عرض للطباعة
النهارده كنت في غبور بنكشف على عربية اخويا ( الافحص المجاني ) بسبب شكوى طقطقة الدركسيون واذا بالطامة الكبرى الكبالن عايزة تتغير وتمنهم 5000 جنيه !!
بس الحمد لله العربية لسه في الضمان وهيعملوها بس مكنش عندهم الكبالن وقالولي لما تيجي الكبالن هنبقى نكلمك.
هل حد عنده فكرة هو ده السعر الحقيقي للكبالن ولا المهندس بيشتغلنا .
ويا ترى ما هي أسباب تلف الكبالن والعربية لسه عاملة 30000 الف كيلو بس!
ياريت يا جماعة حد يأكد صحة الموضوع ده من عدمه ...
علشان لو كده احاول اطشف عليهم دلوقتى ولو فيهم اى حاجة بسيطة الحق اغيرها قبل الضمان مايخلص
فعلا هو دا سعر الكبالن عند غبور انا كانت عربيتى عايزة كوبلن امامى كامل يمين وشمال النترا 2005 ولما روحتلهم لقيت سعره 7000 الاف اغلى كمان من الالنترا الجديدة ورحتلهم لما كانوا عاملين تخفيض على قطع الغيار يصل الى 70% بس طبعا قالولى الكبالن الوحيدة اللى ماعليهاش خصم وفى الغالب مش هتلاقيه بيتباع برة لانى طبعا بعد صدمة السعر فى التوكيل روحت سالت علية فى التوفيقية وش دمشق ومالقيتوش بيتباع خالص بس عرفت من واحد فنى فى التوكيل ان اللى بيعمل الصوت هو راس الكوبلن بتكون اتقطعت بس هما مابيغيروش الراس بيغيروا الكوبلن كامل وعلى فكرة اسعار قطع غيار الالنترا فى التوكيل غالية جدا فنصيحة منى اوعى تسيبهم غير لمايغيرولك الكوبلن كامل يمين وشمال وبكدة هبقى فرحت فيهم
كلام تمام جدااقتباس:
المشاركة الأصلية كتبت بواسطة wal
وتقدر تعمله عند اي ميكانيكي بيفهم
يا اما يغير الكاوتشة لو اتقطعت او يشحمها لو شغاله
تمام انا عملت كدة فعلا خدت نمرة واحد فى التوكيل ونزلنا اشترينا الحاجة وعملتها عندة فى ورشته الخاصة وشكرا ليك
اية يا جماعة الكلام دة مش معقول خالص انا لية واحد صاحبى من الشغل معاه الالنترا مو 2005 وغير جوز الكبالن من برة بحولى 400 جنية وثمن قريب من كدة وللتأكد هبقى اسألة وانا لسة شارى كبالن للاكسيل بتاعتى والاثمان كالتالى
220 الجوز الالمانى
140 الجوز الصينى
ايه علاقه الاكسيل بالنترا
فى واحد اسمة ابراهيم البنا فى التوفقية الراجل دة محترم اوى اوى اوى اوى وعندهم كل الحاجات الاصلية للهيونداى والدايو و المتسوبيشى انا لما كنت عامل حداثة بعيد عنكم جبت كل حاجة من عندة
اقتباس:
المشاركة الأصلية كتبت بواسطة angel_wolf
متنفق معاك تماما
انا بستنى لما انزل القاهرة واجيب الحاجة بتاعتى من عنده واصلية 100 % وبركبها فى التوكيل وطبعا ارخص بس يمكن مش كتير
بس هما فعلا ناس محترمة
نصيحة لوجة الله لكل الى عايز قطع غيار اصلية وبأقل الاسعار والاهم من كدا الصدق والامانة فى التعامل محل فى شارع فيصل اسمو المنير فى مدكور امام مستشفى تبارك الناس دى قمة فى الاحترام والامانة اتعاملت معاهم فى قطع غيار الكورولا والمتركس وكنت بستشرهم وبردو عليا بمنتهى الامانة والمحل بآستمرار زحمة ربنا يزدهم ويصلحلهم الحال
كبالن فى 30000 كم ليه ؟؟؟؟ لازم تتصلح فى الضمان لان ده عيب صناعه وماتسيبش حقك بجد
دانتا لو واخد 30000 كم حرق وامركه مش هايبوظو مش هايبقو عيب استخدام
وخلى بالك الناس دى ساعات بتعوز زعييييق