عرض للطباعة
السلام عليكم ورحمة الله وبركاته
كل عام وانتم بخير يا اخوانى
معلش ليا استفسار كان فى موضوع اتعمل من فتره بخصوص انواع فلاتر المياه المنزليه واسعارها بس انا بعمل بحث على الموضوع ومش لاقيه ياريت الى يعرف يجيبهولى و يعرف انواع كويسه واسعرها اكون شاكر ليه
عيد سعيد عليكم
ايه ياجماعه انا مش شايف ان موضوعى صعب كده
انا لسه مركب فلتر من اسبوع هو 7 مراحل و وقف ب 1400 والراجل الى ركبه بيقول عليه امريكى مع ان الكرتونه جنب مكتوب تايوانى وجنب مكتوب امريكى ولما استفسرت قال ان الفلتر كله تايوانى ولكن فيه جزء فيه بيشتغل زى الكليه وبيقوم بوظيفه مشابهه للكليه ده اللى امريكي و ثمنه لوحده 350
والراجل قال لى ان الاجهزة ممكن تتباع ارخص بس الناس بيستبدلوا الجزء اللى بيعمل وظيفه الكليه ده بواحد صناعه صيني
المهم لو هتجيب جيب من واحد تعرف توصل له فى الصيانات وكمان يا ريت لو كان مركب لحد قريب ليك او صاحب ليك علشان يكون مضمون لان الغش في الحاجات دى ميتعرفش
نسيت اقول لك انى من الشرقيه
انا لسه كنت بفكر اركب واحد تانى بدل الايطالي ابو شمعه واحده رحت وعجبنى واحد 5 مراحل كان فى حدود 450
انا دخت دوختك دى قبل كده واستقصيت من النت وكنت ناوى اجيب ابو 7 مراحل (ro او التناضح العكسى) بعد ماشفته فى كارفور وبعد مالمندوب جرب يحط ميه عاديه ووصل سلوك واترسبت حاجه بنى وقالى دى بكتريا وترسبات وبتاع
وبطبعى قلقت وبعد ماقريت عن الكلام ده عرفت انهم يفصلوا الاملاح وبتترسب ويقولك بكتريا ومش عارف ايه وطبعا خواص الميه بتتغير بعد مابتعدى على الفلتر ده والجسم هو اللى بيضر ومن الاخر هات الرخيص اللى هو الفلتر ابو شمعه سيراميك وانا عن نفسى جبت ابو 3 مراحل كان نوعه تانك وكان فيه نوع تانى امريكانى بس مبخدش من الكلام ده لانه نفس فكره الاك ونفس الشمعات وكمان كان اغلى ولو عملت سيرش على جوجل على ( احذروا فلاتر المياه هتفهم قصدى
ومش معنى كلامى انك متجيبش فلتر لا انت لازم تجيب واحد بس بسييييييييييييط
انصحك تركب فلتر ro اي كان عدد المراحل
سواء 5 او 6 او 7
انما الاساسي فكرة ro لانه المرحلة دي هي الوحيدة القادرة علي فلترة المعادن الثقيلة الموجودة في المياه زي مخلفات الاسمدة و المبيدات الزراعية و مخلفات المصانع علي طول النيل
و حتلاقي منه امريكي كامل يبدء من حوالي 2000 جنيه
و الغيار السنوي له حوالي 300 جنيه
الملاحظات بس علي تشغيله هي انك تراعي عمل الغيارات في ميعادها زي ما هو مكتوب في كاتالوج الجهاز
و الجهاز رائع تماما و شغال بيه من سنتين و لا استطيع شرب مياه من الحنفية اطلاقا
بالنسبة لمسئلة الحركات اللي بيعملوها بالبطارية و الاقطاب هي عبارة عن حركة نصب الي حد ما
هو اللي بيحصل كميائيا ان نتيجة وجود املاح في المياه فانها بتكمل الدايرة و يبدء احد الاقطاب في التحلل و الترسب في الماء
الحقيقة ان المياه المفلترة حجم التحلل و الدوبان من القطب بتكون اقل من المياه اللي جايه من الحنفية علي طول
لكن مسئلة انو المندوب يشاور علي التحلل ده و يقولك ان ده جاي من المياه و ان ده بتشربه من الحنفية العادية هو ده النصب بعينه
و بعيدا عن ذلك في جهاز بيكون مع مندوبي الشركات المحترمة بيقياس كمية الاملاح الذائبة في الماء و اعتقد ان المقياس اللي اتحدد في امريكا للمياه الصالحة للشرب هو من حوالي 50 او 90 لحد 500 و ال 500 بتبقي زي مياه الابار
الجهاز عندي قاس 45 يعني في حدود المعقول المياه مفقدتش خواصها و لا حاجة بل بالعكس تخلصنا من كل المشاكل و الشوائب و المعادن المسرطنة الموجودة في الماء
بالاضافة ان عندي 2موتور في العمارة بترفع كل التراب و الصدا من المواسير و تخلطه في المياه و الغيارات بتطلع طين علي الاخر و كان كل ده كان بيخش جسمنا
الجهاز المضر للانسان هو جهاز الفلترة الايوني و مش عارف اذا كان موجود في مصر و لا لا
الجهاز ده بيطلع مياه مقطرة زي المياه الموجودة عند بتاع البطاريات و دي مضرة للانسان لكن الجهاز ده مالوش علاقة بالفلتر العادي ابو شمعات و مرحلة RO و مرحلة UV
غيار لمبة ال UV غالي و عمرها قصير لو عايز ماتشتريهاش براحتك هي مرحلة اضافية و ليست اساسية انا لم اشتريها لنفسي
لو الجهاز غالي عليك او زيادة عن احتياجاتك
يبقي تجيب فلتر 2 مرحلة تكون و واحدة منهم كربون
الاولي حتشيل التراب و الصدا و التانية لو المياه فيها رائحة او الشمعة الاولي بقالها فترة و بدءت تعمل رائحة بسبب وجود بكتريا او خلافه تقوم مرحلة الكربون تنضف الكلام ده
و يفضل الشمعات السيراميك عن العادية لانه بيكون اصعب علي البكتريا تكوين مستعمرات في حالة الشمعة السيراميك
انما في راي مفيش داعي تجيب اكتر من مرحلتين لان النتيجة النهائية تقريبا واحدة بس تكلفة غيار للاربعة مراحل علي الفاضي طالما مفيش واحدة ال RO لانها بس اللي بتقدر علي المعادن الثقيلة و البكتريا
و هو اقل مقاس في الشمعات 5 ميكرون لو في مرحلة واحدة 5 ميكرون يبقي الباقي مالوش لازمة
عيب مرحلة الRO هو انها لو دخل لها كلور او كانت من ماركة مش اد كده فانها بتتقطع و تتمزق و تنزل اللي فيها في التنك و و مش بتفلتر حاجة
علشان كده لازم تغيرها هي و المرحلة اللي بتشيل الكلور في المواعيد و من ماركة كويسة و الامريكي موجود في السوق
الفلتر ضروري جدا لمصر و ده لتهالك الشبكات و ضعف ميزانية التنقية في محطات المياه و ايضا الصرف الصناعي و الزراعي في النيل بدون رقيب
و يشهد علي كده ارتفاع حالات الفشل الكلوي و الكبدي في مصر
و بالنسبة للي بيشكك في ضرورة استخدام الفلتر
في تجربة لطيفة ممكن تحدد احتياجك للفلتر
هات حتة قطن و قطعة شاش و حطها علي فتحة الحنفية و اربطها كويس و سيبها لمدة اسبوع واحد و فكها
لو لاقيتها نضيفة يبقي انت محظوظ
لو لاقيت منظر مش عجبك يبقي انت محتاج فلتر
الخلاصة جمع الاعلانات بتاعت الشركات من الوسيط و ساعات بتيجي مع فاتورة الغاز و اتصل بيهم و شوف احسن عرض و لا تنسي مسئلة الصيانة الدورية
و مبروك مقدما
انا عندي فلتر RO ماركة Waterworld من شركة النقية ..... شركة محترمة جدا جدا و كل معاد صيانة هما اللي بيفتكروا و يتصلوا بيا يحددوا المعاد ........ لو حد عايز نمرتهم ابعتهاله لو ادارة المنتدى ماتمانعش
و ده امريكي و تقريبا 6 مراحل
بقاله معايا سنتين ميته زي الكريستال
سعره 1500 جنيه و الصيانة السنوية شاملة الانتقالات و قطع الغيار و المصنعية و كل حاجة 300 جنيه
النهاردة و هما بيعملوا الصيانة كان معاه جهاز شبه الترمومتر الديجيتال بيقيس نسبة الاملاح الذائبة في المية
اخدت منه الجهاز و مليت كوباية بمية الحنفية و كوباية بمية الفلتر بنفسي (عشان محدش يقول انه عملوا عليا شغل و بتاع)
النتيجة الصاعقة
مية الحنفية : 250
مية الفلتر: 20 !!!!!!!!!!!!!!!!!
مرحلة ال RO فعلا لو تعبانة بتبوظ ...... مراحل الفلتر عندي تفصيلا هي:
1- مرحلة الشوائب .... لحجب الاتربة و الشوائب الصلبة ...... بتتغير كل 3 شهور (الجديدة بتبقى لون الحليب و اللي بتتشال بتبقى لون الكاكاو !!!!)
2- مرحلة الكربون المفتت ..... لازالة الغازات و الروائح بالامتزاز ...... بتتغير كل 6 شهور
3- مرحلة الكربون المصمت ..... لازالة الكيماويات ..... بتتغير كل 9 شهور
4- طلمبة رفع ضغط الماء ...... بتتغير اما تبوظ
5- الغشاء Membrane الخاص بعكس الضغط الاسموزي RO .... بيتغير كل ما بيبوظ ..... الحمد لله بقاله سنتين عندي و 3 سنين عند الوالد سليم ..... ده الثقوب اللي فيه 1 على الالف من الميكرومتر ...... ما بيفوتش و لا املاح و لا شوائب و لا اي حاجة
6- مرحلة جوز الهند (فيها مركب من جوز الهند لاضفاء طعم بسيط غير ملحوظ للماء و لكن محبب جدا)
7- مرحلة ال Calcite لاضافة الاملاح بعد ما المرحلة الخامسة نزعتها تماما حيث ان الماء منزوع الاملاح ضار ... بس بتضيف ملح بسيط ..... عبارة عن خرطوشة شفافة فيها بلي صغير من الملح بيعدي عليه المية ..... بتتغير اما تخلص ..... بقالها سنتين عندي و شكلها قدامها سنين على ما تخلص
8- التانك المفرغ المعقم و الحنفية
غير انه يمكن اضافة مراحل اخرى للجهاز مثل Manual Flush لغسيل الجهاز او Ultraviolet (لمبة اشعة فوق بنفسجية) لقتل اي ميكروبات بالماء
الصراحة الجهاز ممتاز و ميته انضف من المعدنية و املاحها اقل بكتير و انا مبسوط منه جدا و احنا بنشرب منه و بنملا منه القزايز و بنطبخ و بنغسل الخضار و الفاكهة و اللحوم بيه ..... يعني عايشين عليه ...... غير ان بعد اول سنة انت بتدفع 300 بس كل سنة يعني 25 جنيه في الشهر (ارخص بكتير من المية المعدنية) ........
هذا ما وجدته على الانترنت وهو متوفر في مصر، طالع هذه الصفحة
انا مش فاهم يا جماعة هو Ro دة ماركة فلتر ولا دة نوع شمعة من اللي بيكونو داخل مراحل الفلتر ؟
يعني لو عندي فلتر عادي ممكن اجيب شمعة Ro تركب فية مثلا ؟
لا يا باشا RO ده نوع من انواع التكنولوجيا المستخدمة في الفلترة و هي اختصار Reverse Osmosis يعني الضغط الأسموزي العكسياقتباس:
المشاركة الأصلية كتبت بواسطة pro_samir
و دي مش شمعة ده بيبقى غشاء و قبله طلمبة ترفع ضغط المية و تضغط المية على الغشاء بضغط اعلى من الضغط الأسموزي بتاع المية اللي فيها شوائب بحيث تجبر المية انها تعدي الناحية التانية و الاملاح و الشوائب تفضل الناحية دي
طبعا افضل وحده تنقيه على الاطلاق هو ال ro
فهو وحده متكامله لتنقيه المياه من كل الشوائب والبكتيريا والكلور
بيخلى الميه توصلك بدون طعم ورائحه زى ميه الحنفيه
فعلا وعن تجربه عائليه منذ 6 سنوات وانا افضل ال ro
بس انصحك بقتناء الشركه لان دلوقتى الغش كتر وطلع منه الصينى وبيقولوا عليه تيوانى انصحك تجيبه من الشركه الام water world
لانها اول موزع للفلتر ده فى القاهره وبالله التوفيق
انا عندي فلتر 5 مراحل بس بصراحه انا شايف انه حاجه ممتازه جدا بالرغم ان في ناس كتير قالت ان نصب وبتاع بس بصراحه انا ندماناني مركبتوش من زمان
بس عرفت معلومه ان الفلتر اللي بيغير في خواص الميه ده خطر جدا , خليك في فلتر تنقيه
يعني ايه يغير خواص المية؟اقتباس:
المشاركة الأصلية كتبت بواسطة mr_sameh
متابع للموضوع المحترم جدا
وشكرا لكل من شارك بنصيحه
شكرا للتوضيح يا زعيماقتباس:
المشاركة الأصلية كتبت بواسطة أحمد كمال
اقتباس:
المشاركة الأصلية كتبت بواسطة meramor81
الشركه الام water world مكانها فين او رقم تليفونها
لو محتاجين اي حاجة من شركة ووتر ورلد انا بتعامل مع فروعهم هنا في مصر و بصراحة ناس كويسين جدا و اللي و مركب من عندهم 17 فلتر لاصحابي و قريبي و بيعملو معايا تخفيض كويسو اجهزتهم مضمونة جدا لو محتاجين اي معلومات او ارقام تليفون الشركة هنا انا تحت امركم
ليهم فروع في القاهرة و الاسكندرية
شوف ياسيدي من واقع تجربتي في شراء فلاتر المياه في نوعين هم اللي ماشيين في السوق :
1- فلتر 5 مراحل ( مرحله تنقيه 5 ميكرون + مرحله كربون نشط لازاله الكلور و الروائح + مرحله كربون عاديه تاكيد علي مرحله الكربون النشط و ممكن تستبدلها بمرحله تنقيه 1 ميكرون في حاله اذا كانت الشوائب في المياه عاليه + مرحله تعقيم بالأشعه فوق البنفسجيه لقتل البكتيريا و الفيروسات + مرحله فلتر بجوز الهند لازاله اي طعم او مراره في المياه ) و ممكن تلاقي 5 مراحل ايضا بس المرحلتين الأواخر حاجه تانيه ( مرحله اضافه املاح مغذيه مثلا ..الخ)
2- فلتر 7 مراحل( ال 3 مراحل الأولي زي الفلتر ال 5 مراحل بس من عند المرحله الرابعه بتختلف يعني تلاقي مرحله التناضخ العكسي( التي تقوم بفصل الأملاح الضاره و النافعه من المياه) و مرحله اضافه املاح معينه مفيده في الجسم و مرحله تانيه بتضيف اكسجين زياده للمياه و هكذا )
انت بقي اللي بتحدد احتياجك و امكانياتك , و المميزات و العيوب يعني لو اخذنا عيوب الفلتر 7 مراحل نجد ان اكبر عيب فيه هو عمليه فصل الأملاح من المياه لأنه بيفصل الأملاح الضاره و النافعه من الماء و بيخليه زي الماء المقطر و طبعا هذا ضار جدا بالصحه علي المدي الطويل ,
و فيه حلول يعني ناس تقول لك تابع قياس الأملاح الخارجه ( بنفسك ) من عمليه الفلتره واعمل ( check up ) باستمرار و ضبطها ( لا ادري كيف ) بحيث تصبح بالنسب المصرح بها
و هكذا . بالاضافه لغلو ثمنه
وعن نفسي اخترت 5 مراحل
يعني الخلاصه انت اللي بتحدد احتياجك و ممكن تروح ( للوكلاء المحترمين ) بمنطقتك و تتناقش معاهم و هم هيعطوك الحل المناسب ليك , و نصيحه انشاء الله لما تشتري الفلتر و تيجي تغير شمعاته تشتري اجود شيء .
انا انصحك بالفلتر الانجليزى مزود بشمعة سيراميك واحدة فقط واظن اسمه دالتون معذرة عن الاسم لانى اشتريته من 7 سنين والاسم اتمسح من عليه
مميزاته انه رخيص اظن ما يزيد 350 جنيه فعال جدا ضد جميع الرواسب فى مياه الشرب وعموما الشمعة بتاعته انواع حسب درجة تلوث المياه فبالتالى ركب الشمعة ذات اصغر مسام لحجب الباكتيريا فضلا عن بقية الشوائب
الشعة بتغيرها بنفسك كل سنة وثمنها لاادرى فى مصر كام بس فى السعودية حوالى 45 ريال بس
كل 3 ايام هتلاحظ انه الفلتر موش شغال لانه الشوائب ماشاء الله تسد عين الشمس فيجب انك تطلع الشمعة وتغسلها كويس وبعدين تركبها وهتلاحظ انه بيمنع حاجات غريبة جدا فى المياه زى الصدا ومادة لزجة انا موش عارف بتيجى منين وسبحان الله لو بنشرب من الحنفية مباشرة هنبلع الكلام ده ربنا يحفظنا
عملى جدا ومعروف انه من احسن الفلاتر فى العالم وسيبك من ro ........ دى موش هتجيب همها
يعنى cost benefit ratio موش اد كده
وبالتوفيق من اجل مياه نظيفة لكل الشعب
برجاء مراعاة انتقاء الألفاظ
مشرف 5 ب
5 سبتمبر 2010
12:15 مساءا
[QUOTE=نينو;3872349362]لو محتاجين اي حاجة من شركة ووتر ورلد انا بتعامل مع فروعهم هنا في مصر و بصراحة ناس كويسين جدا و اللي و مركب من عندهم 17 فلتر لاصحابي و قريبي و بيعملو معايا تخفيض كويسو اجهزتهم مضمونة جدا لو محتاجين اي معلومات او ارقام تليفون الشركة هنا انا تحت امركم
ليهم فروع في القاهرة و الاسكندرية[/QUOTE
ليهم فروع فى الشرقيه ولو ما لهمش يا ريت تليفون المكتب الرئيسى او العنوان
او اى معلومات عن الشركه و ايه افضل نوع من واقع تجربه حضرتك
ولو عندك فكره عن الاسعار و اسلوب الصيانه و مواعيدها
( انته اللى قولت تحت امركو شيل بقه ):E_braces[1]:
و الله ياباشا انا مهما عملت مش هقدر اوفي جزء صغير من اللي انتو بتعملو فعلا انتو نعما الاصحاب و الاخوات كمان و اتمني اني افيد اي حد و الله علي قدر المستطاع انا معايا الكارت بتاع فرع غمرة في شارع بور سعيد و فرع في كوبري القبة و كذا فرع تاني فلو ممكن اني احط الارقام هنا و لا في مشكلة مع ادارة المنتدي
علي فكرة فللاتر ال ro ]اقوي فلاتر في تنقية المياة و دي مش راي لوحدي ده راي كل اللي ركبوهم و بالنسبة للصيانة هما بيتصلو بيك لما ميعاد الشمعات يقرب يتغير و في ضمان 5 سنين للاجهزة
ما اظنش ان اداره المنتدى هيكون عندها مانع
لو حطينا ارقام تليفونات الشركه
يعنى بما ان الفلاتر ده ليها صيانة يبقى وجود وكلاء فى البلد شئ مهم
عاوزين حد من الادارة يقول نحط الارقام و لا لا
--------------
انا كمان بتعامل مع شركه اكوابيور من 6 شهور واسعارهم ممتازه والصيانه فى مواعيدها واللى اعرفه ان مفيش فلتلر امريكى بينزل مصر لانه غالى جدا وده موقع الشركه للاستعلام
Aqua-PureSolutions - Home
هو ايه الفرق فى الهيصه ديه كلها كل ديه انواع ؟
Waterworld USA
شركة اكوا بيور وتر
تقدم لكم اقوى عروض فلاتر المياة
فلتر ال7 مراحل شامل الشحن والتركيب ب1200 فقط لا غير
ضمان عام كامل
كما يوجد لدينا جميع انواع الشمع الامريكى والتيوانى
ويوجد لدينا جميع قطع الاغيار بااسعار لا منافس لها
كما يوجد تحليل مياة فى اى مكان فى مصر مجانا
للاستفسار:01000984841_01220419831
نسيت اقولكم ان سعر الفلتر دا شامل الشحن والتركيب والصناعة امريكى
انا اشتريت فلتر اسموا سفن استارز وفيه مميزات كتير جدا وخدت شمعات هدية سنة كاملة ده الفلتر
أنواع فلاتر المياه وأسعار وصيانة فلتر المياه: فلتر مياه 7STARS MG