كمين جديد

**aymansaad** · 25-11-2009 08:56 PM

شكرا على المعلومة

**kasten** · 25-11-2009 09:59 PM

المشاركة الأصلية كتبت بواسطة ahmad allawy

لما يكون الطريق فاضي و سالك.. و العربية الحمد لله تستحمل انه اجري بيها علي السرعة دي من غير ما اكون حاسس بالقلق منها.. يبقي ايه المشكلة..
طالما مش حاسس انه في خطورة عليا ولا علي الناس اللي ماشية معايا في الطريق..

وبعدين انا لما اجري مش محتاج ابرر سبب الجري.. ممكن اكون متأخر علي الشغل. او عندي مشوار او معايا حد تعبان..

و الحقيقة اني انا كنت باجرب الجري بالعربية.. و اشوف هي لحد سرعة ايه بتفضل تحت السيطرة.. و اكون مطمن و انا باجري بيها..

وياترى ايه هى اقصى سرعه بتكون تحت السيطره ؟

**Ahmad Allawy** · 25-11-2009 10:03 PM

المشاركة الأصلية كتبت بواسطة kasten

وياترى ايه هى اقصى سرعه بتكون تحت السيطره ؟

والله دي حاجة بتختلف فيها عربية عن التانية..
يعني لما كان معايا ال125.. كانت السرعة اللي مش بابقي مجازف لما امشي عليها 70-90 اكتر من كده باحس اني مش في قمة التحكم بالعربية..
الكورسا كانت لحد 110 زي الفل..
العربية اللي معايا حاليا دي.. وعلي الرغم من ان المساعدين بتاعتها محتاجة تتغير.. فهي لحد -140 كويسة قوي.. و الفرامل بتلحق في الوقت المناسب بفضل الله..و 130 و الثيات معقول جدا..

**Ahmad Allawy** · 25-11-2009 10:06 PM

المشاركة الأصلية كتبت بواسطة semsem kane

اية ياجماعة انا كنت جايب علية 220 بس لمحتة من بعديد روحت مهدى وهو اصلا مابصليش لانة كان ماسك عربية نص نقل ومشغول فيها
بس انا عايز اعرف هو الطريق دة علية رادار فعلا لانى مشس بمشى علية اقل من 160 /180

انا الي اعرفه انه لحد دلوقتي مش عليه رادار.. و صعب يبقي عليه رادار.. عشان الاماكن اللي ممكن يبقي فيها هتكون ملجأ الطوارئ ده بس.. غير كده هيبقي الراجل قاعد بالجهاز علي السور مثلا..:b4_592:
و حتي في ملاجئ الطوارئ دي.. هيكون مكشوف قوي..
لكن لو انت رايح في اتجاه المنيب.. خلي بالك عشان لما بيحطوا رادار.. بيبقي بعد المنزل مباشرة.. مكان سخيف جدا يعني..

**gebreel** · 25-11-2009 10:20 PM

شكرا على المعلومة و ياريت لو حد يقلنا فعلا ده كمين رادار ولا اخباريات

**A.Saad** · 26-11-2009 05:21 AM

المشاركة الأصلية كتبت بواسطة semsem kane

اية ياجماعة انا كنت جايب علية 220 بس لمحتة من بعديد روحت مهدى وهو اصلا مابصليش لانة كان ماسك عربية نص نقل ومشغول فيها
بس انا عايز اعرف هو الطريق دة علية رادار فعلا لانى مشس بمشى علية اقل من 160 /180

**ahmed4000** · 27-11-2009 11:54 PM

المشاركة الأصلية كتبت بواسطة Ahmad Allawy

لما يكون الطريق فاضي و سالك.. و العربية الحمد لله تستحمل انه اجري بيها علي السرعة دي من غير ما اكون حاسس بالقلق منها.. يبقي ايه المشكلة..
طالما مش حاسس انه في خطورة عليا ولا علي الناس اللي ماشية معايا في الطريق..

وبعدين انا لما اجري مش محتاج ابرر سبب الجري.. ممكن اكون متأخر علي الشغل. او عندي مشوار او معايا حد تعبان..

.

الحقيقة دى قواعد جديدة فى السواقة اول مرة اسمعها
اجرى مدام العربية بتستحمل جرى...يعنى المفروض نشوف لافتات مكتوب عليها 200 كم للمرسيدس و50 كيلو لل127!!!!!
بالنسبة لموضوع انك مش حاسس خطورة عليك ولا على اللى حواليك...فاحب اقولك ان كل اللى عملوا حوداث- وقانا الله واياكم- كانوا حاسين ان مفيش خطورة عليهم ولا على الاخرين

**Ahmad Allawy** · 28-11-2009 01:53 AM

المشاركة الأصلية كتبت بواسطة ahmed4000

الحقيقة دى قواعد جديدة فى السواقة اول مرة اسمعها
اجرى مدام العربية بتستحمل جرى...يعنى المفروض نشوف لافتات مكتوب عليها 200 كم للمرسيدس و50 كيلو لل127!!!!!
بالنسبة لموضوع انك مش حاسس خطورة عليك ولا على اللى حواليك...فاحب اقولك ان كل اللى عملوا حوداث- وقانا الله واياكم- كانوا حاسين ان مفيش خطورة عليهم ولا على الاخرين:s_thum1[1]:

خليني اقولهالك بطريقة تانية..
هل معني ان الطريق بيقولك ان السرعة القصوي عليه 60 زي الكورنيش مثلا.. و انت ماشي فيه بالليل متأخر هتمشي علي 60؟؟!!!!!!!!!!!!!!!!!! اكيد مستحيل ده يحصل الا لو تعبان مثلا او مش نايم.. او العربية مش مظبوطة.. صح؟؟
الطريق يتحمل انك تجري اكتر من كده ..

بنفس المنطلق الطريق ده يتحمل لحد 90-100 في الاحوال العادية.. يبقي لو انت ماشي عليه علي 140-150 فرقها مش كبير عن السرعة القصوي اللي متحددة ليه..
يعني هو يتحمل اكتر من كده في الظروف الكويسة ان الطريق يبقي فاضي.. و نضيف.. و الرؤية كويسة..

وموضوع ان العربية المرسيدس السرعة القصوي ليها 200 و ال127 50 فده و هاقولهالك بقلب جامد.. الخطورة اللي فيه بس هتبقي بسبب اللي سايق.. لكن لو علي العربية نفسها.. ممكن سعاتك تقارن.. فوارق الامان و الفرامل و التحكم في العربية..!!!
يعني ممكن تحصل و بتحصل و حصلت مع ناس اعرفهم شخصيا.. عربيات زي ال127 و ال128 و الشاهين كمان كانت هتتقلب و في منها اتقلبت فعلا علي سرعات اقل من 100!!!!!!!!!!!!!!!!!!!!!!!!!!!!!!!!!!! و مستحيل ده يحصل في عربيات الامان فيها عالي.. و باقولك مستحيل في الظروف العادية.. و في نفس الوقت في قريبي معاه 127 جاب بيها علي الصحراوي 160..!!! بس كان بيقول انا بانتحر و انا باعمل كده.. مفيش اي تحكم في العربية.. و لو حد عطس جنبها هتتقلب..

و بعدين اقول لسعاتك اني و لله الحمد باسوق بقالي اكتر من 10 سنين.. و مدرك يعني ايه العربية تبقي تحت السيطرة.. و انك متبقاش مقلق من العربية.. و عارف ان اي رد فعل هتعمله بالعربية.. مش هيكون في منه خطورة عليك و علي الاخرين..
يعني مش هاقولك علي العربية اللي معايا حاليا عشان انا لسة باستكشفها.. و مش واخد عليها قوي.. لكن العربية اللي كانت معايا قبلها.. كانت بتبقي في قمة التحكم بتاعها وهي علي 90-100 و عشان كده كنت لما باحب العب و انا ماشي و اخد غرز مثلا او كده مش باتهور و اعمل حاجة و انا علي سرعة اعلي من كده.. عشان ابقي حاسس اني مالك العربية..

و نيجي بقي لأخر نقطة.. وهي ان موضوع الحوادث ده بقي ارزاق.. في ناس بتعمل حوادث وهي ماشية علي 40-50 كمان مش اعلي من كده.. و بتموت فيها..( ربنا يبعد عنك و عننا جميعا الشر و سوء الخاتمة..) و ناس بتعمل حوادث علي 180-200 و بتطلع سليمة من العربيات.. يعني مش شرط سرعة = حوادث..