المشاركة الأصلية كتبت بواسطة ksa2011
عيوب الانسر يا سيدى انا كان معايا 1300 سى سى خليجى موديل 2007
راشه كتير هههههه وما كنتش اعرف
لا بجد
قطع الغيار ممكن غاليه شويه ومش معمره زى الكورولا
استهلاك البنزين عالى
دول اكتر مشكلتين قابلتهم
غير كده العربيه جامده جداا انا ركبت عربيات كتير اوى احسن عربيه ركبتها كانت هى
مريحه جداا من جوه وواسعه
انا وانا شاريها العربيه كانت بتحدق غيرت فدرتين الكاوتش الاداميين جبت 2 بريدجستون يابانى فرقت فى كل حاجه فى العربيه الثبات بقى رهيب و المطبات و العفشه ما كنت بحس بيها
وركبت وانا كنت سايقها سوبر اكشن حاجه وهم
يعنى انا عندى العفشه كانت ناعمه بس كنت بتحس انك مثلا طالع ونازل من مطب ولو فيه كسر فى الطريق بتحس بيه لكن السوبر اكشن ما كنتش بحس باى حاجه
التكييف جميل لكن مع 1300 بيخنق العربيه فى السحب و الطلعه يعنى ما تفتحوش لو بتجرى او بتعمل غرز الا لو انت واخد سرعه واستهلاك البنزين بيزيد جداا طبعا عشان كده يفضل 1600 سى سى فى الانسر
صوت الموتور بيبقى عالى و بتسمعه لو بتحرق
بس هو ده الى انا فاكره دلوقتى
وربنا يكرمك يا باشا وتقدر تلاقى حاجه كويسه