مشكلتي خطيره بالنسبه للحراره برجاء التكرم من اصحاب الخبره

**brono** · 24-11-2009 08:18 PM

معايا فورد مونديو 98 مانول وعندي الحراره بتوصل الي حرف (l) في كلمه نورمال وطبعا ده بيقلق فكنت عايز اعرف هل ده طبيعي ولا لا وحله ايه لو مش طبيعي مع العلم اني كنت مركب حساس تركي جديد وغيرته وجبت الاصلي استراد مش جديد

**Kotb** · 24-11-2009 11:00 PM

المشاركة الأصلية كتبت بواسطة brono

معايا فورد مونديو 98 مانول وعندي الحراره بتوصل الي حرف (l) في كلمه نورمال وطبعا ده بيقلق فكنت عايز اعرف هل ده طبيعي ولا لا وحله ايه لو مش طبيعي مع العلم اني كنت مركب حساس تركي جديد وغيرته وجبت الاصلي استراد مش جديد

حراره طبعيه المهم ميكنش في تسريب مياه

**aYaBooY** · 25-11-2009 10:06 AM

الحرارة الطبيعية ان المروحة تشتغل من اول الـ a و توصلك لحد اواخر الـm راجع على حساسات الحرارة تاني

**brono** · 03-12-2009 08:56 PM

بس انا لحظت ان لما المياه بتوصل لمنسوب معين في القربه بتظبط فعلا وده لما تكون الميه قليله عن كلمه max بحبه كتير يعني يدوبك في شويه في القربه كده بتظبط معايا ومبتوصلش لحرف ( l ) واعتقد ان السبب غطا القربه بردوا

**Kotb** · 04-12-2009 12:22 AM

المشاركة الأصلية كتبت بواسطة brono

بس انا لحظت ان لما المياه بتوصل لمنسوب معين في القربه بتظبط فعلا وده لما تكون الميه قليله عن كلمه max بحبه كتير يعني يدوبك في شويه في القربه كده بتظبط معايا ومبتوصلش لحرف ( l ) واعتقد ان السبب غطا القربه بردوا

ياخي عاوز افهمك حاجه مهما ان لما المياه تنقص في الدوره يقوم حساس المياه الموجد اعلي الكوعه الفيبر بدوره ويشغل المراوح سعتها حضرتك تشعر بان السياره برده وهذا منتها الخطوره المحرك موبيلي 0101468854

**atrentey** · 05-12-2009 08:23 AM

كان عندي نفس المشكلة والحل بسيط جدا ً ...
تخلي كل حاجة زي ما هي ة وتروح لواحد بتاع ردياتير بيفهم يركب لك كوع معمول عمولة في وسط خرطوم من خراطيم المياه و يركب فيه ترموستات تاني 70/ 80 أو 80/90 زي ماتحب وكتاوت الماني عشان تستحمل كويس وياخد كهربا من البطارية للمروحة علي طول .. وانا أضمنلك عن تجربة إن المؤشر مش هيوصل لحرف a أصلا ً... تحياتي

**aYaBooY** · 06-12-2009 01:29 PM

منصحكش باللعب في نظام التبريد الخاص بعربيتك
روح لمتخصص فورد يكشف على دورة التبريد

**egytamer** · 06-12-2009 07:47 PM

باشا انا كان عندي نفس المشكلة ويمكن اكتر كمان الحل الاتي اولا تنضف الردياتير وتتاكد انو مش مخروم وان غطاء قربة المية مقفول كويس ومبيسربش البخار فيبرجل العربية
ثانيا في ترموستات بيحبس المية علشان متحتجش نسخنها الصبح فدة بيخلي المية تغلي اوي والحل انك تلغية انا كانت العربية عندي بتعدي كلمة نورمال وبتقرب من الاحمر وكنت كل ربع ساعة اقف استني لحد متبرد رحت لرمضان فالحرفين وظبطهالي الله يباركلو فرحلو هيحللك المشكلة علطول

**aYaBooY** · 07-12-2009 05:19 PM

نصيحة تانية لصاحب الموضوع
مع ركوبي فورد كل يوم بكتشف ان الشركة ديه مفيش مسمار غير و ليه وظيفة و تغيرة ممكن يسبب ليك مشاكل على المدى البعيد
روح لحد عنده برنامج العربية ( قطب في الضاهر, تكنو بوش, اوتوماجد، التوكيل) افضلهم قطب بس انا مجربتش التوكيل من اساسة
شوف انهي حساس الي فيه المشكلة و صلحة او بدلة و بلاش كلمة ملهوش لازمة

**Egy** · 23-12-2009 11:35 AM

المشاركة الأصلية كتبت بواسطة brono

معايا فورد مونديو 98 مانول وعندي الحراره بتوصل الي حرف (l) في كلمه نورمال وطبعا ده بيقلق فكنت عايز اعرف هل ده طبيعي ولا لا وحله ايه لو مش طبيعي مع العلم اني كنت مركب حساس تركي جديد وغيرته وجبت الاصلي استراد مش جديد

السبب انت قلته فى مشاركتك: انك ركبت حساس تركى.
و أنا للأسف استرخصت و جبت حساس تركى زيك و النتيجة طبعا انه بيقرأ الحرارة غلط.
الحل: واحد أصلى من الحرفيين [و دة شبه مستحيل لأن بقالى فوق السنة بسأل عليه] أو تشترى واحد جديد من التوكيل ب 375 ج