عرض للطباعة
[overline]
اشتريت عربية شيري كيو كيو بعد جولة كبيرة في العربيات الصيني
السعر: 44500
الكماليات:
تكيف /سنتر/باور/مريات كهرباء/4 زجاج كهرباء/4 وحدات رفع/سخان الزجاج الخلفي/كاسيت/فوانيس شابورة امامي وخلفي/استوب في الشنطة/5جنوط/ ده اللي فاكرة دلوقتي
العربية اكثر من ممتازة في الشكل والأداء دا راي الاول طبعا التجربة هي اللي هتحكم
سالت ناس كتير عندهم العربية دي كله بلا استثناء بيشكر فيها
اي استفسار انا تحت امركم
وعقبال عندكو :10d5c8~1107:
[/overline]
الف الف مبروك وربنا يديك خيرها وبكفيك شرها
واختيار موفق ان شاء الله
وياريت لو تبقى تعملنا تقرير عن العربيه
الف مبروك ربنا يباركلك فيها و يكفيك شرها
انا اللى اعرفه عن العربيه دى انها بتنزل بفتيس سبور يعنى + و - بس
هل دا صحيح لان فيه واحد صاحبى جابها اول ما نزلت وكان فيها الفتيس دا
ألف مبروك
الله يبارك فيكم جميعا
بالنسبة للأخ كريم 2001 العربية اللي بتتكلم عنها دي اسمها شيري كيو كيو ايزي
انما اللي معايا مانول عادي 5 سرعات
الف مبروك ربنا يباركلك فيها و يكفيك شرها
مبروك عليك يا جميل .. ومنتظرين التقرير بقه .. اوعى تكون بخيل :)
اولا الف مبروك عليها
انا معايا نفس العربية بس موديل 2008 وهى الحمد لله حلوة
بس توكيلها زفت
مشكلتها فى قطع الغيار بس
بس انا بحبها اوى لانها حلوة واعتمادية بسافر بيها من السويس لاسكندرية وعلى 150 كم/ساعه
وثابتة على الطريق وتكيفها بردة كويس ساعات بسقع منه انا واللى معايا
مبروك تانى لو احتجت تسال عن اى شئ كلمنى على 0107784320
مبروووووووووووك وياريت قييم ليها وتقرير بالصور
يابشا ربنا يبارك فيك انا متشكر علي زوقك وحسن تعاونك ولو في حاجة اكيد هكلمكاقتباس:
المشاركة الأصلية كتبت بواسطة pedro732000
مبروك و ما تنساناش في صور للعربية و التقرير علشان الناس تعرفها
الف مبروك يا باشا
انا عملت حادثة بالعربية الزفت ديه وطلعت مش عربية ديه علبة كانز متركب ليها 4 كاوتشات وماتور والاوبشن اللى انت عايزه
نفسي ارفعلكو صور العربية بعد ما تقلبة وسبب القلب بس مش عارف
1000000 مبروك يا باشا
و ربنا يديك خيرها و يبعد عنك شرها
انتا تانى :Ka_che1[1]::Ka_che1[1]::Ka_che1[1]::Ka_che1[1]:
اقتباس:
المشاركة الأصلية كتبت بواسطة pedro732000
ربنا يعوض عليك وياريت ترفع الصور عشان دي ارواح ناس هتكسب فيها ثواب للنصح والإرشاد
فعلا ياريتاقتباس:
المشاركة الأصلية كتبت بواسطة Haitham10
الف الف مبروووك يا معلم وعقبال البوجاتى
ابقى اعملنا تقرير كويس كده عشان نعرف العربية صح بما انك صاحبها
وربنا يكفيك شرها ويديك خيرها
اخوكم يوسف
العربية متبهدلة خالص
الحمد لله على سلامتك .وياريت تقولنا انتا عملت اية فى الموضوع اول بأول
ولو فية اى مشكلة احنا اخواتك هنا ولو حد يقدر يساعد اكيد مش هيتأخر بس بلاش شغل الالغاز اللى انتا كنت عاملة فى الاول
وربنا يعوض عليك
ياخبر
حمدلله علي سلامتك
ياريتك تعمل موضوع جديد رجاء مني عشان يبقي نصيحة لكل واحد مقبل علي الشراء وتحكيلنا فيه حكايتك بجد ماهو لازم نعرف
ههههههههههههههاقتباس:
المشاركة الأصلية كتبت بواسطة pedro732000
يا راجل طب طمن قلب الراجل وما تقولوش كده على طول ده الراجل لسه شاريها يعنى خليك محضر خير لحسن الراجل تجيله عقدة من السيارات الصينى :11:
اخوكم يوسف
انا على فكرة لو انت متابع كتاباتى على العربية ديه هاتلاقى انى كنت بشكر فيها على طول وبعدين شوفت على youtube اختبار crash test بتاعها خفت جدا فبدات افكر انى ابيعها ولكن مكانتش مستعد اخسر فيها جامد "الحمد لله على كل حال"وبعدين حصل اللى حصل
العربية تعتبر كويسة جو البلد كاستخدام حريمى
الف مبروك ربنا يباركلك فيها و يكفيك شرها
معلش يابدرو ياخويااااا هو انتا كل سنة لما تتكلم مرةاقتباس:
المشاركة الأصلية كتبت بواسطة pedro732000
مقولتلناش عملت اية ؟؟؟
روحت لافحها على ونش ووديتها عند واحد سمكرى وعرفة عايزه ايه قطع غيار ومصنعيه قد ايه وخليت واحد تانى من الزقازيق برده شافها وعرفة قطع الغيار اللى عايزها ومصنعية وبعدين عرفت التوكيل هاتتكلف معاه كام وفى الاخر قررة ابيعاها حوادث
قدر الله وما شاء فعل حمد الله على سلامتك
المهم الحمدالله انت كويس
لا حول ولا قوة إلا بالله
الحمد لله انك طلعت سليم
بس للأمانة دا شكل طبيعي لأي عربية اتقلبت وبالنسبة لأختبار السلامة علي اليو تيوب ياريت تبص علي الدايو لانوس هتلاقيها واخدة علامات اقل علي الرغم ان فرق السعر مبينهم كبير
العيب فعلا هوا ازاي اتقلبت هو ده اللي عايزين نعرفة
اخى ربنا يباركلك فيها ويكفيك شرها
انا حبيت انبهك ان العربية ديه مش اعتماديه وبردة مش وحشه هي كويسه بس خليك حريص برده وربنا يكرمك
بالنسبة للحادثة ركبة المساعد اللى رابطة مع الطنبورة اتكسرة زى ما انت شايف فى الصور وانا كنت فى منحنى وطبعا لك ان تتخيل العربية راحت حدفه شمال واتقلبة وبعدين اتعدلت فى المقابل.
الف مبروك و ياريت تقييمك للعربيه اليومين دول بعد الفتره دي من الاستهلاك و متاخدش بالكلام السلبي الموجود في الموضوع علشان اي عربيه بتمشي علي 4 عجل و تحت قانون واحد للفيزياءاقتباس:
المشاركة الأصلية كتبت بواسطة lord23
و ياريت توافينا بتقرير شامل الله يكرمك
الف مبروك ياباش ربنا يباركلك فيها و يحفظهالك ..
الف مبروك وربنا يعطيك خيرها ويكفيك شرها