عايز اشتري كواتشات جديده

**xoxo** · 25-11-2009 02:08 AM

انا عربيتي لانوس الفرده الي وره باظت وماشي على الاستبن والمشكله ان الاستبن شنبر ومبهدلني
المهم قولت اجيب فرده مستعمله وخلاص لقيت اسعارها غالية 130و120
تنصحوني اجيب مستعمل ومشي بيه ولااجيب جديد
والجديد بكاااااااااااااام مقاس الكواتشات عندي 175/70/13 واجيبه نوعو ايه

**bshndi** · 25-11-2009 11:09 AM

حرام يا باشا تدفع 130 جنيه في فرده مستعمله ، والجديدة أصلاً بـ 230 نوع كويس
عند سيادتك كام إختيار والترتيب كللآتي وفقاً للسعر
1- بريدجستون "إدخل علي قسم العروض في المنتدي وشوف آخر سعر بعد الخصم كام"
2- بيرلللي التركي أو الإيطالي
3- كومهو
تحياتي

**MMamdouh** · 25-11-2009 11:51 AM

الجديد جديد

و نصيحة لو باقى الكاوتشات بتاعتك عاملة 40 الف او اكتر يبقى هات 4 فرد مرة واحدة بدل ما تخش فى الحوار دة كل شهرين تلاتة

MMamdouh

**mody07** · 27-11-2009 03:11 PM

انا ناوى اعمل زى ما ممدوح قال لان السيارة عاملة حوالى 41.000 الان وحاسس بهزة فى الدركسيون على السلانسيه ولما رحت ارصص واضبط زوايا الفنى قالى ان الكاوتش (ضارب سلك ) وعاوز يتغير وكنت محتار اغير 2 بس ولا اغير الاربعة مرة واحدة بس ياذن الله اغير الاربعة بس فيه سؤالين....
اولا نوع الكاوتش سمعت عن حاجة اسمها جى تى ايه رايكم فيها؟؟؟
تانى حاجة لوكنت عاوز اغير الجنوط يا ترى هى بتفرق مع العربية فى حاجة ولا منظر وخلاص؟
ولو بتفرق ايه الانواع المتاحة واسعارها فى حدود كام؟
ولكم الشكر

**gebreel** · 27-11-2009 03:18 PM

متابع

**MMamdouh** · 29-11-2009 12:19 AM

انا مع اكرم فى رائية

لو بنتكلم فى جنوط يبقى السبور و الاصلى زى بعض لو حتجيب نفس المقاس... يمكن فرق وزن لصالح الجنط السبور بس حرام تدجفع مبلغ و فى الاخر متاخدش فايدة محترمة من الفلوس اللى اتصرفت

الجنط ال14 حيركب علية كاوتش 185/60/14... و دة كاوتش اعرض و اقصر حاجة بسيطة من الاصلى و بالتالى حيزود معاك ثبات العربية فى الملفات و يحسن اداء الفرامل و ثبات العربية على سرعات عاية... فرق الفلوس فى الكاوتش حاجة بسيطة بين 175/70/13 و 185/60/14 و كمان فرق الجنط السبور ال 13 مش كتير عن 14

لاحظ انها فرصة تعمل التغيير دلوقتى لانك كدة كدة حتشترى كاوتش... و كمان لو حبيت تعمل تعديل الفرامل مش حتبقى عندك اى مشكلة خالص لان التعديل مينفعش لو معندكش جنط 14

MMamdouh