أو زحالة الدويقة ؟ .. ما تنفعش السيمبول يا كيمو
حد مغير كارتيرتين زيت في الميجان غيري ؟!!!
ربنا يكرمك و يسهل ما فيه خيرا لك
أكيد طبعا و لا هيعرفوا حاجة...ده موزعاقتباس:
المشاركة الأصلية كتبت بواسطة Hegazio
اقتباس:
المشاركة الأصلية كتبت بواسطة Hegazio
مافيش طريقة تجيب Hummer و ما تدفعش جمارك ( لوحات جمرك مثلا )...:B4_592:
ربنا ييسر ليك امورك
و يزيدك من رزقه :):)
شكرا يا جماعة . ربنا يخليكو .. انا حجزت تيجو 1600 عند ابوغالي ابارح
ربنا يوفقك سواء اشتريت تيجو او غير تيجو
الف مبروك مقدما يا باشا
ايه ده انت حجزت
الف مبروك يا كبير
ايه ده .. هو الحشيش فيه ادمان يا دكتور ؟؟
ممكن تشرحهالي بس بطريقه مبسطه
بالمناسبه هو ايه الشغل اللي بيدولو عربيات ده
ربنا يتمها عليك
أيوة طبعا الحشيش ادماناقتباس:
المشاركة الأصلية كتبت بواسطة ahmedsamir5edr
و فيه اشغال كتير جدا بتدي عربيات ...... الصيادلة في شركات الادوية ..... المهندسين العاملين بصيانة مواقع محطات التغطية بشركات المحمول ...... إلخ .......
مبروك يا باشا
عقبال لما تستلمها ان شاء الله
وربنا ان شاء الله يديلك خيرها و يكفيك شرها
أنا من رايي المتواضع ان الحشيش ادمان نفسي ليس الا ..
لأني لم أري أحدا يعاني أعراض الانسحاب عند الأقلاع عنه
أكون ممنون لو حد متخصص وضحلي أكتر
علي الرغم من ان الموضوع مش فاهم له علاقة بعربيتي الجديدة !!
انما الحشيش فيه ادمان فسيولوجي و سيكولوجي
و السيكولوجي طبعا قعدة الحشيش و ريحة النفس و كده
بينما فسيولوجي عن طريق احتوائه علي نسب عاليه ( الحشيش النضيف بس ) من thc و هي بالاضافة لذلك مدمرة للجهاز العصبي
انا فعلا سشال في شركة ادوية_و هما الحقيقة مش بيدو عربيات همابيدوا بدل استهلاك عربية بس لازم تجيب عربية جديدة
فيه ناس بيبقي عصبا عنهايدفع فوق البدل عسان يجيب حاجة عدلة
مبروووووووووووك .. يا دكتور ...
ربنا يبارك لك فيها و يرزقك خيرها .... وتكون خير لك وعلى الناس
اقتباس:
ايه ده .. هو الحشيش فيه ادمان يا دكتور ؟؟
ممكن تشرحهالي بس بطريقه مبسطه
:b4_048::b4_048::b4_048:اقتباس:
المشاركة الأصلية كتبت بواسطة hegazio
انا مكنتش عايز ارد عشان مفسدش فرحة حجازي باشا بالعربية الجديدة
انما طالما هو فتح الموضوع اولا الف مبروك ثاني على العربية
ثانيا
بص يا باشا باختصار:
واحد :
الحشيش ده هو هو البانجو يعني النبات واحد
الجدر بيطلع منه البانجو :::: عشان كده رخيص ومليان سموم بتهلك الكبد والكلى والجسم كله
الساق بيطلع منه الماريجوانا
الزهرة بيطلع منها الحشيش ::: ارقى حاجه نسبة المخدر فيه عالية جدا بسموم اقل عشان كده بيهلك المخ لانه نسبة عالية اوي اوي اوي من المخدر قبل ما برضه يهلك الكلى والكبد والجسم
اثنين
حته انه مفيش ادمان فيه خرافة خرافة خرافة لان المستشفى كلها عندنا ادمان حشيش اللي سرق شبكة اخته عشانه واللي اعتدى على جده وجدته عشان يسرقهم والحكايات لو دخلنا فيها مش حنخرج
فترة انسحاب السجاير ساعتين ::: يعني كمان ساعتين انت عايز سيجارة ثانية
فترة انسحاب الخمور والكحور 12 ساعة ::: عشان كده في الافلام بيجيبوا البطل صاحي من النوم بعد السهرة مضروب برطوشة
فترة انسحاب الحشيش 45 يوم .............. ايوه 45 يوم
فكل دكر بيشرب حشيش يطلع في الميدان يقولك الحشيش مفيهوش ادمان
مادة الحشيش اصلا دايبة في دهون الجسم والدهون حول خلايا المخ وبالتالي اللي بيشرب النهارده سيجارة حشيش مش حيحس انه عايز يشرب ثاني الا في خلال 50 يوم مثلا
فبتلاقي الشاب بيقولك انا بشرب على العيد الصغير مبعيدهاش الا على العيد الكبير وفاكر نفسه مش مدمن
بس انا ببقى عارف انه حيشرف عندي قريب ممكن كمان سنة ممكن كمان 10 سنين
ممكن الناس تلاقيه مش باين عليه حاجه بس تكتشف انه طلق مراته كمان 3 سنين انت مش حتربط بينهم, اللي يربط المواضيع كلها دكتور اعصاب أو ادمان
اما عن الناحية الفسيولوجية او النفسية فده موضوع لوحده عشان حجازي ميخبطناش بالعربية الجديدة ويعدى من علينا رايح جاي خصوصا انها 4*4
الله الله
ده كلام كبير يادوك
بس قصدك ان فيه في كلامي حاجة غلط ؟
طب فعلا عشان الموضوع ما يخرجش بره دعوات الحلوين للعربية الجديدة .. تفتح موضوع في الاجتماعي عن الادمان ده و نشارك هناك ؟
عشان انا كمان عاوز أضيف معلومات ( عقاقير ) عن أصل المايجوانا و البانجو و الحشيش ( مش نفس النبات بالظبط بس نفس العائلة Cannabis ) ..
شكرا لكما ....
الموضوع فعلا فى الاجتماعى مناسب علشان تزيد نسبة الاطلاع ... ويستفيد اكبر قدر ممكن...
و ياريت يا دكاترة..... زودوا شوية فى شرح الاضرار و تدمير الجهاز العصبى بصور مستافيضة,,
دة اذا كان يناسب وقتاكما .... وجزاكم الله خيرا