أخيرا تركيب عداد rpm داخلى لبيجو 504 ...بالصور والخطوات ...

...........بسم الله الرحمن الرحيم .........

السلام عليكم ورحمه الله وبركاته

اولا : كل سنة وانتم طيبين ... يارب يكون عيد سعيد وجميل عليكوا ولا تنسوا صلة الرحم والاقارب ...

ثانيا : اسف على قلة تواجدى للتحضير للامتحانات والمذاكرة ...

ثالثا : ندخل فى الموضوع ..

الموضوع : تركيب عداد لفان الموتور داخلى .. ( يعنى يكون موجود مكان الساعة ) ..

الادوات : عداد rpm لعربة نيفا لادا ...

مفتاح 10 لفك التابلوة ..وفك ظهر العداد بتاع الادا ..

زرادية لفك صواميل الساعة من ظهر التابلوة ...

مفك صليبة وعادة ...

3 متر سلك 2مم حجازى .. وعازل ..

الفكرة : انا كان عندى تابلوة ال gr وانا غيرته بتابلوة gl لانة احلى وطبعا اشيك .. فلما اشتريته ماخدتش بالى من حكاية العداد ده ... فقالولى اشترى طقم العدادات بس ...قعدت اسال عليه لقيته بحوالى 300 جنيه ...فحرام ادفع المبلغ دده وانا لسه مغير التابلوة ...

فكرت انا واخويا وحبيبى اسلام البنا .. قالى نجيب عداد بتاع البيجو بس يكون rpm بس وبعده نفتح مكان الساعة ونركب العداد مكانه ... قعدت الف على العداد ده بس مش لاقيه ولما الاقيه عند واحد يطلب فيه 100 جنيه او ميرضاش يفكه من طقم العدادات ..اسلام قالى نجرب عدادت ال 124 او الادا ... طبعا قبلها كنت بلف على جميع انواع العدادات ومنها الصينى والبولندى وكله ....نزلت اشوف بتاع 124 لقيته كبير شوية وشكله مش هيبقى حلو على العربية لان الارقام بتاعته مكتوبة على الدوران بتاع العداد زى الاوكتافيا كدا ... فرحت اشو العداد بتاع اللادا لقيته مناسب ... فكيته من الراجل وسالته كام ... قالى 50 كلمة منى وكلمة منه اديته 30 وهو زعل منى ... بس مش مشكلة المهم اخدته بالسعر اللى انا عايز ه..

التركيب

1-نفك قشرة التابلوة ودى بتكون موجوده عن طريق كلبسات بنشدها لفةق عادى وبتطلع معانا ..

2-هنلاقى طقم العدادا مربوط بمسمارين من الجنبين هنفكهم ...

3-نقلب العدادت من ورا هنلاقى الساعة مربوطة بصامولتين صغيرين .. هنفكهم بالزرادية ... ونطلع الساعة ....

http://img237.imageshack.us/img237/6739/23112007021.jpg

http://img81.imageshack.us/img81/4540/23112007022.jpg

http://img686.imageshack.us/img686/1573/23112007020.jpg

4- نيجى للعداد بتاع النفا هنلاقى حلقة نيكل موجودة فوقيه وماسكه الوش بجسم العداد ... هنحاول نفكها بمفك عادة عن طريق فتحة بتكون موجودة فى اسفل الدوران ..

http://img98.imageshack.us/img98/8436/23112007013.jpg
دى صورته بعد الفك ....

http://img98.imageshack.us/img98/6078/23112007014.jpg

5- هنلاقى فى ظهر العداد صامولتين مقاس 10 .. هنفكهم ...

6- هنلاقى 3 مسامير صليبة صغيرين .. هنفكهم ...هنلاقى العداد اتفك عن الجسم بتاعه ..

http://img294.imageshack.us/img294/3961/23112007015.jpg

http://img294.imageshack.us/img294/4968/23112007016.jpg

http://img81.imageshack.us/img81/5742/23112007018.jpg

http://img294.imageshack.us/img294/2861/23112007017.jpg

http://img691.imageshack.us/img691/4627/23112007019.jpg

7-العداد بكون عبارة عن الملف بتاعه والمينا وتلات وصلات من ورا .... ده اللى احنا عاوزينه ..
8- بعد لما فكينا الساعة بتكون الحته دى كلها فاضى ... بنحاول نحط العداد اللى طلعناه ونظبط مكان الوصلات بتاعته ومكان المسامير اللى بتربطه ..
9- نسخن المفكين وبالمفك العادة نسيح مكان الوصلات ومكان المسامير نسيح بالمفك الصليبة (بس فتحة صغيرة لان المسامير صغيرة ) ...
10- نثبت العداد مكان اساعة ونركب الغطا وكل حاجة ونقفل العداد ...

نيجى للتوصيل ..
1- العداد بيكون فيه تلات وصلات من ورا ... الاولى من فوق بتكون ارضى زالتانية موبينة والتالتة موجب بطارية ...
2-نوصل السلك جنب الضفيرة بتاعت العربية من ورا التابلوة ... لغاية الطرف السالب من الموبية او الاسبراتير ....

http://img81.imageshack.us/img81/2014/25112007026.jpg

http://img121.imageshack.us/img121/7107/25112007025.jpg

3- ناخد سلك صغير لغاية طرف سالب من حديد التابلوة ..
4- ناخد سلك صغير لغاية طرف موجب من الفيوزات ..

نقفل العدادات والتابلوة زى ما فكيناه ... واسمتعوا بالعداد ...
دى صور العداد ... طبعا زى ماحضراتكم شايفين انا فاكك موشر الشحن لانه باظ فقولت بالمرة اغيره ... بس المشكلة انى مش لاقيه وعمال ادور عليه ...

قولوا لى رايكم ايه فى العدادت ...

http://img294.imageshack.us/img294/4050/25112007024.jpg

http://img294.imageshack.us/img294/8561/25112007023.jpg

ادعوا لى دعوة حلوة ليا ولاخويا ولعائلتى .... ربنا يكرمنا ..جميعا ...

مبروووووووك

فكره حلوه... شكرا

اقتباس:

---

المشاركة الأصلية كتبت بواسطة monmonmon

مبروووووووك

فكره حلوه... شكرا

---

الله يبارك فيك ... اما بلنسبة للفكرة فكانت من تفكيرى وتفكير اسلام حبيبى عشان مش ننسى حد ...

مشكوووووور والله يعطيك الف عافيه

اقتباس:

---

المشاركة الأصلية كتبت بواسطة kasten

مشكوووووور والله يعطيك الف عافيه

---

ربنا يخليك ... شكرا على مرورك

أولا الف الف مبروك على الفكرة وعلى التنفيذ
وثانيا شكرا جدا على الافادة العظيمة التى يحظى بها كل منتسب الى هذا المنتدى العظيم من خلال تقارير الاعضاء المحترمين فعلى الرغم من انى من مالكى بيجو ال 305 إلا اننى استفدت

اقتباس:

---

المشاركة الأصلية كتبت بواسطة amrfox2002eg

أولا الف الف مبروك على الفكرة وعلى التنفيذ
وثانيا شكرا جدا على الافادة العظيمة التى يحظى بها كل منتسب الى هذا المنتدى العظيم من خلال تقارير الاعضاء المحترمين فعلى الرغم من انى من مالكى بيجو ال 305 إلا اننى استفدت

---

الله يبارك فيك .... الشكر لله وحده

ربنا يحمى لك عربيتك وتحافظ عليها ... واى استفسار تحت امرك ...

موضوع هايل تسل ايدك فكرة 10/10
وكل سنة وانت طيب وسنة سعيدة عليك وعلى الاسرة وجذاك الله خير

عاش يا رجال عاش ياوحوش

اقتباس:

---

المشاركة الأصلية كتبت بواسطة the-hero

موضوع هايل تسل ايدك فكرة 10/10
وكل سنة وانت طيب وسنة سعيدة عليك وعلى الاسرة وجذاك الله خير

---

ربنا يخليك يا هيرو ... وحضرتك طيب وانعم الله عليك بايام سعيدة وجميلة ...

اقتباس:

---

المشاركة الأصلية كتبت بواسطة the-hero

عاش يا رجال عاش ياوحوش

---

عشت يا هيرو .. ده بعض من عندكم .... احنا اتعلمنا منكم ونبدا ننفذ ... والله المستعان ...

والله فى ناس كتير مستنى اشوفها على منتدى البيجو بس مش لاقيهم مش عارف ليه ... يارب يدخلوا ويقولوا رايهم ....

موضوع جميييل مشكور يا باشا على الافاده

اقتباس:

---

المشاركة الأصلية كتبت بواسطة razor_2004

موضوع جميييل مشكور يا باشا على الافاده

---

الشكر لله وحده .... ومنكم نستفيد ايضا ...

عيد سعيد ...

بصراحه يا كريم برافو برافو برافو

تسلم ايديك بجد

بس قولي انتا مشغل العداد كله؟؟؟

بمعني...

انتا عندك في ار بي ام النيفا او الادا عموما (لان ده نفس ار بي ام الادا الـ 1600)

في مؤشر البطاريه والزيت دلوقت انتا دول لغيتهم متهيالي لانهم موجودين عندك في تابلوه الجي ال لمض لواحدها

تاني حاجه ازاي يا راجل تغير تابلوه الجي ار والله حرام عليكم

انتا عارف انه انهارده عدي الـ 1800 جنيه التابلوه ده؟؟؟

بصراحه انا بحس تابلوه الجي ار اشيك جداااااااا من التابلوه الحديد ده بتاع الجي ال

علي فكره صحيح فاكر موضوع مساعدين الشنطه؟؟؟

انا صورت الصور من بدري ومعايا لو عايزهم بس مش عارف انزلهم في انهي موضوع

وابقي اهتم بقي بنضافة الحوض والمكنه عن كده قبل ما تغير طقم الكهربا

تجبلك خمسه لتر بنزين وفرشه سلك وادعك بقي في المكنه بعد كده تروح عدل تغير طقم الكهربا لانه هيبقي بالسلامه

بس متجيش عند مسامير الكربراتير لتغير ظبطة الهوا

A.Yakout

أحمد باشا ... مستنيك على نار يا حبيبى ...

اقتباس:

---

بصراحه يا كريم برافو برافو برافو

تسلم ايديك بجد

---

شكر يا باشا .. انت اللى علمتنا نفكر وننفذ ... ومنكم نستفيد بردوا ...

اقتباس:

---

بس قولي انتا مشغل العداد كله؟؟؟

---

هو فعلا فى لمبات للبطارية وشفاط البنزين وواحدة لفرامل اليد .... بش دى لمبات بس مش موشرات ... يعنى ملهمش لزمة عندى عشان اعمل لهم توصيلة بالعدادات الاصلية ... انا لغاية دلوقتى بدور على موشر الشحن بدل اللى اتحرق عندى ومش لاقيه ...

اقتباس:

---

موجودين عندك في تابلوه الجي ال لمض لواحدها

---

انا عمرى ما شفت فى التابلوة اللى عندى لمبات للبطارية ولا حتى البنزين ... بس فى لمبتين فى قاعدة عداد السرعة ... ومش عارف دول بتوع ايه لغاية دلوقتى ونفسى اعرف ...

اقتباس:

---

تاني حاجه ازاي يا راجل تغير تابلوه الجي ار والله حرام عليكم

انتا عارف انه انهارده عدي الـ 1800 جنيه التابلوه ده؟؟؟

بصراحه انا بحس تابلوه الجي ار اشيك جداااااااا من التابلوه الحديد ده بتاع الجي ال

---

والله انا عارف ان تابلوةgr اشيك ولونه بنى محروق جميل ... بس الواحد قال يغير شوية وبعدين العدادت دى فيها موشر للشحن ودى كانت حاجة غريبة عليا فقولت اجرب واغير الشكل بالمرة ...

ده حتى من يومين لسه جايب الدرجين بتوع ال gl وركبتهم ... واحد بيكون قدام الراكب الامامى والتانى بيكون ورا علبة الفيوزات ...

اقتباس:

---

علي فكره صحيح فاكر موضوع مساعدين الشنطه؟؟؟

انا صورت الصور من بدري ومعايا لو عايزهم بس مش عارف انزلهم في انهي موضوع

---

انا هبعت لك على الخاص عشان نتكلم فى موضوع الشنطة دى .. لانى لغاية دلوقتى معملتش فيه حاجة ... وكمان فى حاجة عايز اكلمك عنها ..

اقتباس:

---

وابقي اهتم بقي بنضافة الحوض والمكنه عن كده قبل ما تغير طقم الكهربا

تجبلك خمسه لتر بنزين وفرشه سلك وادعك بقي في المكنه بعد كده تروح عدل تغير طقم الكهربا لانه هيبقي بالسلامه

بس متجيش عند مسامير الكربراتير لتغير ظبطة الهوا

---

والله وانا بعمل العمرة من حوالى شهرين كان نظيف وجديد ... بس مشكلتى انى بسافر كتير ومش بحب اروح المغسلة لان المسدس بتاع الميا بيهرى سلوك الموتور ... ومش بحب كل شوية اروح للميكانيكية ...


شكر على مروك يا حبيبى ...

اى استفسارات .. انا موجود فى الخدمة

فكرة جميلة وشرح رائع

ربنا يبارك لكم جميعا ويكرمكم
وكل سنة وانتم طيبين

اقتباس:

---

المشاركة الأصلية كتبت بواسطة م.احمد زكريا

فكرة جميلة وشرح رائع

ربنا يبارك لكم جميعا ويكرمكم
وكل سنة وانتم طيبين

---

الف شكر يا جميل ...

وانتت طيب .. وعيد سعيد علينا كلنا ..

والله حلو انا متوقعتش انه يطلع كده

اقتباس:

---

المشاركة الأصلية كتبت بواسطة nour_peugeot

والله حلو انا متوقعتش انه يطلع كده

---

وانا والله مكنتش متوقع انه يكون كدا .... بس على الحقيقة احلة ومش باين خالص انه مش بتاع العربية او متركب عليها ..

ده حتى واحد صاحبى شافه وعنده بيجو .. قالى انت غيرت العدادات كلها .. ولما قلت له .. قالى هينزل يشترى واحد واركبه له ...

نفسى يا نور تشوفه على الحقيقة احلى واجمل .. وكمان عشان اتعرف عليك ..

ازيك ياكريم عامل ايه كل سنه وانت طيب
مبروك عداد ال rbm علشان تصدقني بعد كده لما اقولك انه مفيش مستحيل وعقبال باقي التعديلات

اقتباس:

---

المشاركة الأصلية كتبت بواسطة islambana

ازيك ياكريم عامل ايه كل سنه وانت طيب
مبروك عداد ال rbm علشان تصدقني بعد كده لما اقولك انه مفيش مستحيل وعقبال باقي التعديلات

---

اخيرا يا اسلام ... نورت الموضوع ..

انا الحمد لله ... انت ايه اخبارك .. وانت طيب يا جميل ...

الله يبارك فيك ... وفعلا انت صاحب الفكرة ...ومفيش حاجة مستحيل .. وانشاء الله نكمل التعديلات مع بعض ..

عايز اتكلم معاك كتير .. وحشتنى يا جميل ...

ن شاء الله قريب يا باشا ده شرف ليا

اقتباس:

---

المشاركة الأصلية كتبت بواسطة nour_peugeot

ن شاء الله قريب يا باشا ده شرف ليا

---

انشاء الله ... عايزين مقابلة حلوة كدا يا عم نور ...

من عيني بس نختار معاد صح عشان كل النا تيجي

مقابلة تانى
يا مسهل . الله المستعان

يارب نعمل مقابلة حلوة كدا وتكون فى الصيف ..

شكرا على الموضوع

اقتباس:

---

المشاركة الأصلية كتبت بواسطة semsem_inside

شكرا على الموضوع

---

الشكر لله وحده ...

شكرا على الموضوع الرائع
فعلا استفدت منه ويارب اعرف اطبقه

اقتباس:

---

المشاركة الأصلية كتبت بواسطة drmahmoud123

شكرا على الموضوع الرائع
فعلا استفدت منه ويارب اعرف اطبقه

---

با باشا لا شكر على واجب ... كلنا هنا عشان الافادة العامة .. وزى ما احنا بنستفيد لازم نفيد ولا ايه ..

انشاء الله تعرف تطبقه .. الموضوع سهل جدا وجميل جدا .. وطبقا فى الاخر هتكون فرحة جميلة عشان انت عملت حاجة بنفسك ... وانا هكون معاك فى كل خطوة ...

بسم الله ماشاء الله على ابنك اللى فى الصورة ... ربنا يحميه ويبارك لك فيه ويطلع دكتور قد الدنيا يارب امين ...

ابداع وابتكار ,, ممتاز ومبروك

الله ينور عليك

اقتباس:

---

المشاركة الأصلية كتبت بواسطة د.محمود صلاح

ابداع وابتكار ,, ممتاز ومبروك

---

الف شكر يا دكتور ... والله يبارك فيك ...

اقتباس:

---

المشاركة الأصلية كتبت بواسطة aymansaad

الله ينور عليك

---

وعليك يا باشا .. ده انت معايا من السويس ... عاش يا سويس

الف شكر على مرورك...