الموضوع: تكلفة صيانه الـ5000 كلم

السادة الأفاضل
بناء علي نصيحة السادة الخبراء :) سأقوم بزيارة للتوكيل وبالمرة هاعمل صيانه الـ 5000 في أبو غالي حد يعرف التكلفة كام وإيه أهم حاجة أخليهم يبصوا عليها بجانب تغيير الفلتر والزيت ، وكمان أحط زيت إيه موبيل وان ولا شيل الأصفر لإني لقيت المهندس هناك بيطرح علي أحد العملاء هذا الإقتراح ؟

أنا عندي شوية حاجات كده هاشيك عليها لو حد عنده الحاجات دي يقولي عمل فيها إيه
*عداد الحرارة الحمد لله مشكلته إتحلت خلاص
1- صوت زنة صغيرة بسمعها في سقف العربية أثناء تزويد البنزين من غيار إلي ثاني علي رسعه عاليه .
2- كلاكس العربية صوته بيطلع في الراديو ؟
3-نشيك علي فرامل العربية أحسن الحكايات في المنتدي بدأت تخوفني مؤخراً :)
4- صوت مكنة الزجاج بتاعة باب السائق .
5- هل يلزم تزويد مياه علي قربة المياه ولا سيتم تغيير المياه كلياًَ ، وإيه أفضل نوع ميه ممكن نجيبه؟
6- فرامل اليد ما بتمسكش جامد مع إني إستعمالي ليها قليل جداً ، وده جربته بناء علي نصيحة أحد الأفاضل هنا في المنتدي كان قالي إمشي بالعربية علي سرعة بطيئة جداً ثم مور وبعدين إرفع فرامل اليد وشوف إيه النتيجة .......... أقولكم النتيجة المخزية،،،،،،، العربية وقفت بس يجي بعد كام متر وأنا كنت مديها غيار علي الأول وكنت بتحرك جوة الباركنج عند البيت يعني السرعة لم تتجاوز 15 كلم في الساعة .
7- هل ببيتم التشييك علي ضبط الزوايا ولا فهمي ؟ هايقولوا لي عملنها وألاقيها ما تعملتش ؟

تحياتي للجميع

السلام عليكم ورحمة الله وبركاته
يبدو إن ما حدش عمل موضوع الصيانة دي قبل كده :)
المهم حبيت أقول لأي حد رايح يعمل صيانة الخمسة ألاف بتاعة منصور إنهم هايغيروا زيت وفلتر ويربطوا العفشه وبس + والمصنعية مجاناً ، وهنا سيقوم المهندس بإخباره بأنه يستطيع وضع زيت 5000 كيلو وده تمنة 160 جنيه بالفلتر تقريباً أو يحط زيت 10000 وده تمنه 258 بالفلتر (متأكد لأني حطيت النوع ده وسألت عليه في البنزينه أما التوكيل لقيته بـ 235 ) .
وطبعاً جربت العربية بعدها علشان أشوف الدينا فيها إيه بالنسبة للعفشه والحمد لله .
تحياتي وإحتراماتي