الموضوع: القفل الألي الخاص ب جين2 2009

السلام عليكم ورحمة الله وبركاته

[justify]
كنت قرأت قبل كده ان في اعضاء مدايقهم القفل الألي اللي موجود في نظام 2009 وانا واحد من الناس
كان مدايقني برده علشان لو انا مركب اصدقاء كل منزل واحد لازم افتحله بنفسي وياسلام بقي لو واحد مستعجل وكلهم بيبقو في الحاله دي بيمد ايده علي الأكره من قبل متقف العربيه وطبعا لما بيشد الأكره وانت لسه ملحتش تفتح لما تيجي تفتحله بيكون حضرته ماسك الأكره و بالتالي كل الأبواب بتتفتح ماعدا الباب بتاع حضرته ولما تقوله سيب الأكره علشان افتحلك بيسبها ولما بيسمع صوت القفل مره تانيه بيكرر حضرته اللي عمله في الأول , وفي ناس من نوع تاني اول متوقف العربيه ويشد الأكره ويلاقي الباب مقفول يروح علي طول زي الشاطر يروح فاتح الموسوجر ( السقاطه ) وينزل فاكر نافسه راكب بيجو , واللي معندوش فكره خالص يفضل يشد في الأكره لغاية ماتتكسر !!!!!! , انا فعلا علي اد ما عاجبني نظام الأمان ده وبيحسسني بتكنولوجيا بس علي قد ما بيعكنني من الناس دول بس ارجع واقول العيب مش في العربيه العيب في الناس انا فكرت اكتب لافته زي ( ممنوع التدخين ) اكتب فيها ممنوع فتح الباب الا لما انزل انا افتحو بنفسي هههههههههههههه

بس انا بفضل الله انهارده الصبح وجد حل بعد ما تتدور العربيه طبعا انتا كالعاده لو دوست علي الفرامل العربيه هتقفل تلقائيا وما بتتفتحش الا لو بطلت او رفعت الموسجر بتاعك او ضغط علي زرار الفتح اللي موجود في لوحة المفاتيح عندك تمام , قبل مادوس علي دواسة الفرامل دوس علي زرار الفتح وخلي ايدك عليه واثاء ما انت ايدك عليه دوس علي دواسة الفرامل مرتين كده وبعدين سيبه هتلاقي العربيه مش هتقفل تاني امش بالعربيه ودوس فرامل زي ما انت عايز العربيه هتفضل مفتوحه علي طول بس خد بالك ( في حالة اطفاء المحرك وتدويره من جديد هتعمل نفس اللي عملته تاني لأن فصل المحرك بيرجع النظام لاحالته الأصليه , او لو ضغت علي مفتاح الفتح تاني بالأغلاق هيتم تشغيل الخاصيه مره اخري , يعني يتتطلب فعل العمليه دي اثناء تشغيل المحرك وعدم اطفاءه )

وانا اسف علي الأطاله ..........
[/justify]

تمـــــــــــــــــــــــ ــــــــــــــــــــــــا م
تمت التجربه على خير
وناجحه ما شاء الله
شكرا يا فندم على الموضوع ده
بس سؤال بقى
انت اكتشفت الموضوع ده ازاي ؟!!!