أيامها كان ركوب العربيات المستوردة نوع من الاحلام
أيامها كان ركوب العربيات المستوردة نوع من الاحلام
الله يرحمه ويرحمنا جميعا
السيارة - كما هو مكتوب تحت الصورة - أهداها له عمال النقل البرى ...
ما الذى يدفع عمال أى مكان فى مصر لدفع جزء من أموالهم لشراء سيارة لرئيس الدولة؟
ألف علامة تعجب من الهادى وقابل الهدية!
راجل متواضع الله يرحمه
وبعدين كده السيات دخلت التاريخ
السادات لايعوض الله يرحمه :120146b
ربنا يوفق
رحمة الله عليك يا سادات.
فين الصورة
لا تعليق
الفاتحه له ولاموات المسلمين ولكرامتنا
الله يرحمه
الله يرحمه كان راجل بمعنى الكلمه انا فاكر لقطه ليه وكارتر بيتحايل عليه علشان يرجع الاجتماع بتاع اتفاقية كامب ديفيد وانور باشا واقف كله هيبه وحاطط رجله على سور وبيشرب البيب ومش مدى اى اهتمام وهو بتحايل عليه ولسه لغاية دلوقتى محتفظ بكل المجلات والجرايد اللى صدرت بعد القتل الخائن ليه
الله يرحمه ويرزقنا بنص واحد زييه
بس هانت انا شايف مع الاحداث الحاليه تجمعنا حول علم مصر يدل انى ان شاء الله اللى جاى احسن بكتيير بس ياريت نكمل على نفس الوحده ومش نهدى حى لو وصلنا لهدفنا
الله يرحمه دمر الاشتراكية التي كان يتغنى بها و فتح البلاد على الآخر للبضاعة المستوردة حتى صار التهليب و الكسب غير المشروع و غسيل الاموال شئ عادي جدا في عصره و ما تلاه . لمن لم يعاصروا فترة حكم السادات , أذكرهم بأنني كنت في الشارع يوم 19 يناير 1977 أنا و الوالد رحمه الله نتبضع و شفت بعينيا مظاهرات الجياع بسبب رفع اسعار العيش و السكر و الزيت و البنزين للضعف في غضون يوم واحد فقط . الاسعار كانت حاجة يوم 17 يناير 1977 و يوم 18 يناير ارتفعت للضعف فقامت المظاهرات في كل البلاد و يوم 19 يناير روحنا المنزل سيرا على الاقدام انا و الوالد بعد تحطيم المواصلات و اعلان حالة حظر التجول بعد 6 مساءا . الله يرحمه كان يركب عربية سيات أمام عدسات المصورين و كان رجاله من اثرياء الانفتاح بتوع بورسعيد مثل سيد متولي و أخيه عصمت السادات يركبون الكاديلاك و المرسيدس و كنا وقتها قبل شراء سيارتنا ال 125 موديل 1977 بنركب الاتوبيس بقرش صاغ و كان الناس فوق بعضها و ما فيش مكان نركب حتى على السلالم لان الناس كانت طالعة برة . أما التاكسيات فكانت تضع الفوطة الصفراء و لا تركب أحد سوى العرب الذين ياتون للسياحة صيفيا في الشقق المفروشة بتاعة المهندسين و الهرم . لقد فتح السادات مصر على البحري لعرب الخليج و السعودية فأرتفعت اسعار الشقق التمليك و خلوات الايجار بطريقة رهيبة جعلت الطبقة المتوسطة و هي اساس أي مجتمع تصاب بالافلاس و أرتفعت معها طبقة الحرامية و خدامات الشقق المفروش . أما عن ظهور طبقة الصنايعية الاثرياء أصحاب الذوق الهابط فنيا و مهنيا فحدث و لا حرج و لاننسى كيف طرقعت أغاني احمد عدوية و ليلى نظمي و كتكوت الامير و باعت اسطوانة ( أما نعيمة ) اكثر من ( حكم علينا الهوى ) لسيدة مصر الاولى أم كلثوم فماتت بحسرتها بعد ما سلبت منها سيدة مصر المدعية جيجي السادات مشروع الوفاء و الامل .
هو ده الكلام فعلاً :Ta_clap[1]:
الله يرحمة طبعاً ويغفر له ومواتانا جميعاً بس المفروض نتعلم ومنقعدش نردد كلام وخلاص زى ما بعض الناس بتعمل وناخد الكلام من الناس اللى عاشت الفتره ديه ونبص على افعاله من كل الزوايا السادات حقق نصر 73 ماشى بس الخطة اساسا كانت موضوعة من ايام عبد الناصر وعبد الناصر هو اللى اعاد بناء الجيش واسس مبادئى استراتيجية الدفاع الصاروخى اللى بيها تحقق النصر بإذن الله (خطة المأذن العالية)
ويكفى ان قبل السادات كان العرب كلهم تحت طوع مصر وكانت مصر كبيرة كقيمة وشعب واستراتيجيا وسياسياً والسادات ضيع كل ده علشان يقول انا رجعت سينا بعد فشلة فى تطوير الهجوم واستعادة سيناء كاملة بالقوة
السادات هو اللى عظم شوكة الاخوان المسلمين وفى نفس الوقت من غير ما يحس ادى مبرر للمتطرفين والمتشددين الاقباط رداً على تعديات المتشددين المسلمين عليهم وختمها بقرار اعتقال البابا اللى اجج الفتنة اللى مازالت مستعره بين الاقباط والمسلمين الى الان
ده طبعاً غير الكلام اللى الاخ الفاضل قالة عن التحولات الاجتماعية الدرامية اللى حصلت بسبب سياساتة الداخلية وسياسة الانفتاح بالاخص - ديون مصر - طغمة الراسماليين الجدد - معتقلات المفكرين والادباء الناصريين واليساريين وغيرهم - عصمت السادات و جلال السادات ونادية عصمت السادات وابنائهم وملايينهم - اباده الحياة الحزبية فى مصر - العودة بمصر لعصر الانقياد للامبريالية الغربية متمثلة فى امريكا - تفكيك القطاع العام .......
اقول تانى ولا كفاية
ده بس من وش القفص واللى تحت اكبر واكتر يلا بقى الله يرحمة ويرحمنا :120146b
معاك حق
هو حسسني ان ايام الاشتراكية كانت نعيم و جنة
بالرغم من ان اللي انتفع من الانقلاب اللي حصل هو جمال عبد الناصر و شلتة و مجموعة من الجبناء امثال شمس بدران
اما الشعب كان بيسمع شعارات
و كنا بنتكيف اوي من الشعارات اللي كانت بتتقال انما فعل مفيش
و كان الفساد وصل لحد مساوي او اكتر من اللي احنا فية دلوقتي
لغاية محصلت هزيمة 67 و عرفنا ساعتها ان كل الكلام اللي بيتقال كدب فكدب
و محدش بقي ياكل من الكلام دة
دى فين الصورة دى لانها فى الاغلب متركبة..كارتر مين اللى بيتحايل عليه..هو فى حاجة بهدلتنا غير التسرع اللى هو عمله..ده حتى كل مذكرات الناس اللى كانت بتشتغل معاه بتجمع على انه كان بيتصرف لوحده فى المفاوضات فى حين اسرائيل كان فريق كبير ومتعاون فكانوا اقوى وموقفنا اضعف وادى نتيجة السلام المنفرد بنعانى منها لغاية دلوقتى ولسه حنعانى
بالنسبة لقرارته الاقتصادية (العظيمة) ففى مقدمتها الانفتاح (العظيم) اللى بالرغم من اتفاقنا على اهميته..لكن مفيش دولة بتصحى الصبح تتحول من اشتراكية لراسمالية ..فى حاجة اسمها تخطيط وتروى ...لكن كل قرارته كانت متسرعة وبياخدها بعد ميحلم (راجع طرد السوفيت)
بالنسبة لوضع اقتصادى فكان زفت وبنية اساسية متبهدلة والحقيقة رغم كل اللى بيتقال على مبارك بس على الاقل كان واخد تركة منيلة لسه متبقى منها كتير لغاية دلوقتى
أهلا بالاخ الفاضل mynameh
عزيزي من الذي انتفع بالتعليم المجاني ؟؟؟؟؟ هل اولاد عبد الناصر و شمس بدران فقط أم اولاد الفقراء بمصر ؟؟؟؟؟؟؟؟ التعليم هو سلاح مصر للتقدم و قصر التعليم على القادرين فقط هو تدمير لثروة مصر البشرية .
التعليم ( الصحيح ) هو الوسيلة الرئيسية للفقير لكي يرتقي بنفسه و عائلته و التعليم هو عصمة الفتاة الفقيرة من أن تبيع نفسها حتى و لو كان بالزواج الشرعي .
من الذي انتفع بالسد العالي ؟؟؟؟؟؟؟؟ نحن مواطنين مصريين عاديين لدينا بضعة أفدنة في البلد كنا بنرويها ري احواض بمواعيد , بعد السد العالي بقينا بنرويها السنة كلها و بتتزرع السنة كلها و لولا كده ما كانتش المزروعات هتكفي زيادة السكان .
أنا شخصيا تعلمت في مدرسة خاصة لغات و لكن تخرجت من كلية الهندسة جامعة القاهرة و لم ادفع أي مصاريف طيلة خمسة سنوات دراسة , أنا تخيلت لو كان التعليم بفلوس و مصاريف هندسة القاهرة زي الجامعات الخاصة دلوقتي 15 ولا 20 الف في السنة كان أهلي هيجيبوا منين 100 الف جنيه مصاريف اتعلم بيها ؟؟؟؟؟؟؟؟
و يا سلام لو عندك طفلين او ثلاثة هتعمل ايه ؟؟؟؟؟؟؟؟؟؟؟؟؟؟؟؟؟
لقد كان انتاج القطاع العام في الستينيات يضاهي الخاص و يتفوق عليه , أنا لا انسى
منتجات غزل المحلة و لا البان مصر و لا حتى شركة النصر للسيارت التي جمعت أكثر من ثلث السيارت في مصر و بعض منها مازال يسير للآن .
رغم الحروب المتعددة في الخمسينيات و الستينيات لم يحدث ثورة جياع مثل 18 و 19 يناير .
أنا معاك تماما في ما قلته عن هزيمة 1967 لقد كانت غلطة قاتلة لفترة حكم جمال عبد الناصر و معها أيضا حله للأحزاب و تأميمه للصحافة .
لقد سلم رجال الثورة و على رأسهم عبد الناصر قيادة الجيش المصري لعامر لمجرد انه من اهل الثقة و ذلك خوفا من حدوث انقلاب عليهم و عامر كان مشغول بوردة الجزائرية و برلنتي عبد الحميد و غيرهم في فيلته بصحارى سيتي بالهرم فكانت الفاجعة الكبرى .
http://www.nilemotors.net/Nile/image...t-top-left.gifاقتباسhttp://www.nilemotors.net/Nile/image...-top-right.gifhttp://www.nilemotors.net/Nile/image...ot-by-left.gifالمشاركة الأصلية كتبت بواسطة Col. Eng. Khaledhttp://www.nilemotors.net/Nile/image...t-by-right.gifhttp://www.nilemotors.net/Nile/image...p-right-10.gifكل واحد فينا (له و عليه) ........ دي طبيعة بشر
من كان منّا بلا ذنوب فليلقم قبر السادات بحجر . http://www.nilemotors.net/Nile/image...t-bot-left.gifhttp://www.nilemotors.net/Nile/image...-bot-right.gif
مع احترامى البالغ لحضرتك بس الكلام ده قابل للتطبيق فى حياتنا العادية
لكن فى العمل العام والسلطة مينفعش نطبقه
والا مش حيكون فى معارضة وكل واحد يجى يجرب ومحدش ينتقده لان كلنا عيوب
اولا كل واحد ليه رايه وانا شايف انه مش كانفين التسرع ده ده احنا كنا بنتحايل على الاخوه الفلسطنين علشان يحضروا وياخدوا حقهم وهما اللى تقاعصوا ولحد دلوقتى بيتقاعصوا والكبار عايشين على قفا الفلسطنيين بيتمصلحوا على قفا الشعب وكمان مش كانت صوره ده كان فيديو ومتذاع على الام بى سى يعنى مفيش مجال للتركيب وثانيا اللى حواليه ما اتكلموش الا لما مات وهو عايش كانوا كلاب جنبه الله يرحمه كان ملجمهم زى الحمير واى حد مش استفاد وهو جنب السادات لازم يطلع يبعبع ويقول اى هبل
ده واقع احنا بنعانى منه لحد دلوقتى طول ما الباشا فى الكرسى يبقى باشا اول ما يلبس الجلابيه يبقى بواب احنا كده وحنفضل كده عبيد:beatdeadhorse5:
وعلى فكره اى حد بييجى بعد حد بيكمل اللى فات يعنى مفيش انجازات حصلت ده الطبيعى بتاع اى بلد بتكمل بنيتها الاساسيه بعد خروجها من الحروب يعنى مش اختراع اللى حصل ده وكل زمن وله اسلوبه ومخاطره والاهم الحفاظ على الشعب
هى طبعا المناقشات لن تجدى فى المواضيع دى لانها عندنا زى الاهلى والزمالك
لكن بالارقام فان عهده كان اسوا العهود اقتصاديا (عمر محصل ثورة جياع حتى دلوقتى) سياسيا ..حدث ولا حرج انقسام للعرب وتراجع رهيب لدور مصر (كان اكتر وقت مصر ممكن تستفيد من العرب وثرواتهم) غير ان حتى السلام كان يتعمل بس لما كل العرب كانوا يتكلموا فى وقت واحد لكن هو كان عايز يبقى نجم قدام العالم فانفرد بالقرار (هو فى حد يعمل سلام انه ينط يسافرلهم؟ ده كان المفروض تمهد وتشوف حتقدر تعمل مكاسب اد ايه وتتشاور مع اللى معاك لكن انفرادك بالموضوع وتسرعك خلى الكل يرفض)
اجتماعيا...الانفتاح اظهر طبقات غريبة بسرعة كبيرة واندثرت طبقات اخرى وظهر خلل اجتماعى بنعانى منه لغاية دلوقتى (مرة تانية انا مع الرأسمالية والانفتاح لكن بعقل مش نصحى الصبح نحلم اننا بننفتح ننفتح)
موضوع البنية الاساسية ده بالرغم من تريقتنا لكن اللى كان عايش اول الثمانينات حيدرك كويس كانت اد ايه سيئة من مجارى ضاربة طول الوقت مفيش حاجة اسمها تليفونات (الشركة كانت بتلاقى انها اسهل تسفر موظف على انها تبعت فاكس) ومحدش يقول علشان الحرب.طيب مالحرب خلصت وقعدنا بعديها 8 سنين بيعمل ايه؟ ده معناه انه حتى مكنش بيهتم بالصيانة والاصلاح يعنى مكملش على اللى وراها لا ده خربها
لو اتكلمنا على الفساد فمحدش قدر بعد 40 سنة يقول ربع كلمة على نزاهة وشرف عبد الناصر...لكن ناحية السادات وصلت للمحاكم غير الاولاد ودرجة الثراء الغريبة مقارنة بوضعهم المالى ومقارنة بعبد الناصر اللى حتى البيت بتاعهم مكنش ملكهم
لو على اللى حواليه فطبيعى محدش بيقدر يتكلم فى حياته لكن مش معناها انهم كدابين
عبد الناصر كان واضح انه بيستعين بناس كتير قبل اى قرار ياخده وبيتانى
لكن السادات كان بيصحى الصبح ياخد قراره وينفذه (قال بنفسه كده فى مذكراته عن طرد السوفيت) وغالبية اللى حواليه كانوا من نوعية التهامى ده اللى كان بيحلم يدخل القدس على حصان ابيض
وحتى اللى كانوا مؤيدين ليه ودول عامة مبيشتموش فى اللى بيأيدوه بعد مبيموت لو قريت مذكراتهم حتحس انه كان فعلا عمدة قاعد على المصطبة وبيحكم مش رئيس دولة
الله يرحمه ويرحم ايامه
الكلام قبل ماتش مصر وتونس المؤهل لكأس العالم وللأسف خرجنا برده وكل عام وانتم بخير
الله يرحمه
الله يرحمك يا ريس
الله يرحمه..........ويجعل مثواه الجنة.....
الله يرحمك يا ريس ويرحم الجميع
الله يرحمه